Aamir Khan: ਤਿੰਨੋ ਖਾਨਾਂ ਨੂੰ ਵੱਡੇ ਪਰਦੇ 'ਤੇ ਇਕੱਠੇ ਲਿਆਉਣ ਦੀ ਤਿਆਰੀ, ਆਮਿਰ ਖਾਨ ਨੇ ਕਨਫਰਮ ਕੀਤੀ ਨਵੀਂ ਫਿਲਮ, ਕਹੀ ਇਹ ਗੱਲ
ਆਮਿਰ ਖਾਨ ਨੇ ਸ਼ਾਹਰੁਖ ਖਾਨ ਅਤੇ ਸਲਮਾਨ ਖਾਨ ਨਾਲ ਫਿਲਮ ਨੂੰ ਲੈ ਕੇ ਵੱਡਾ ਅਪਡੇਟ ਦਿੱਤਾ ਹੈ, ਜਿਸ ਨੂੰ ਲੈ ਕੇ ਪ੍ਰਸ਼ੰਸਕ ਕਾਫੀ ਖੁਸ਼ ਹਨ। ਆਮਿਰ ਨੇ ਕਿਹਾ ਕਿ ਉਹ, ਸਲਮਾਨ ਅਤੇ ਸ਼ਾਹਰੁਖ ਜਲਦੀ ਹੀ ਇੱਕ ਫਿਲਮ ਵਿੱਚ ਨਜ਼ਰ ਆਉਣਗੇ ।
Download ABP Live App and Watch All Latest Videos
View In Appਇਨ੍ਹਾਂ ਤਿੰਨਾਂ ਦੀ ਇਸ ਸਬੰਧ ਵਿਚ ਮੁਲਾਕਾਤ ਵੀ ਹੋ ਚੁੱਕੀ ਹੈ। ਆਮਿਰ, ਸ਼ਾਹਰੁਖ ਅਤੇ ਸਲਮਾਨ... ਇਹ ਤਿੰਨੋਂ ਸਿਤਾਰੇ ਲੰਬੇ ਸਮੇਂ ਤੋਂ ਫਿਲਮ ਇੰਡਸਟਰੀ 'ਚ ਹਨ। ਜਿੱਥੇ ਆਮਿਰ ਲਗਭਗ ਪੰਜ ਦਹਾਕਿਆਂ ਤੋਂ ਬਾਲੀਵੁੱਡ ਦਾ ਹਿੱਸਾ ਰਹੇ ਹਨ, ਸ਼ਾਹਰੁਖ ਅਤੇ ਸਲਮਾਨ ਤਿੰਨ ਦਹਾਕਿਆਂ ਤੋਂ ਵੱਧ ਸਮੇਂ ਤੋਂ ਹਨ।
ਪਰ ਪ੍ਰਸ਼ੰਸਕ ਅਜੇ ਵੀ ਉਸ ਦਿਨ ਦਾ ਇੰਤਜ਼ਾਰ ਕਰ ਰਹੇ ਹਨ ਜਦੋਂ ਇਹ ਤਿੰਨੋਂ ਖਾਨ ਇੱਕ ਹੀ ਫਿਲਮ ਵਿੱਚ ਨਜ਼ਰ ਆਉਣਗੇ।
ਪਰ ਹੁਣ ਜਲਦ ਹੀ ਪ੍ਰਸ਼ੰਸਕਾਂ ਦਾ ਇਹ ਸੁਪਨਾ ਪੂਰਾ ਹੋਣ ਜਾ ਰਿਹਾ ਹੈ। ਦੱਸਣਯੋਗ ਹੈ ਕਿ ਜਿੱਥੇ ਆਮਿਰ ਖਾਨ ਅਤੇ ਸ਼ਾਹਰੁਖ ਖਾਨ ਨੇ ਹੁਣ ਤੱਕ ਕਿਸੇ ਫਿਲਮ 'ਚ ਇਕੱਠੇ ਕੰਮ ਨਹੀਂ ਕੀਤਾ ਹੈ, ਉਥੇ ਹੀ ਆਮਿਰ ਨੇ ਸਲਮਾਨ ਖਾਨ ਨਾਲ 'ਅੰਦਾਜ਼ ਅਪਨਾ ਅਪਨਾ' ਕੀਤੀ ਹੈ।
ਹਾਲਾਂਕਿ ਸ਼ਾਹਰੁਖ ਆਮਿਰ ਦੀ 'ਲਾਲ ਸਿੰਘ ਚੱਢਾ' 'ਚ ਕੈਮਿਓ 'ਚ ਜ਼ਰੂਰ ਨਜ਼ਰ ਆਏ ਸਨ। ਪਰ ਪ੍ਰਸ਼ੰਸਕਾਂ ਦੀ ਦਿਲੀ ਇੱਛਾ ਸੀ ਕਿ ਇਨ੍ਹਾਂ ਤਿੰਨਾਂ ਸਿਤਾਰਿਆਂ ਨੂੰ ਇਕ ਹੀ ਫਿਲਮ 'ਚ ਦੇਖਣਾ। ਇਹ ਇੱਛਾ ਉਦੋਂ ਤੇਜ਼ ਹੋਣ ਲੱਗੀ ਜਦੋਂ ਰਾਧਿਕਾ-ਅਨੰਤ ਅੰਬਾਨੀ ਦੀ ਪ੍ਰੀ-ਵੈਡਿੰਗ ਪਾਰਟੀ 'ਚ ਤਿੰਨੋਂ ਸਿਤਾਰੇ ਸਟੇਜ 'ਤੇ ਇਕੱਠੇ ਨਜ਼ਰ ਆਏ।
ਆਮਿਰ ਨੂੰ ਹਾਲ ਹੀ 'ਚ ਦਿ ਗ੍ਰੇਟ ਇੰਡੀਅਨ ਸ਼ੋਅ 'ਚ ਦੇਖਿਆ ਗਿਆ ਸੀ, ਜਿਸ ਦਾ ਬਾਕੀ ਕੰਟੈਂਟ ਵੀ ਹੁਣ ਯੂਟਿਊਬ 'ਤੇ ਰਿਲੀਜ਼ ਕਰ ਦਿੱਤਾ ਗਿਆ ਹੈ।
ਇਸ ਵਿੱਚ ਆਮਿਰ ਇੱਕ ਦਰਸ਼ਕ ਦੇ ਇੱਕ ਸਵਾਲ ਦਾ ਜਵਾਬ ਦੇ ਰਹੇ ਸਨ, ਜਿਸ ਨੇ ਪੁੱਛਿਆ ਸੀ ਕਿ ਉਹ, ਸਲਮਾਨ ਅਤੇ ਸ਼ਾਹਰੁਖ ਫਿਲਮ ਵਿੱਚ ਇਕੱਠੇ ਕਦੋਂ ਨਜ਼ਰ ਆਉਣਗੇ।
ਆਮਿਰ ਨੇ ਕਿਹਾ, 'ਤੁਹਾਡੀ ਅਤੇ ਮੇਰੀ ਸੋਚ ਇੱਕੋ ਜਿਹੀ ਹੈ। ਮੈਂ ਹਾਲ ਹੀ ਵਿੱਚ ਸ਼ਾਹਰੁਖ ਅਤੇ ਸਲਮਾਨ ਨੂੰ ਮਿਲਿਆ ਸੀ। ਅਸੀਂ ਤਿੰਨੋਂ ਇਕੱਠੇ ਸੀ, ਇਸ ਲਈ ਮੈਂ ਉਸ ਨੂੰ ਕਿਹਾ ਕਿ ਅਸੀਂ ਤਿੰਨੋਂ ਇੰਨੇ ਸਾਲਾਂ ਤੋਂ ਇੱਕੋ ਇੰਡਸਟਰੀ ਵਿੱਚ ਹਾਂ ਅਤੇ ਜੇਕਰ ਅਸੀਂ ਆਪਣੇ ਕਰੀਅਰ ਦੇ ਇਸ ਦੌਰ ਵਿੱਚ ਇਕੱਠੇ ਕੋਈ ਫ਼ਿਲਮ ਨਹੀਂ ਕਰਦੇ ਤਾਂ ਇਹ ਦਰਸ਼ਕਾਂ ਲਈ ਬਹੁਤ ਗਲਤ ਹੋਵੇਗਾ। ਸਾਡੀ ਤਿੰਨਾਂ ਦੀ ਇੱਕ ਫਿਲਮ ਤਾਂ ਬਣਦੀ ਹੈ
ਆਮਿਰ ਨੇ ਅੱਗੇ ਕਿਹਾ ਕਿ ਉਹ, ਸ਼ਾਹਰੁਖ ਅਤੇ ਸਲਮਾਨ ਇਕੱਠੇ ਇੱਕ ਰੋਮਾਂਚਕ ਕਹਾਣੀ ਅਤੇ ਦਿਲਚਸਪ ਸਕ੍ਰਿਪਟ ਦੀ ਤਲਾਸ਼ ਕਰ ਰਹੇ ਹਨ। ਪ੍ਰੋਫੈਸ਼ਨਲ ਫਰੰਟ ਦੀ ਗੱਲ ਕਰੀਏ ਤਾਂ ਆਮਿਰ ਨੂੰ ਸਾਲ 2022 'ਚ ਰਿਲੀਜ਼ ਹੋਈ ਫਿਲਮ 'ਲਾਲ ਸਿੰਘ ਚੱਢਾ' 'ਚ ਦੇਖਿਆ ਗਿਆ ਸੀ, ਜੋ ਬੁਰੀ ਤਰ੍ਹਾਂ ਫਲਾਪ ਹੋ ਗਈ ਸੀ।
ਜਦੋਂ ਕਿ ਸ਼ਾਹਰੁਖ ਨੇ 2023 ਵਿੱਚ ਤਿੰਨ ਹਿੱਟ ਫਿਲਮਾਂ ਦਿੱਤੀਆਂ। ਅਤੇ ਸਲਮਾਨ ਹੁਣ ਏ.ਆਰ ਮੁਰੁਗਦੌਸ ਦੀ ਫਿਲਮ 'ਸਿਕੰਦਰ' 'ਚ ਨਜ਼ਰ ਆਉਣਗੇ।