ਦੁਨੀਆ ਦੇ ਕਿਸ ਦੇਸ਼ ‘ਚ ਲੋਕਾਂ ਨੂੰ ਮਿਲਦੀ ਹੈ ਸਭ ਤੋਂ ਵੱਧ ਤਨਖਾਹ ?

ਅਜਿਹੇ 'ਚ ਅੱਜ ਅਸੀਂ ਦੁਨੀਆ ਦੇ ਉਨ੍ਹਾਂ ਚੋਟੀ ਦੇ ਦੇਸ਼ਾਂ ਬਾਰੇ ਜਾਣਾਂਗੇ ਜਿੱਥੇ ਲੋਕਾਂ ਨੂੰ ਸਭ ਤੋਂ ਜ਼ਿਆਦਾ ਤਨਖਾਹ ਮਿਲਦੀ ਹੈ। ਇਸ ਸੂਚੀ ਵਿੱਚ ਭਾਰਤ ਦੀ ਸਥਿਤੀ ਕੀ ਹੈ?

ਵਰਲਡ ਆਫ ਸਟੈਟਿਸਟਿਕਸ ਦੀ ਰਿਪੋਰਟ ਅਨੁਸਾਰ ਸਵਿਟਜ਼ਰਲੈਂਡ, ਜਿਸ ਨੂੰ ਯੂਰਪ ਦਾ ਖੇਡ ਮੈਦਾਨ ਕਿਹਾ ਜਾਂਦਾ ਹੈ, ਸਭ ਤੋਂ ਵੱਧ ਮਹੀਨਾਵਾਰ ਔਸਤ ਤਨਖਾਹ ਦੇ ਮਾਮਲੇ ਵਿੱਚ ਪਹਿਲੇ ਨੰਬਰ 'ਤੇ ਆਉਂਦਾ ਹੈ।

ਇਸ ਦੇਸ਼ ਵਿੱਚ ਲੋਕਾਂ ਦੀ ਔਸਤ ਮਹੀਨਾਵਾਰ ਤਨਖਾਹ ਘੱਟੋ-ਘੱਟ 6 ਹਜ਼ਾਰ 298 ਡਾਲਰ ਯਾਨੀ 5 ਲੱਖ 21 ਹਜ਼ਾਰ 894 ਰੁਪਏ ਹੈ।

ਇਸ ਤੋਂ ਬਾਅਦ ਇਸ ਸੂਚੀ 'ਚ ਲਕਜ਼ਮਬਰਗ ਦਾ ਨਾਂ ਦੂਜੇ ਨੰਬਰ 'ਤੇ ਆਉਂਦਾ ਹੈ। ਇਸ ਦੇਸ਼ ਵਿੱਚ ਲੋਕਾਂ ਦੀ ਔਸਤ ਮਹੀਨਾਵਾਰ ਤਨਖਾਹ 5 ਹਜ਼ਾਰ 122 ਡਾਲਰ ਹੈ। ਤੀਜੇ ਸਥਾਨ 'ਤੇ ਏਸ਼ੀਆਈ ਦੇਸ਼ ਸਿੰਗਾਪੁਰ ਦਾ ਨਾਂ ਆਉਂਦਾ ਹੈ। ਜਿੱਥੇ ਲੋਕਾਂ ਦੀ ਔਸਤ ਮਹੀਨਾਵਾਰ ਤਨਖਾਹ 4 ਹਜ਼ਾਰ 990 ਡਾਲਰ ਹੈ।

ਵਰਲਡ ਆਫ ਸਟੈਟਿਸਟਿਕਸ ਦੀ ਰਿਪੋਰਟ ਮੁਤਾਬਕ ਭਾਰਤ ਇਸ ਸੂਚੀ 'ਚ 64ਵੇਂ ਸਥਾਨ 'ਤੇ ਹੈ। ਇਸ ਵਿਚ ਦੱਸਿਆ ਗਿਆ ਹੈ ਕਿ ਸਾਡੇ ਦੇਸ਼ ਵਿਚ ਲੋਕਾਂ ਦੀ ਔਸਤ ਮਹੀਨਾਵਾਰ ਤਨਖਾਹ 49 ਹਜ਼ਾਰ 227 ਰੁਪਏ ਹੈ।