ਇਸ ਸੜਕ 'ਤੇ ਕੋਈ ਵਿਅਕਤੀ ਨਹੀਂ ਜਾ ਸਕਦਾ ਇਕੱਲਾ, ਵਜ੍ਹਾ ਜਾਣ ਕੇ ਰਹਿ ਜਾਓਗੇ ਹੈਰਾਨ

ਕੀ ਤੁਸੀਂ ਦੁਨੀਆ ਦੀ ਅਜਿਹੀ ਸੜਕ ਬਾਰੇ ਜਾਣਦੇ ਹੋ ਜਿੱਥੇ ਲੋਕ ਇਕੱਲੇ ਜਾਣ ਤੋਂ ਡਰਦੇ ਹਨ? ਦਰਅਸਲ ਇੱਥੇ ਕਿਸੇ ਨੂੰ ਵੀ ਇਕੱਲੇ ਜਾਣ ਦੀ ਇਜਾਜ਼ਤ ਨਹੀਂ ਹੈ। ਜੀ ਹਾਂ, ਅੱਜ ਅਸੀਂ ਤੁਹਾਨੂੰ ਅਜਿਹੀ ਹੀ ਇੱਕ ਸੜਕ ਬਾਰੇ ਦੱਸਣ ਜਾ ਰਹੇ ਹਾਂ।

Road

ਅਸੀਂ ਗੱਲ ਕਰ ਰਹੇ ਹਾਂ ਦੁਨੀਆ ਦੀ ਆਖਰੀ ਸੜਕ ਦੀ। ਨਾਰਵੇ 'ਚ ਸਥਿਤ ਈ-69 ਹਾਈਵੇਅ ਨੂੰ ਦੁਨੀਆ ਦੀ ਆਖਰੀ ਸੜਕ ਮੰਨਿਆ ਜਾਂਦਾ ਹੈ। ਇਹ ਸੜਕ ਪੱਛਮੀ ਯੂਰਪ ਦੇ ਉੱਤਰ ਵਿੱਚ ਹੈ ਅਤੇ 129 ਕਿਲੋਮੀਟਰ ਲੰਬੀ ਹੈ। ਇਹ ਹਾਈਵੇ ਨਾਰਥ ਕੈਪ ਤੱਕ ਜਾਂਦਾ ਹੈ, ਜੋ ਕਿ ਯੂਰਪ ਦਾ ਆਖਰੀ ਪਾਇੰਟ ਹੈ। ਇਸ ਸੜਕ 'ਤੇ ਇਕੱਲੇ ਸਫ਼ਰ ਕਰਨ 'ਤੇ ਪਾਬੰਦੀ ਹੈ ਕਿਉਂਕਿ ਇੱਥੋਂ ਦਾ ਮੌਸਮ ਬਹੁਤ ਹੀ ਅਣਹੋਣੀ ਅਤੇ ਖ਼ਤਰਨਾਕ ਮੰਨਿਆ ਜਾਂਦਾ ਹੈ।

ਦੱਸ ਦਈਏ ਕਿ ਇਸ ਸੜਕ ਦੀ ਖਾਸੀਅਤ ਇਹ ਹੈ ਕਿ ਇਸ ਤੋਂ ਅੱਗੇ ਕੋਈ ਸੜਕ ਨਹੀਂ ਹੈ। ਇਹ ਸੜਕ ਨੋਰਥ ਪੋਲ ਦੇ ਇੰਨੀ ਨੇੜੇ ਹੈ ਕਿ ਸਰਦੀਆਂ ਦੇ ਮਹੀਨਿਆਂ ਦੌਰਾਨ ਇਹ ਪੂਰੀ ਤਰ੍ਹਾਂ ਬਰਫ਼ ਨਾਲ ਢੱਕੀ ਰਹਿੰਦੀ ਹੈ ਅਤੇ ਸਫ਼ਰ ਕਰਨਾ ਅਸੰਭਵ ਹੋ ਜਾਂਦਾ ਹੈ। ਇਸ ਸੜਕ 'ਤੇ ਇਕੱਲਿਆਂ ਸਫ਼ਰ ਕਰਨ ਦੀ ਮਨਾਹੀ ਹੈ ਕਿਉਂਕਿ ਇੱਥੇ ਮੌਸਮ ਬਹੁਤ ਹੀ ਅਣਹੋਣੀ ਅਤੇ ਖ਼ਤਰਨਾਕ ਹੋ ਸਕਦਾ ਹੈ।

ਇਸ ਸੜਕ 'ਤੇ ਚੱਲਦੇ ਸਮੇਂ ਤੁਹਾਨੂੰ ਚਾਰੇ ਪਾਸੇ ਬਰਫ ਨਜ਼ਰ ਆਵੇਗੀ ਅਤੇ ਸਮੁੰਦਰ ਦਾ ਨਜ਼ਾਰਾ ਵੀ ਦੇਖਣ ਨੂੰ ਮਿਲੇਗਾ। ਇੱਥੇ ਗਰਮੀਆਂ ਵਿੱਚ ਬਹੁਤ ਬਾਰਿਸ਼ ਹੁੰਦੀ ਹੈ ਅਤੇ ਸਰਦੀਆਂ ਵਿੱਚ ਬਰਫਬਾਰੀ ਹੁੰਦੀ ਹੈ, ਜਿਸ ਕਾਰਨ ਡਰਾਈਵਿੰਗ ਕਰਨਾ ਬਹੁਤ ਮੁਸ਼ਕਲ ਹੋ ਜਾਂਦਾ ਹੈ।

ਜ਼ਿਕਰਯੋਗ ਹੈ ਕਿ ਇਹ ਸੜਕ ਜੂਨ 1999 ਵਿੱਚ ਬਣੀ ਸੀ। ਪਹਿਲਾਂ ਇੱਥੇ ਪਹੁੰਚਣ ਲਈ ਕਿਸ਼ਤੀ ਦਾ ਸਹਾਰਾ ਲੈਣਾ ਪੈਂਦਾ ਸੀ। ਨਾਰਵੇ ਵਿੱਚ 6 ਮਹੀਨੇ ਸੂਰਜ ਨਹੀਂ ਚੜ੍ਹਦਾ, ਜਿਸ ਕਾਰਨ 6 ਮਹੀਨੇ ਹਨੇਰਾ ਰਹਿੰਦਾ ਹੈ ਅਤੇ ਬਾਕੀ 6 ਮਹੀਨੇ ਸੂਰਜ ਦਿਖਾਈ ਦਿੰਦਾ ਹੈ।

ਬਹੁਤ ਹੀ ਖ਼ਤਰਨਾਕ ਜਗ੍ਹਾ ਹੋਣ ਕਰਕੇ ਅਤੇ ਮੌਸਮ ਵਿੱਚ ਤੇਜ਼ੀ ਨਾਲ ਬਦਲਾਅ ਹੋਣ ਕਰਕੇ ਇਸ ਸੜਕ 'ਤੇ ਇਕੱਲੇ ਜਾਣ ਦੀ ਮਨਾਹੀ ਹੁੰਦੀ ਹੈ ਅਤੇ ਜੇਕਰ ਕੋਈ ਇਸ ਸੜਕ 'ਤੇ ਸਫ਼ਰ ਕਰਦਾ ਹੈ ਤਾਂ ਉਸ ਨੂੰ 3 ਤੋਂ 4 ਵਿਅਕਤੀਆਂ ਨੂੰ ਨਾਲ ਲੈ ਕੇ ਜਾਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।