ਤਤਕਾਲ 'ਚ ਇਸ ਤਰੀਕੇ ਨਾਲ ਟਿਕਟ ਕਰੋ ਬੁੱਕ, ਤੁਰੰਤ ਮਿਲੇਗੀ ਕਨਫਰਮ ਸੀਟ

Tatkal Ticket Booking Option: ਕਈ ਵਾਰ ਤੁਸੀਂ ਤਤਕਾਲ ਦੀਟਿਕਟ ਬੁੱਕ ਕਰਦੇ ਹੋ। ਫਿਰ ਵੀ ਤੁਹਾਡੀ ਟਿਕਟ ਵੇਟਿੰਗ ਲਿਸਟ ਵਿੱਚ ਹੁੰਦੀ ਹੈ। ਪਰ ਤੁਸੀਂ ਇਸ ਤਰੀਕੇ ਨਾਲ ਟਿਕਟ ਬੁੱਕ ਕਰੋਗੇ ਤਾਂ ਤੁਹਾਨੂੰ ਕਨਫਰਮ ਟਿਕਟ ਮਿਲੇਗੀ।

Indian Railway

ਭਾਰਤੀ ਰੇਲਵੇ ਨੂੰ ਦੇਸ਼ ਦੀ ਲਾਈਫ ਲਾਈਨ ਕਿਹਾ ਜਾਂਦਾ ਹੈ। ਭਾਰਤ ਵਿੱਚ ਹਰ ਰੋਜ਼ ਕਰੋੜਾਂ ਯਾਤਰੀ ਰੇਲਗੱਡੀ ਰਾਹੀਂ ਇੱਕ ਥਾਂ ਤੋਂ ਦੂਜੀ ਥਾਂ ‘ਤੇ ਯਾਤਰਾ ਕਰਦੇ ਹਨ। ਜਿਨ੍ਹਾਂ ਲਈ ਰੇਲਵੇ ਵੱਲੋਂ ਹਜ਼ਾਰਾਂ ਰੇਲ ਗੱਡੀਆਂ ਚਲਾਈਆਂ ਜਾਂਦੀਆਂ ਹਨ। ਭਾਰਤ ਵਿੱਚ ਜ਼ਿਆਦਾਤਰ ਯਾਤਰੀ ਰੇਲ ਵਿੱਚ ਰਿਜ਼ਰਵੇਸ਼ਨ ਕਰਵਾ ਕੇ ਯਾਤਰਾ ਕਰਨਾ ਪਸੰਦ ਕਰਦੇ ਹਨ। ਰਿਜ਼ਰਵਡ ਕੋਚ ਵਿੱਚ ਯਾਤਰਾ ਕਰਨਾ ਕਾਫ਼ੀ ਆਸਾਨ ਹੁੰਦਾ ਹੈ ਅਤੇ ਬਹੁਤ ਸਾਰੀਆਂ ਸਹੂਲਤਾਂ ਵੀ ਮਿਲਦੀਆਂ ਹਨ। ਰਿਜ਼ਰਵੇਸ਼ਨ ਕੋਚ ਵਿੱਚ ਸਲੀਪਰ ਅਤੇ ਏਸੀ ਕੋਚ ਹੁੰਦੇ ਹਨ।

ਤੁਸੀਂ ਔਨਲਾਈਨ ਅਤੇ ਔਫਲਾਈਨ ਦੋਵੇਂ ਤਰ੍ਹਾਂ ਰਿਜ਼ਰਵੇਸ਼ਨ ਕਰ ਸਕਦੇ ਹੋ। ਪਰ ਅਕਸਰ ਲੋਕਾਂ ਨੂੰ ਰਿਜ਼ਰਵੇਸ਼ਨ ਕਰਨ ਵੇਲੇ ਕਨਫਰਮ ਸੀਟਾਂ ਨਹੀਂ ਮਿਲਦੀਆਂ। ਜਿਸ ਕਾਰਨ ਟਿਕਟਾਂ ਤਤਕਾਲ ਵਿੱਚ ਬੁੱਕ ਕਰਵਾਉਣੀਆਂ ਪੈਂਦੀਆਂ ਹਨ। ਪਰ ਉੱਥੇ ਵੀ ਹਮੇਸ਼ਾ ਸਫਲਤਾ ਨਹੀਂ ਮਿਲਦੀ।

ਕਈ ਵਾਰ ਤੁਸੀਂ ਤਤਕਾਲ 'ਚ ਵੀ ਟਿਕਟ ਬੁੱਕ ਕਰਦੇ ਹੋ। ਫਿਰ ਵੀ ਤੁਹਾਡੀ ਟਿਕਟ ਵੇਟਿੰਗ ਲਿਸਟ ਵਿੱਚ ਹੁੰਦੀ ਹੈ ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ ਕੁਝ ਤਰੀਕੇ ਜਿਨ੍ਹਾਂ ਰਾਹੀਂ ਤੁਹਾਨੂੰ ਕਨਫਰਮ ਟਿਕਟ ਮਿਲ ਜਾਵੇਗੀ।

IRCTC ਵਲੋਂ ਮਾਸਟਰ ਲਿਸਟ ਅਤੇ ਟ੍ਰੈਵਲ ਲਿਸਟ ਦਾ ਆਪਸ਼ਨ ਦਿੱਤਾ ਹੁੰਦਾ ਹੈ। ਇਸ ਵਿੱਚ ਯਾਤਰੀਆਂ ਦੀ ਡਿਟੇਲਸ ਪਹਿਲਾਂ ਤੋਂ ਹੀ ਸੇਵ ਹੁੰਦੀ ਹੈ। ਯਾਨੀ, ਜਦੋਂ ਤੁਸੀਂ ਤਤਕਾਲ ਦੀ ਟਿਕਟ ਬੁੱਕ ਕਰਦੇ ਹੋ ਤਾਂ ਤੁਹਾਨੂੰ ਸਿਰਫ਼ ਯਾਤਰੀ ਦੇ ਨਾਮ 'ਤੇ ਕਲਿੱਕ ਕਰਨਾ ਹੋਵੇਗਾ ਅਤੇ ਸਾਰੀ ਜਾਣਕਾਰੀ ਆਪਣੇ ਆਪ ਭਰੀ ਜਾਵੇਗੀ। ਇਹ ਤੁਹਾਡਾ ਸਮਾਂ ਬਚਾਉਂਦਾ ਹੈ। ਟਿਕਟ ਮਿਲਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ।

ਇਸ ਤੋਂ ਇਲਾਵਾ, ਤੁਸੀਂ ਪੇਮੈਂਟ ਕਰਨ ਦੇ ਆਪਸ਼ਨ ਵਿੱਚ ਵਾਲੇਟ ਦੀ ਚੋਣ ਕਰ ਸਕਦੇ ਹੋ। ਜੇਕਰ ਤੁਹਾਡੇ ਪੈਸੇ IRCTC ਵਾਲੇਟ ਵਿੱਚ ਐਡ ਹੁੰਦੇ ਹਨ ਤਾਂ ਤੁਹਾਨੂੰ ਜ਼ਿਆਦਾ ਇੰਤਜ਼ਾਰ ਨਹੀਂ ਕਰਨਾ ਪਵੇਗਾ। ਤੁਸੀਂ ਟਿਕਟ ਬੁੱਕ ਕਰਕੇ ਤੁਰੰਤ ਭੁਗਤਾਨ ਕਰ ਸਕਦੇ ਹੋ। ਇਸ ਨਾਲ ਤੁਹਾਡੀ ਸੀਟ ਕਨਫਰਮ ਹੋਣ ਦੀ ਸੰਭਾਵਨਾ ਵੀ ਵੱਧ ਜਾਂਦੀ ਹੈ। ਅਕਸਰ ਲੋਕ ਤਤਕਾਲ ਦੇ ਸਮੇਂ ‘ਤੇ ਹੀ ਲਾਗਇਨ ਕਰਦੇ ਹਨ। ਏਸੀ ਲਈ ਇਹ 10 ਵਜੇ ਤਾਂ ਉੱਥੇ ਹੀ ਸਲੀਪਰ ਲਈ ਇਹ 11 ਵਜੇ ਹੈ। ਜਦੋਂ ਕਿ ਅਸੀਂ ਤੁਹਾਨੂੰ ਦੱਸ ਦਈਏ ਕਿ ਤੁਹਾਨੂੰ ਤਤਕਾਲ ਦੇ ਸਮੇਂ ਤੋਂ 5 ਮਿੰਟ ਪਹਿਲਾਂ ਲੌਗਇਨ ਕਰਨਾ ਚਾਹੀਦਾ ਹੈ। ਇਸਦਾ ਮਤਲਬ ਹੈ ਕਿ AC ਲਈ 9:55 ਵਜੇ ਅਤੇ ਸਲੀਪਰ ਲਈ 10:55 ਵਜੇ ਲੌਗਇਨ ਕਰੋ ਤਾਂ ਜੋ ਤੁਹਾਡਾ ਸਮਾਂ ਬਰਬਾਦ ਨਾ ਹੋਵੇ।