ਮੋਬਾਈਲ ਨਿਰਮਾਣ ਵਿੱਚ ਕਿਹੜੇ ਨੰਬਰ 'ਤੇ ਹੈ ਭਾਰਤ? ਜਾਣੋ

GSMA ਇੰਟੈਲੀਜੈਂਸ ਦੇ ਤਾਜ਼ਾ ਅੰਕੜਿਆਂ ਅਨੁਸਾਰ ਦੁਨੀਆ ਵਿੱਚ 5.16 ਬਿਲੀਅਨ ਲੋਕ ਮੋਬਾਈਲ ਫੋਨ ਦੀ ਵਰਤੋਂ ਕਰ ਰਹੇ ਹਨ। ਅਜਿਹੇ ਚ ਆਓ ਜਾਣਦੇ ਹਾਂ ਕਿ ਕਿਹੜਾ ਦੇਸ਼ ਮੋਬਾਇਲ ਫੋਨ ਬਣਾਉਣ ਚ ਅੱਗੇ ਹੈ।

ਚੀਨ ਤੋਂ ਬਾਅਦ ਸਭ ਤੋਂ ਜ਼ਿਆਦਾ ਮੋਬਾਈਲ ਯੂਜ਼ਰਭਾਰਤ 'ਚ ਹਨ। ਇਸ ਲਈ ਅੱਜ ਅਸੀਂ ਉਨ੍ਹਾਂ ਦੇਸ਼ਾਂ ਦੇ ਨਾਵਾਂ ਉੱਤੇ ਨਜ਼ਰ ਮਾਰਦੇ ਹਾਂ ਜੋ ਦੁਨੀਆ ਵਿੱਚ ਮੋਬਾਈਲ ਫੋਨਾਂ ਦੇ ਨਿਰਮਾਣ ਵਿੱਚ ਸਭ ਤੋਂ ਅੱਗੇ ਹਨ।

ਜ਼ਿਕਰਯੋਗ ਹੈ ਕਿ ਚੀਨ ਦੁਨੀਆ 'ਚ ਮੋਬਾਈਲ ਨਿਰਮਾਣ 'ਚ ਸਭ ਤੋਂ ਅੱਗੇ ਹੈ। ਭਾਵ ਜ਼ਿਆਦਾਤਰ ਮੋਬਾਈਲ ਚੀਨ ਵਿੱਚ ਬਣਾਏ ਜਾਂਦੇ ਹਨ।

ਇਸ ਸੂਚੀ 'ਚ ਭਾਰਤ ਦਾ ਨਾਂ ਦੂਜੇ ਨੰਬਰ 'ਤੇ ਆਉਂਦਾ ਹੈ। ਦੇਸ਼ ਨੂੰ ਇੱਕ ਗਲੋਬਲ ਨਿਰਮਾਣ ਕੇਂਦਰ ਬਣਾਉਣ ਲਈ ਸ਼ੁਰੂ ਕੀਤੀ ਮੇਕ ਇਨ ਇੰਡੀਆ ਮੁਹਿੰਮ ਦਾ ਨਤੀਜਾ ਹੈ ਕਿ ਅੱਜ ਭਾਰਤ ਦੁਨੀਆ ਦਾ ਦੂਜਾ ਸਭ ਤੋਂ ਵੱਡਾ ਮੋਬਾਈਲ ਨਿਰਮਾਤਾ ਬਣ ਗਿਆ ਹੈ।

2014 ਵਿੱਚ ਇਸਦੀ ਸ਼ੁਰੂਆਤ ਦੇ ਸਮੇਂ, ਦੇਸ਼ ਵਿੱਚ ਸਿਰਫ ਦੋ ਫੈਕਟਰੀਆਂ ਮੋਬਾਈਲ ਫੋਨਾਂ ਦਾ ਨਿਰਮਾਣ ਕਰਦੀਆਂ ਸਨ। ਹੁਣ 200 ਤੋਂ ਵੱਧ ਫੈਕਟਰੀਆਂ ਮੋਬਾਈਲਾਂ ਦਾ ਨਿਰਮਾਣ ਕਰ ਰਹੀਆਂ ਹਨ।

ਤੁਹਾਨੂੰ ਦੱਸ ਦੇਈਏ ਕਿ 2014 ਵਿੱਚ ਭਾਰਤ 1,556 ਕਰੋੜ ਰੁਪਏ ਦੇ ਮੋਬਾਈਲ ਨਿਰਯਾਤ ਕਰਦਾ ਸੀ, ਜੋ ਹੁਣ ਵਧ ਕੇ 1.2 ਲੱਖ ਕਰੋੜ ਰੁਪਏ ਹੋ ਗਿਆ ਹੈ। ਭਾਰਤ ਵਿੱਚ ਵਰਤੇ ਜਾਂਦੇ 99 ਫੀਸਦੀ ਮੋਬਾਈਲ ਹੁਣ ਦੇਸ਼ ਵਿੱਚ ਹੀ ਬਣਦੇ ਹਨ।

ਦੁਨੀਆ ਭਰ ਦੀਆਂ ਕਈ ਆਟੋਮੋਬਾਈਲ ਕੰਪਨੀਆਂ ਭਾਰਤ ਵਿੱਚ ਪਲਾਂਟ ਲਗਾ ਰਹੀਆਂ ਹਨ, ਜਿਸ ਕਾਰਨ ਅੱਜ ਭਾਰਤ ਦੁਨੀਆ ਦਾ ਚੌਥਾ ਸਭ ਤੋਂ ਵੱਡਾ ਆਟੋਮੋਬਾਈਲ ਮਾਰਕਿਟ ਬਣ ਗਿਆ ਹੈ।