Fraud: ਵਿਦੇਸ਼ਾਂ 'ਚ ਨੌਕਰੀ ਦੇਣ ਵਾਲੇ ਫ਼ਰਜ਼ੀ ਏਜੰਟਾਂ ਤੋਂ ਇਦਾਂ ਬਚ ਸਕਦੇ ਹੋ, ਜਾਣੋ ਆਹ ਤਰੀਕੇ

Fraud in foreign : ਵਿਦੇਸ਼ ਵਿੱਚ ਨੌਕਰੀ ਦਿਵਾਉਣ ਦੇ ਬਹਾਨੇ ਨਾਲ ਕਾਫੀ ਠੱਗੀ ਮਾਰੀ ਜਾ ਰਹੀ ਹੈ। ਤੁਹਾਨੂੰ ਇੱਥੇ ਦੱਸਾਂਗੇ ਕਿ ਤੁਸੀਂ ਨੌਕਰੀ ਦਿਵਾਉਣ ਵਾਲੇ ਵਿਦੇਸ਼ੀ ਏਜੰਟਾਂ ਤੋਂ ਕਿਵੇਂ ਬਚ ਸਕਦੇ ਹੋ।

JOB in foreign

ਅਕਸਰ ਲੋਕਾਂ ਨੂੰ ਵਿਦੇਸ਼ ਜਾਣ ਦੀ ਚਾਹਤ ਹੁੰਦੀ ਹੈ, ਕਿਉਂਕਿ ਬਹੁਤ ਸਾਰੇ ਲੋਕ ਵਿਦੇਸ਼ ਜਾ ਕੇ ਕੰਮ ਕਰਨਾ ਚਾਹੁੰਦੇ ਹਨ। ਪਰ ਵਿਦੇਸ਼ ਜਾਣ ਅਤੇ ਨੌਕਰੀ ਲੈਣ ਦੀ ਪ੍ਰਕਿਰਿਆ ਸੌਖੀ ਨਹੀਂ ਹੈ। ਇਸ ਕਾਰਨ ਕਈ ਲੋਕ ਏਜੰਟਾਂ ਦੇ ਜਾਲ ਵਿੱਚ ਫਸ ਜਾਂਦੇ ਹਨ ਅਤੇ ਠੱਗੀ ਦੇ ਸ਼ਿਕਾਰ ਹੋ ਜਾਂਦੇ ਹਨ। ਏਜੰਟ ਲੋਕਾਂ ਨੂੰ ਨੌਕਰੀਆਂ ਦੇਣ ਦਾ ਝਾਂਸਾ ਦੇ ਕੇ ਮੋਟੀ ਰਕਮ ਵਸੂਲਦੇ ਹਨ।

ਅੱਜ ਅਸੀਂ ਤੁਹਾਨੂੰ ਅਜਿਹੇ ਤਰੀਕੇ ਦੱਸਣ ਜਾ ਰਹੇ ਹਾਂ ਜਿਨ੍ਹਾਂ ਰਾਹੀਂ ਤੁਸੀਂ ਵਿਦੇਸ਼ੀ ਏਜੰਟਾਂ ਦੀ ਠੱਗੀ ਤੋਂ ਬਚ ਸਕਦੇ ਹੋ।

ਫਰਜ਼ੀ ਏਜੰਟਾਂ ਤੋਂ ਬਚਣ ਲਈ ਤੁਸੀਂ ਭਾਰਤ ਸਰਕਾਰ ਦੀ ਅਧਿਕਾਰਤ ਵੈੱਬਸਾਈਟ www.emigrate.gov.in 'ਤੇ ਜਾ ਕੇ ਰਜਿਸਟਰਡ ਏਜੰਟਾਂ ਬਾਰੇ ਜਾਣ ਸਕਦੇ ਹੋ।

ਜੇਕਰ ਕੋਈ ਏਜੰਟ ਤੁਹਾਨੂੰ ਰਜਿਸਟ੍ਰੇਸ਼ਨ ਫੀਸ ਦੇ ਤੌਰ ‘ਤੇ ਖਾਤੇ ਵਿੱਚ ਪੈਸੇ ਟਰਾਂਸਫਰ ਕਰਨ ਲਈ ਕਹਿੰਦਾ ਹੈ, ਤਾਂ ਸਮਝੋ ਕਿ ਇਹ ਨਕਲੀ ਹੈ।

ਭਾਰਤ ਦੇ ਇਮੀਗ੍ਰੇਸ਼ਨ ਐਕਟ 1983 ਦੇ ਤਹਿਤ, ਕੋਈ ਵੀ ਏਜੰਟ ਤੁਹਾਡੇ ਤੋਂ ਸਿਰਫ 30,000 ਰੁਪਏ ਅਤੇ ਜੀਐਸਟੀ ਲੈ ਸਕਦਾ ਹੈ। ਜੇਕਰ ਉਹ ਤੁਹਾਡੇ ਤੋਂ ਜ਼ਿਆਦਾ ਪੈਸੇ ਦੀ ਮੰਗ ਕਰਦਾ ਹੈ ਤਾਂ ਸਮਝੋ ਕਿ ਉਹ ਫਰਜ਼ੀ ਏਜੰਟ ਹੈ। ਅਜਿਹੇ ਏਜੰਟਾਂ ਤੋਂ ਤੁਰੰਤ ਬਚੋ।

ਇਸ ਦੇ ਨਾਲ ਹੀ ਜੇਕਰ ਤੁਸੀਂ ਚਾਹੋ ਤਾਂ ਤੁਸੀਂ ਜਿਸ ਏਜੰਟ ਨਾਲ ਗੱਲ ਕਰ ਰਹੇ ਹੋ ਉਸ ਬਾਰੇ ਆਨਲਾਈਨ ਰਿਸਰਚ ਕਰ ਸਕਦੇ ਹੋ। ਹੋਰ ਜਾਣਕਾਰੀ ਇਕੱਠੀ ਕਰ ਸਕਦੇ ਹੋ।