Fridge In Bedroom: ਕੀ ਬੈੱਡਰੂਮ ਵਿੱਚ ਫਰਿੱਜ ਰੱਖਣਾ ਸੁਰੱਖਿਅਤ ਹੈ?...ਆਓ ਜਾਣਦੇ ਹਾਂ ਇਸ ਬਾਰੇ 'ਚ

ਕੁਝ ਲੋਕ ਅਜਿਹੇ ਹੁੰਦੇ ਹਨ ਜਿਨ੍ਹਾਂ ਨੂੰ ਅੱਧੀ ਰਾਤ ਨੂੰ ਖਾਣਾ ਖਾਣ ਦਾ ਮਨ ਹੁੰਦਾ ਹੈ, ਇਸ ਲਈ ਉਹ ਬੈੱਡਰੂਮ ਦੇ ਕੋਲ ਆਪਣਾ ਫਰਿੱਜ ਰੱਖਣਾ ਪਸੰਦ ਕਰਦੇ ਹਨ। ਕਈ ਲੋਕ ਬੈੱਡਰੂਮ ਵਿੱਚ ਹੀ ਫਰਿੱਜ ਲਗਾ ਲੈਂਦੇ ਹਨ। ਜੇਕਰ ਤੁਸੀਂ ਵੀ ਉਸ ਲਿਸਟ 'ਚ ਆਉਂਦੇ ਹੋ, ਜੋ ਬੈੱਡਰੂਮ 'ਚ ਫਰਿੱਜ ਰੱਖਣਾ ਪਸੰਦ ਕਰਦੇ ਹਨ ਤਾਂ ਇਹ ਖਬਰ ਤੁਹਾਡੇ ਲਈ ਹੈ।

ਇੱਕ ਖੋਜ ਵਿੱਚ ਹੈਰਾਨ ਕਰ ਦੇਣ ਵਾਲੇ ਖੁਲਾਸੇ ਸਾਹਮਣੇ ਆਏ ਹਨ। ਜਿਸ ਵਿੱਚ ਦੱਸਿਆ ਗਿਆ ਹੈ ਕਿ ਫਰਿੱਜ ਨੂੰ ਬੈੱਡਰੂਪ ਦੇ ਨੇੜੇ ਰੱਖਣਾ ਸਹੀ ਨਹੀਂ ਅਤੇ ਬਹੁਤ ਖਤਰਨਾਕ ਸਾਬਿਤ ਹੁੰਦਾ ਹੈ। ਆਓ ਅੱਜ ਅਸੀਂ ਤੁਹਾਨੂੰ ਉਸ ਖੋਜ ਦੀ ਮਦਦ ਨਾਲ ਦੱਸਦੇ ਹਾਂ ਕਿ ਅਜਿਹਾ ਕਰਨਾ ਕਿੰਨਾ ਖਤਰਨਾਕ ਹੈ।

ਇਸ ਗੱਲ ਦਾ ਕੋਈ ਵਿਗਿਆਨਕ ਸਬੂਤ ਨਹੀਂ ਹੈ ਕਿ ਬੈੱਡਰੂਮ ਵਿੱਚ ਫਰਿੱਜ ਰੱਖਣਾ ਅਸੁਰੱਖਿਅਤ ਹੈ। ਲੋਕਾਂ ਦੀ ਮੁੱਖ ਚਿੰਤਾ ਫਰਿੱਜ ਤੋਂ ਨਿਕਲਣ ਵਾਲੇ ਰੇਡੀਏਸ਼ਨ ਨੂੰ ਲੈ ਕੇ ਹੈ। ਪਰ ਅਸਲ ਵਿਚ ਰੇਡੀਏਸ਼ਨ ਇੰਨੀ ਘੱਟ ਹੈ ਕਿ ਇਸ ਦਾ ਅੰਦਾਜ਼ ਨਹੀਂ ਲਗਾਇਆ ਜਾ ਸਕਦਾ ਹੈ। ਅੱਜਕੱਲ੍ਹ ਜ਼ਿਆਦਾਤਰ ਫਰਿੱਜ ਇਲੈਕਟ੍ਰਿਕ ਹਨ ਇਸ ਲਈ ਗੈਸ ਲੀਕ ਹੋਣਾ ਵੀ ਚਿੰਤਾ ਦਾ ਵਿਸ਼ਾ ਨਹੀਂ ਹੈ। ਫਰਿੱਜ ਵਿੱਚ ਗੈਸ ਨੂੰ ਕੰਪ੍ਰੈਸਰ ਵਿੱਚ ਸੀਲ ਕੀਤਾ ਜਾਂਦਾ ਹੈ। ਇਸ ਲਈ ਇਸ ਦੇ ਲੀਕ ਹੋਣ ਦੀ ਕੋਈ ਸੰਭਾਵਨਾ ਨਹੀਂ ਹੈ।

ਫਰਿੱਜ ਵਾਧੂ ਗਰਮੀ ਨੂੰ ਬਾਹਰ ਕੱਢਦਾ ਹੈ, ਜੋ ਹਵਾ ਵਿੱਚ ਫੈਲ ਜਾਂਦੀ ਹੈ। ਫਰਿੱਜ ਤੋਂ ਆਉਣ ਵਾਲੀ ਗਰਮੀ ਤੁਹਾਡੇ ਬੈੱਡਰੂਮ ਦਾ ਤਾਪਮਾਨ ਵਧਾ ਸਕਦੀ ਹੈ। ਜੇਕਰ ਤੁਸੀਂ ਅਜੇ ਵੀ ਆਪਣੇ ਫਰਿੱਜ ਨੂੰ ਬੈੱਡਰੂਮ ਵਿੱਚ ਰੱਖਣ ਦਾ ਫੈਸਲਾ ਕਰਦੇ ਹੋ, ਤਾਂ ਇਸਨੂੰ ਆਪਣੇ ਕਮਰੇ ਵਿੱਚੋਂ ਗਰਮੀ ਨੂੰ ਬਾਹਰ ਕੱਢਣ ਲਈ ਇੱਕ ਵੈਂਟੀਲੇਸ਼ਨ ਸਿਸਟਮ ਜਾਂ ਖਿੜਕੀ ਦੇ ਕੋਲ ਰੱਖੋ।

ਦੂਜੇ ਉਪਕਰਨਾਂ ਦੇ ਉਲਟ ਭੋਜਨ ਨੂੰ ਠੰਡਾ ਅਤੇ ਤਾਜ਼ਾ ਰੱਖਣ ਲਈ ਇੱਕ ਫਰਿੱਜ ਸਾਰਾ ਦਿਨ ਚੱਲਦਾ ਹੈ। ਇਸ ਕਾਰਨ ਰਾਤ ਨੂੰ ਵੀ ਲਗਾਤਾਰ ਗੂੰਜਦਾ ਰਹਿੰਦਾ ਹੈ। ਜੇਕਰ ਤੁਸੀਂ ਅਜਿਹੇ ਵਿਅਕਤੀ ਹੋ ਜਿਸ ਨੂੰ ਘੱਟ ਨੀਂਦ ਆਉਂਦੀ ਹੈ, ਤਾਂ ਇਹ ਤੁਹਾਡੇ ਲਈ ਸਮੱਸਿਆ ਬਣ ਸਕਦੀ ਹੈ।