ਕੀ ਇਲਾਜ ਦੇ ਨਾਲ ਠੀਕ ਹੋ ਸਕਦਾ HIV? ਜਾਣੋ ਡਾਕਟਰਾਂ ਵੱਲੋਂ ਕੀਤੀ ਗਈ ਇਸ ਖੋਜ ਬਾਰੇ
ਐੱਚਆਈਵੀ ਏਡਜ਼ ਦੇ ਮਰੀਜ਼ਾਂ ਲਈ ਖੁਸ਼ਖਬਰੀ ਹੈ। ਵੀਰਵਾਰ ਨੂੰ ਡਾਕਟਰਾਂ ਦੀ ਇੱਕ ਟੀਮ ਨੇ ਐਲਾਨ ਕੀਤਾ ਕਿ ਜਰਮਨੀ ਦਾ ਇੱਕ 60 ਸਾਲਾ ਵਿਅਕਤੀ ਸਟੈਮ ਸੈੱਲ ਟਰਾਂਸਪਲਾਂਟ ਕਾਰਨ ਐੱਚਆਈਵੀ ਦੀ ਬਿਮਾਰੀ ਤੋਂ ਪੂਰੀ ਤਰ੍ਹਾਂ ਮੁਕਤ ਹੋ ਜਾਵੇਗਾ। ਇਸ ਨਾਲ ਇਹ ਵਿਅਕਤੀ ਦੁਨੀਆ ਦਾ ਸੱਤਵਾਂ ਵਿਅਕਤੀ ਹੋਵੇਗਾ ਜੋ ਐੱਚਆਈਵੀ ਤੋਂ ਠੀਕ ਹੋਇਆ ਹੈ।
Download ABP Live App and Watch All Latest Videos
View In Appਦਰਅਸਲ ਅਗਲੇ ਹਫਤੇ ਮਿਊਨਿਖ 'ਚ ਇੰਟਰਨੈਸ਼ਨਲ ਏਡਜ਼ ਕਾਨਫਰੰਸ ਹੋਣ ਜਾ ਰਹੀ ਹੈ। ਇਸ ਤੋਂ ਪਹਿਲਾਂ ਅਜਿਹੀ ਸਫਲਤਾ ਹਾਸਲ ਕਰਨਾ ਵੱਡੀ ਗੱਲ ਹੈ। ਇਸ ਬਿਮਾਰੀ 'ਤੇ ਕੰਮ ਕਰ ਰਹੇ ਖੋਜਕਰਤਾ ਨੇ ਕਿਹਾ ਕਿ ਇਹ ਇਕ ਵੱਡੀ ਗੱਲ ਹੈ ਅਤੇ ਇਸ ਦੇ ਨਾਲ ਹੀ ਇਸ ਨੇ ਸਾਨੂੰ ਉਮੀਦ ਦਿੱਤੀ ਹੈ ਕਿ ਅਸੀਂ ਇਸ ਬਿਮਾਰੀ ਦੇ ਮਰੀਜ਼ ਨੂੰ ਪੂਰੀ ਤਰ੍ਹਾਂ ਠੀਕ ਕਰ ਸਕਦੇ ਹਾਂ। ਇਸ ਐਚਆਈਵੀ ਮਰੀਜ਼ ਨੂੰ ਐੱਚਆਈਵੀ (HIV) ਅਤੇ ਹਮਲਾਵਰ ਲਿਊਕੇਮੀਆ ਦੋਵੇਂ ਸਨ।
ਇਸ ਲਈ ਸੈੱਲ ਟ੍ਰਾਂਸਪਲਾਂਟ ਅਜਿਹੇ ਲੋਕਾਂ ਲਈ ਖਤਰਨਾਕ ਸਾਬਤ ਹੁੰਦਾ ਹੈ। ਪਰ ਫਿਰ ਵੀ ਅਸੀਂ ਜੋਖਮ ਲਿਆ ਅਤੇ ਇਸ ਨੂੰ ਟ੍ਰਾਂਸਪਲਾਂਟ ਕੀਤਾ। ਇਸ ਜਰਮਨ ਵਿਅਕਤੀ ਨੇ ਆਪਣੀ ਪਛਾਣ ਨਾ ਦੱਸਣ ਦੀ ਇੱਛਾ ਜ਼ਾਹਰ ਕੀਤੀ ਹੈ। ਉਸ ਨੂੰ 'ਨੈਕਸਟ ਬਰਲਿਨ ਮਰੀਜ਼' ਕਿਹਾ ਜਾ ਰਿਹਾ ਹੈ।
ਬਰਲਿਨ ਦੇ ਮੂਲ ਮਰੀਜ਼ ਦਾ ਨਾਂ ਟਿਮੋਥੀ ਰੇ ਬ੍ਰਾਊਨ ਸੀ। ਟਿਮੋਥੀ ਨੂੰ 2008 ਵਿੱਚ ਐੱਚਆਈਵੀ ਤੋਂ ਮੁਕਤ ਘੋਸ਼ਿਤ ਕੀਤਾ ਗਿਆ ਸੀ। ਉਹ ਪਹਿਲਾ ਵਿਅਕਤੀ ਸੀ। ਪਰ ਸਾਲ 2020 ਵਿੱਚ, ਟਿਮੋਥੀ ਦੀ ਕੈਂਸਰ ਕਾਰਨ ਮੌਤ ਹੋ ਗਈ। ਹੁਣ ਜੋ ਇਸ ਬਿਮਾਰੀ ਤੋਂ ਪੂਰੀ ਤਰ੍ਹਾਂ ਠੀਕ ਹੋ ਚੁੱਕਾ ਸੀ, ਉਸ ਨੂੰ ਸਾਲ 2009 ਵਿੱਚ HIV, ਇਸ ਤੋਂ ਬਾਅਦ ਸਾਲ 2015 ਵਿੱਚ ਲਿਊਕੇਮੀਆ ਕਾਰਨ ਬੋਨ ਮੈਰੋ ਟਰਾਂਸਪਲਾਂਟ ਕੀਤਾ ਗਿਆ। ਤੁਹਾਡੀ ਜਾਣਕਾਰੀ ਲਈ ਦੱਸ ਦਈਏ ਕਿ 10 ਫੀਸਦੀ ਤੱਕ ਮੌਤ ਦਾ ਖਤਰਾ ਹੈ। ਇਸ ਇਲਾਜ ਦੌਰਾਨ ਵਿਅਕਤੀ ਦੀ ਪੂਰੀ ਇਮਿਊਨਿਟੀ ਨੂੰ ਬਦਲ ਦਿੱਤਾ ਜਾਂਦਾ ਹੈ।
ਜਰਮਨ ਵਿਅਕਤੀ ਨੂੰ ਐੱਚਆਈਵੀ ਅਤੇ ਕੈਂਸਰ ਦੋਵਾਂ ਨੂੰ ਹਰਾਉਣ ਵਿੱਚ 6 ਸਾਲ ਲੱਗ ਗਏ ਸਨ। ਬਰਲਿਨ ਦੇ ਚੈਰਿਟੀ ਯੂਨੀਵਰਸਿਟੀ ਹਸਪਤਾਲ ਦੇ ਡਾਕਟਰਾਂ ਮੁਤਾਬਕ ਮਰੀਜ਼ ਦੀਆਂ ਰਿਪੋਰਟਾਂ ਤੋਂ ਸਾਫ਼ ਹੈ ਕਿ ਉਹ ਠੀਕ ਹੋ ਗਿਆ ਹੈ।
ਪਰ ਅਜੇ ਪੂਰੀ ਤਰ੍ਹਾਂ ਪੱਕਾ ਨਹੀਂ। ਹਾਲਾਂਕਿ, ਉਮੀਦ ਹੈ ਕਿ ਇਹ ਵਿਅਕਤੀ ਨਿਸ਼ਚਿਤ ਤੌਰ 'ਤੇ ਐੱਚਆਈਵੀ ਤੋਂ ਮੁਕਤੀ ਪ੍ਰਾਪਤ ਕਰੇਗਾ। ਜਿਵੇਂ ਕਿ ਤੁਸੀਂ ਜਾਣਦੇ ਹੋ ਕਿ ਏਡਜ਼ ਵਰਗੀ ਬਿਮਾਰੀ ਵਿੱਚ ਬਚਣ ਦੀ ਸੰਭਾਵਨਾ ਬਹੁਤ ਘੱਟ ਹੈ। ਹੁਣ ਤੱਕ ਦੇ ਰਿਕਾਰਡ ਮੁਤਾਬਕ ਇਸ ਬਿਮਾਰੀ ਤੋਂ ਸਿਰਫ਼ 6 ਲੋਕ ਹੀ ਪੂਰੀ ਤਰ੍ਹਾਂ ਠੀਕ ਹੋਏ ਹਨ। ਜੇਕਰ ਇਹ ਵੀ ਠੀਕ ਹੋ ਜਾਂਦਾ ਹੈ ਤਾਂ ਉਹ ਪੂਰੀ ਤਰ੍ਹਾਂ ਠੀਕ ਹੋਣ ਵਾਲੇ 7ਵੇਂ ਵਿਅਕਤੀ ਹੋਣਗੇ।