ਖੜ੍ਹੇ ਹੋ ਕੇ ਪਾਣੀ ਪੀਣਾ ਨਾਲ ਕੀ ਸੱਚਮੁੱਚ ਗੋਡਿਆਂ 'ਤੇ ਪੈਂਦਾ ਅਸਰ? ਇੱਥੇ ਜਾਣੋ ਸਿਹਤ ਮਾਹਿਰ ਤੋਂ ਸਹੀ ਰਾਏ

ਪਾਣੀ ਪੀਣ ਨਾਲ ਸਰੀਰ ਹਾਈਡਰੇਟ ਰਹਿੰਦਾ ਹੈ ਅਤੇ ਅੰਗ-ਪ੍ਰਣਾਲੀ ਸਹੀ ਤਰੀਕੇ ਨਾਲ ਕੰਮ ਕਰਦੀ ਹੈ। ਲੋਕ ਦਿਨਚਰਿਆ ਚ ਆਪਣੇ ਆਦਤ ਮੁਤਾਬਕ ਪਾਣੀ ਪੀਂਦੇ ਹਨ—ਕੋਈ ਬੈਠ ਕੇ ਆਰਾਮ ਨਾਲ ਪੀਂਦਾ ਹੈ, ਤਾਂ ਕੋਈ ਖੜ੍ਹੇ ਹੋ ਕੇ। ਵੱਡੇ-ਬਜ਼ੁਰਗ ਮੰਨਦੇ ਹਨ

( Image Source : Freepik )

ਪਾਣੀ ਪੀਣ ਨਾਲ ਸਰੀਰ ਹਾਈਡਰੇਟ ਰਹਿੰਦਾ ਹੈ ਅਤੇ ਅੰਗ-ਪ੍ਰਣਾਲੀ ਸਹੀ ਤਰੀਕੇ ਨਾਲ ਕੰਮ ਕਰਦੀ ਹੈ। ਲੋਕ ਦਿਨਚਰਿਆ ਵਿੱਚ ਆਪਣੇ ਆਦਤ ਮੁਤਾਬਕ ਪਾਣੀ ਪੀਂਦੇ ਹਨ—ਕੋਈ ਬੈਠ ਕੇ ਆਰਾਮ ਨਾਲ ਪੀਂਦਾ ਹੈ, ਤਾਂ ਕੋਈ ਖੜ੍ਹੇ ਹੋ ਕੇ। ਵੱਡੇ-ਬਜ਼ੁਰਗ ਮੰਨਦੇ ਹਨ ਕਿ ਖੜ੍ਹੇ ਹੋ ਕੇ ਪਾਣੀ ਪੀਣ ਨਾਲ ਗੋਡਿਆਂ ਨੂੰ ਨੁਕਸਾਨ ਹੋ ਸਕਦਾ ਹੈ। ਆਓ ਮਾਹਿਰਾਂ ਤੋਂ ਜਾਣੀਏ ਕਿ ਇਹ ਗੱਲ ਸਹੀ ਹੈ ਜਾਂ ਨਹੀਂ।

ਡਾਇਟੀਸ਼ਨ ਜੂਹੀ ਅਰੋੜਾ ਨੇ ਸੋਸ਼ਲ ਮੀਡੀਆ 'ਤੇ ਦੱਸਿਆ ਕਿ ਖੜ੍ਹੇ ਹੋ ਕੇ ਪਾਣੀ ਪੀਣ ਨਾਲ ਗੋਡਿਆਂ ਜਾਂ ਹੋਰ ਜੋੜਾਂ 'ਤੇ ਕੋਈ ਨੁਕਸਾਨ ਨਹੀਂ ਹੁੰਦਾ। ਇਹ ਸਿਰਫ਼ ਇੱਕ ਮਿਥਕ ਹੈ। ਪਾਣੀ ਸਿੱਧਾ ਭੋਜਨ ਨਲੀ ਰਾਹੀਂ ਪੇਟ ਵਿੱਚ ਪਹੁੰਚਦਾ ਹੈ, ਇਸਦਾ ਖੜ੍ਹਾ ਜਾਂ ਬੈਠਾ ਹੋਣਾ ਇਸ ਨਾਲ ਸਬੰਧਤ ਨਹੀਂ ਹੈ।

ਹਾਲਾਂਕਿ, ਕੁਝ ਲੋਕਾਂ ਨੂੰ ਤੇਜ਼ੀ ਨਾਲ ਪਾਣੀ ਪੀਣ ਨਾਲ ਹਜ਼ਮ ਕਰਨ ਵਿੱਚ ਥੋੜੀ ਮੁਸ਼ਕਲ ਹੋ ਸਕਦੀ ਹੈ। ਜੂਹੀ ਸਲਾਹ ਦਿੰਦੀ ਹੈ ਕਿ ਆਮ ਤੌਰ 'ਤੇ ਰੋਜ਼ਾਨਾ 2 ਤੋਂ 3 ਲੀਟਰ ਪਾਣੀ ਪੀਣਾ ਚਾਹੀਦਾ ਹੈ ਤਾਂ ਜੋ ਸਰੀਰ ਹਾਈਡਰੇਟ ਰਹੇ।

ਡਾ. ਵਿਪੁਲ ਰੁਸਤਗੀ ਦੇ ਅਨੁਸਾਰ, ਖੜ੍ਹੇ ਹੋ ਕੇ ਪਾਣੀ ਪੀਣ ਨਾਲ ਪਾਚਣ ਪ੍ਰਣਾਲੀ ਪ੍ਰਭਾਵਿਤ ਹੋ ਸਕਦੀ ਹੈ ਕਿਉਂਕਿ ਪਾਣੀ ਸਰੀਰ ਵਿੱਚ ਠੀਕ ਤਰੀਕੇ ਨਾਲ ਅਬਜ਼ੋਰਬ ਨਹੀਂ ਹੁੰਦਾ। ਹਾਲਾਂਕਿ, ਇਸਦਾ ਗੋਡਿਆਂ 'ਤੇ ਸਿੱਧਾ ਅਸਰ ਪੈਣ ਦਾ ਕੋਈ ਸਬੂਤ ਨਹੀਂ ਹੈ। ਡਾ. ਰੁਸਤਗੀ ਨੇ ਇਸ ਨਾਲ ਜੁੜੇ ਇਹ ਮੁੱਖ ਨੁਕਸਾਨ ਦੱਸੇ ਹਨ।

ਖੜ੍ਹੇ ਹੋ ਕੇ ਪਾਣੀ ਪੀਣ ਨਾਲ ਪਾਣੀ ਤੇਜ਼ੀ ਨਾਲ ਭੋਜਨ ਨਲੀ ਰਾਹੀਂ ਪੇਟ ਵਿੱਚ ਪਹੁੰਚਦਾ ਹੈ, ਜਿਸ ਨਾਲ ਪਾਚਣ ਠੀਕ ਨਹੀਂ ਹੁੰਦਾ ਅਤੇ ਅਜੀਰਨ ਜਾਂ ਗੈਸ ਦੀ ਸਮੱਸਿਆ ਹੋ ਸਕਦੀ ਹੈ।

Continues below advertisement

ਖੜ੍ਹੇ ਹੋ ਕੇ ਪਾਣੀ ਪੀਣ ਨਾਲ ਨੱਸਾਂ 'ਚ ਤਣਾਅ ਆ ਸਕਦਾ ਹੈ, ਜਿਸ ਨਾਲ ਜੋੜਾਂ ਵਿੱਚ ਤਰਲ ਪਦਾਰਥ ਜਮ ਕੇ ਭਵਿੱਖ ਵਿੱਚ ਗਠੀਆ ਹੋ ਸਕਦਾ ਹੈ।

ਡਾ. ਵਿਪੁਲ ਰੁਸਤਗੀ ਦੇ ਅਨੁਸਾਰ, ਖੜ੍ਹੇ ਹੋ ਕੇ ਪਾਣੀ ਪੀਣ ਨਾਲ ਸਰੀਰ ਦੇ ਪੋਸ਼ਕ ਤੱਤ ਪੂਰੀ ਤਰ੍ਹਾਂ ਲਿਵਰ ਅਤੇ ਪਾਚਣ ਤੰਤਰ ਤੱਕ ਨਹੀਂ ਪਹੁੰਚਦੇ। ਇਸ ਨਾਲ ਕਿਡਨੀ ਦੀ ਕਾਰਗੁਜ਼ਾਰੀ ਪ੍ਰਭਾਵਿਤ ਹੋ ਸਕਦੀ ਹੈ ਅਤੇ ਯੂਰੀਨਰੀ ਟਰੈਕਟ ਇਨਫੈਕਸ਼ਨ ਦਾ ਜੋਖਮ ਵਧਦਾ ਹੈ। ਨਾਲ ਹੀ, ਨੱਸਾਂ ਵਿੱਚ ਤਣਾਅ ਆ ਜਾਂਦਾ ਹੈ ਅਤੇ ਸਰੀਰ ਵਿੱਚ ਤਰਲ ਪਦਾਰਥ ਦਾ ਸੰਤੁਲਨ ਖ਼ਰਾਬ ਹੋ ਸਕਦਾ ਹੈ। ਆਯੁਰਵੇਦ ਮੁਤਾਬਕ, ਪਾਣੀ ਸਦਾ ਬੈਠ ਕੇ, ਛੋਟੇ-ਛੋਟੇ ਘੁਟਾਂ ਵਿੱਚ ਅਤੇ ਹੌਲੀ-ਹੌਲੀ ਪੀਣਾ ਚਾਹੀਦਾ ਹੈ।