ਸਰਦੀਆਂ ‘ਚ ਵਾਲ ਕਿਉਂ ਝੜਦੇ? ਇਹ 3 ਕਮੀਆਂ ਨੂੰ ਦੂਰ ਕਰਨਾ ਜ਼ਰੂਰੀ

ਸਰਦੀਆਂ ਆਉਂਦਿਆਂ ਬਹੁਤ ਲੋਕਾਂ ਦੇ ਵਾਲ ਵੱਧ ਝੜਣ ਲੱਗਦੇ ਹਨ। ਗਰਮੀਆਂ ਦੇ ਮੁਕਾਬਲੇ ਇਸ ਮੌਸਮ ਵਿੱਚ ਝੜਨ ਦੀ ਦਰ ਕੁਝ ਜ਼ਿਆਦਾ ਹੁੰਦੀ ਹੈ। ਇਹ ਕੋਈ ਵੱਡੀ ਬਿਮਾਰੀ ਨਹੀਂ ਹੁੰਦੀ, ਸਗੋਂ ਸਰੀਰ ਤੇ ਸਕੈਲਪ ਵਿੱਚ ਹੋਣ ਵਾਲੇ ਕੁਦਰਤੀ ਬਦਲਾਵਾਂ ਕਾਰਨ..

( Image Source : Freepik )

ਠੰਢ ਪੈਂਦੇ ਹੀ ਸਰੀਰ ਗਰਮੀ ਬਚਾਉਣ ਲਈ ਖੂਨ ਦੀਆਂ ਛੋਟੀਆਂ ਨਾੜੀਆਂ ਨੂੰ ਸੁੰਗੜ ਦਿੰਦਾ ਹੈ। ਇਹੀ ਗੱਲ ਸਕੈਲਪ ਵਿੱਚ ਵੀ ਹੁੰਦੀ ਹੈ। ਇਸ ਕਾਰਨ ਵਾਲਾਂ ਦੀਆਂ ਜੜ੍ਹਾਂ ਤੱਕ ਖੂਨ, ਆਕਸੀਜਨ ਤੇ ਪੋਸ਼ਣ ਘੱਟ ਪਹੁੰਚਦੇ ਹਨ। ਜੜ੍ਹਾਂ ਕਮਜ਼ੋਰ ਹੋਣ ਨਾਲ ਵਾਲ ਵੱਧ ਝੜਣ ਲੱਗਦੇ ਹਨ।

ਸਰਦੀਆਂ ਵਿੱਚ ਵਾਲਾਂ ਦਾ ਝੜਣਾ ਘਟਾਉਣ ਲਈ ਦਿਨ ਵਿੱਚ ਕੁਝ ਸਧਾਰਨ ਕਦਮ ਬਹੁਤ ਮਦਦਗਾਰ ਹੁੰਦੇ ਹਨ। ਰੋਜ਼ 4 ਮਿੰਟ ਹਲਕੀ ਸਕੈਲਪ ਮਸਾਜ ਕਰੋ, ਇਸ ਨਾਲ ਖੂਨ ਦਾ ਭਾਵ ਵਧਦਾ ਹੈ। 30 ਮਿੰਟ ਦੀ ਤੇਜ਼ ਚੱਲਣ ਜਾਂ ਹਲਕੀ ਕਸਰਤ ਨੂੰ ਰੁਟੀਨ ਦਾ ਹਿੱਸਾ ਬਣਾ ਲਓ। ਬਾਹਰ ਨਿਕਲਦੇ ਸਮੇਂ ਸਿਰ ਨੂੰ ਹਲਕਾ ਗਰਮ ਰੱਖੋ, ਪਰ ਅਜਿਹੀ ਟੋਪੀ ਨਾ ਪਹਿਨੋ ਜਿਸ ਨਾਲ ਪਸੀਨਾ ਜਮ੍ਹਾਂ ਹੋਵੇ।

ਵਾਲਾਂ ਦੀ ਸਿਹਤ ਲਈ ਖੂਨ ਦਾ ਭਾਵ ਵਧਾਉਣ ਵਾਲੀਆਂ ਕੁਝ ਖੁਰਾਕਾਂ ਬਹੁਤ ਫਾਇਦੇਮੰਦ ਹਨ। ਇਨ੍ਹਾਂ ਵਿੱਚ ਅਖਰੋਟ, ਚੁਕੰਦਰ, ਪਾਲਕ, ਅਨਾਰ ਅਤੇ ਕੱਦੂ ਦੇ ਬੀਜ ਸ਼ਾਮਲ ਹਨ। ਇਹ ਸਰੀਰ ਨੂੰ ਜਰੂਰੀ ਪੋਸ਼ਣ ਦਿੰਦੇ ਹਨ ਅਤੇ ਸਕੈਲਪ ਤੱਕ ਖੂਨ ਪਹੁੰਚ ਵਧਾਉਂਦੇ ਹਨ, ਜਿਸ ਨਾਲ ਵਾਲ ਮਜ਼ਬੂਤ ਹੁੰਦੇ ਹਨ।

ਸਰਦੀਆਂ ਦੀ ਸੁੱਕੀ ਹਵਾ ਅਤੇ ਘੱਟ ਨਮੀ ਸਕੈਲਪ ਦੇ ਕੁਦਰਤੀ ਮੌਇਸਚਰ ਨੂੰ ਘਟਾ ਦਿੰਦੀ ਹੈ। ਇਸ ਨਾਲ ਸਕੈਲਪ ਸੁੱਕ ਜਾਂਦਾ ਹੈ ਤੇ ਛੋਟੇ ਫਲੇਕ ਬਣ ਜਾਂਦੇ ਹਨ। ਫਲੇਕਸ ਅਤੇ ਤੇਲ ਮਿਲ ਕੇ ਸਿਕਰੀ (ਡੈਂਡਰਫ) ਵਧਾਉਂਦੇ ਹਨ ਅਤੇ ਯੀਸਟ ਐਕਟੀਵਿਟੀ ਵੀ ਤੇਜ਼ ਹੋ ਜਾਂਦੀ ਹੈ। ਨਤੀਜਾ—ਖਾਰਸ਼, ਜਲਣ ਅਤੇ ਕੰਘੀ ਕਰਨ ਨਾਲ ਵਾਲ ਵੱਧ ਝੜਦੇ ਹਨ।

ਸਰਦੀਆਂ ਵਿੱਚ ਡੈਂਡਰਫ ਤੋਂ ਬਚਣ ਲਈ ਵਾਲਾਂ ਨੂੰ ਕੋਸੇ ਪਾਣੀ ਨਾਲ ਧੋਵੋ ਅਤੇ ਆਖਿਰ ‘ਚ ਹਲਕੇ ਠੰਢੇ ਪਾਣੀ ਨਾਲ ਰਿੰਸ ਕਰੋ। ਬਹੁਤ ਗਰਮ ਪਾਣੀ ਨਾਲ ਧੋਣ ਦੀ ਆਦਤ ਛੱਡੋ। ਲੰਬੇ ਸਮੇਂ ਤੱਕ ਟਾਈਟ ਕੈਪ ਨਾ ਪਹਿਨੋ। ਹਫ਼ਤੇ ‘ਚ 1–2 ਵਾਰ ਐਂਟੀ-ਡੈਂਡਰਫ ਸ਼ੈਂਪੂ ਵਰਤੋਂ।

Continues below advertisement

ਡੈਂਡਰਫ ਘੱਟ ਕਰਨ ਅਤੇ ਵਾਲਾਂ ਦੀ ਸਿਹਤ ਲਈ ਕੁਝ ਖੁਰਾਕਾਂ ਬਹੁਤ ਫਾਇਦੇਮੰਦ ਹਨ। ਇਨ੍ਹਾਂ ਵਿੱਚ ਅਖਰੋਟ (ਓਮੇਗਾ-3), ਅਲਸੀ ਦੇ ਬੀਜ, ਦਹੀਂ, ਕੱਦੂ ਦੇ ਬੀਜ (ਜ਼ਿੰਕ) ਸ਼ਾਮਲ ਹਨ। ਸਿਰਫ਼ ਖੁਰਾਕ ਹੀ ਨਹੀਂ, ਸਰਦੀਆਂ ਵਿੱਚ ਵਿਟਾਮਿਨ D ਦੀ ਘਾਟ ਵੀ ਇੱਕ ਮੁੱਖ ਕਾਰਨ ਹੈ। ਦਿਨ ਛੋਟੇ ਅਤੇ ਧੁੱਪ ਘੱਟ ਹੋਣ ਨਾਲ ਸਰੀਰ ਨੂੰ ਲੋੜੀਂਦੀ ਸੂਰਜ ਦੀ ਰੌਸ਼ਨੀ ਨਹੀਂ ਮਿਲਦੀ, ਜਿਸ ਨਾਲ ਵਿਟਾਮਿਨ D ਘੱਟ ਹੋ ਜਾਂਦਾ ਹੈ। ਇਹ ਵਿਟਾਮਿਨ ਵਾਲਾਂ ਦੀ ਵਧਾਉ ਨੂੰ ਸਹੀ ਰੱਖਣ ਵਿੱਚ ਮਦਦ ਕਰਦਾ ਹੈ। ਇਸਦੀ ਘਾਟ ਨਾਲ ਜੜ੍ਹਾਂ ਕਮਜ਼ੋਰ ਹੋ ਜਾਂਦੀਆਂ ਹਨ ਅਤੇ ਵਾਲ ਵੱਧ ਝੜਨ ਲੱਗਦੇ ਹਨ।