ਇਸ ਤਰੀਕੇ ਨਾਲ ਰੱਖੋ ਕਣਕ ਦਾ ਆਟਾ, ਨਹੀਂ ਲੱਗੇਗਾ ਘੁਣ

ਘਰ ਦਾ ਆਟਾ ਤਾਜ਼ਾ, ਖੁਸ਼ਬੂਦਾਰ ਅਤੇ ਬਿਨਾਂ ਕਿਸੇ ਮਿਲਾਵਟ ਤੋਂ ਹੁੰਦਾ ਹੈ। ਹਾਲਾਂਕਿ, ਜੇਕਰ ਧਿਆਨ ਨਾ ਦਿੱਤਾ ਜਾਵੇ, ਤਾਂ ਕਣਕ ਜਾਂ ਆਟਾ ਨੂੰ ਕੀੜੇ ਲੱਗ ਸਕਦੇ ਹਨ। ਤਾਂ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਕਿਵੇਂ ਬਚਿਆ ਜਾਵੇ।

Wheat Flour

ਆਟਾ ਰੱਖਣ ਲਈ ਤੁਸੀਂ ਜਿਹੜਾ ਵੀ ਡੱਬਾ, ਟੈਂਕੀ ਜਾਂ ਡਰੰਮ ਵਰਤਦੇ ਹੋ, ਵਰਤਣ ਤੋਂ ਪਹਿਲਾਂ ਇਸਨੂੰ ਚੰਗੀ ਤਰ੍ਹਾਂ ਧੋਵੋ ਅਤੇ ਸੁਕਾ ਲਓ। ਜੇਕਰ ਧੁੱਪ ਤੇਜ਼ ਹੈ, ਤਾਂ ਡੱਬੇ ਨੂੰ ਦੋ ਦਿਨਾਂ ਲਈ ਧੁੱਪ ਵਿੱਚ ਰੱਖ ਦਿਓ। ਇਸ ਨਾਲ ਸਾਰੀ ਨਮੀਂ ਦੂਰ ਹੋ ਜਾਵੇਗੀ ਅਤੇ ਕੀੜੇ-ਮਕੌੜੇ ਜਾਂ ਉਨ੍ਹਾਂ ਦੇ ਅੰਡੇ ਸਾਰੇ ਖ਼ਤਮ ਹੋ ਜਾਣਗੇ। ਡੱਬਾ ਪੂਰੀ ਤਰ੍ਹਾਂ ਸੁੱਕਾ ਹੋਣਾ ਚਾਹੀਦਾ ਹੈ, ਨਹੀਂ ਤਾਂ ਆਟਾ ਜਲਦੀ ਗਿੱਲਾ ਹੋ ਸਕਦਾ ਹੈ।

ਜੇਕਰ ਤੁਸੀਂ ਕਣਕ ਨੂੰ ਧੋ ਕੇ ਰੱਖਦੇ ਹੋ, ਤਾਂ ਇਸਨੂੰ ਚੰਗੀ ਤਰ੍ਹਾਂ ਸੁਕਾਉਣਾ ਜ਼ਰੂਰੀ ਹੈ। ਅੱਧੀ ਸੁੱਕੀ ਕਣਕ ਨੂੰ ਰੱਖਣ ਨਾਲ ਉਸ ਵਿੱਚ ਨਮੀਂ ਰਹਿ ਜਾਂਦੀ ਹੈ, ਜਿਸ ਨਾਲ ਕੀੜੇ ਛੇਤੀ ਲੱਗ ਜਾਂਦੇ ਹਨ। ਸਭ ਤੋਂ ਵਧੀਆ ਤਰੀਕਾ ਇਹ ਹੈ ਕਿ ਜਿੰਨੀ ਕਣਕ ਦਾ ਤੁਸੀਂ ਆਟਾ ਪਿਸਵਾਉਣਾ ਚਾਹੁੰਦੇ ਹੋ, ਉਨ੍ਹਾਂ ਕਣਕ ਹੀ ਸੁਕਾਓ।

ਸਦੀਆਂ ਤੋਂ ਅਨਾਜ ਨੂੰ ਸੁਰੱਖਿਅਤ ਰੱਖਣ ਲਈ ਨਿੰਮ ਦੀ ਵਰਤੋਂ ਕੀਤੀ ਜਾਂਦੀ ਰਹੀ ਹੈ। ਇਸਦੀ ਕੁੜੱਤਣ ਅਤੇ ਖੁਸ਼ਬੂ ਕੀੜਿਆਂ ਨੂੰ ਦੂਰ ਰੱਖਦੀ ਹੈ। ਆਟਾ ਜਾਂ ਕਣਕ ਸਟੋਰ ਕਰਨ ਵੇਲੇ ਹਰੇਕ ਪਰਤ ਦੇ ਵਿਚਕਾਰ ਕੁਝ ਸੁੱਕੇ ਨਿੰਮ ਦੇ ਪੱਤੇ ਜਾਂ ਟਾਹਣੀਆਂ ਰੱਖੋ। ਉੱਪਰ ਅਤੇ ਹੇਠਾਂ ਦੋਵੇਂ ਪਾਸੇ ਨਿੰਮ ਜ਼ਰੂਰ ਰੱਖੋ। ਇਸ ਤੁਹਾਡੀ ਕਣਕ ਜਾਂ ਆਟੇ ਨੂੰ ਕੀੜਾ ਨਹੀਂ ਲੱਗੇਗਾ ਅਤੇ ਲੰਬੇ ਸਮੇਂ ਤੱਕ ਤਾਜ਼ਾ ਰੱਖੇਗਾ।

ਜੇਕਰ ਤੁਸੀਂ ਚਾਹੋ, ਤਾਂ ਤੁਸੀਂ ਆਟੇ ਵਿੱਚ ਕੁਝ ਲੌਂਗ, ਦਾਲਚੀਨੀ, ਜਾਂ ਤੇਜ ਪੱਤਾ ਵੀ ਪਾ ਸਕਦੇ ਹੋ। ਇਹ ਮਸਾਲੇ ਕੁਦਰਤੀ ਕੀਟਨਾਸ਼ਕਾਂ ਵਜੋਂ ਕੰਮ ਕਰਦੇ ਹਨ। ਇਹ ਨਾ ਸਿਰਫ਼ ਆਟੇ ਨੂੰ ਕੀੜਿਆਂ ਤੋਂ ਦੂਰ ਰੱਖਣਗੇ ਸਗੋਂ ਇਸ ਨਾਲ ਹਲਕੀ ਅਤੇ ਵਧੀਆ ਖੁਸ਼ਬੂ ਵੀ ਬਣੀ ਰਹਿੰਦੀ ਹੈ।

ਪੁਰਾਣੇ ਸਮੇਂ ਵਿੱਚ, ਕਣਕ ਵਿੱਚ ਮਾਚਿਸ ਦੀਆਂ ਡੱਬੀਆਂ ਜਾਂ ਤਿਲੀਆਂ ਰੱਖੀਆਂ ਜਾਂਦੀਆਂ ਸਨ। ਅਜਿਹਾ ਇਸ ਲਈ ਕੀਤਾ ਜਾਂਦਾ ਸੀ ਕਿਉਂਕਿ ਮਾਚਿਸ ਦੀਆਂ ਡੱਬੀਆਂ ਵਿੱਚ ਮੌਜੂਦ ਸਲਫਰ ਕੀੜੇ-ਮਕੌੜਿਆਂ ਅਤੇ ਘੁਣ ਨਹੀਂ ਲੱਗਣ ਦਿੰਦਾ ਸੀ। ਹਰ 10 ਤੋਂ 15 ਕਿਲੋਗ੍ਰਾਮ ਕਣਕ ਜਾਂ ਆਟੇ ਲਈ ਇੱਕ ਮਾਚਿਸ ਦੀ ਡੱਬੀ ਕਾਫ਼ੀ ਹੁੰਦੀ ਸੀ। ਇਹ ਇੱਕ ਬਹੁਤ ਹੀ ਸਰਲ ਅਤੇ ਪ੍ਰਭਾਵਸ਼ਾਲੀ ਘਰੇਲੂ ਉਪਾਅ ਹੈ।

Continues below advertisement

ਬਹੁਤ ਸਾਰੇ ਲੋਕ ਆਟਾ ਜਾਂ ਕਣਕ ਨੂੰ ਪਲਾਸਟਿਕ ਦੇ ਡੱਬਿਆਂ ਵਿੱਚ ਸਟੋਰ ਕਰਦੇ ਹਨ, ਪਰ ਇਹ ਸਹੀ ਨਹੀਂ ਹੈ। ਪਲਾਸਟਿਕ ਦੇ ਡੱਬੇ ਹਵਾ ਨੂੰ ਆਪਣੇ ਤੱਕ ਨਹੀਂ ਪਹੁੰਚਣ ਦਿੰਦੇ, ਜਿਸ ਕਾਰਨ ਅੰਦਰ ਨਮੀਂ ਇਕੱਠੀ ਹੋ ਜਾਂਦੀ ਹੈ ਅਤੇ ਕਣਕ ਖਰਾਬ ਹੋ ਜਾਂਦੀ ਹੈ। ਕੱਪੜੇ ਦੀ ਬੋਰੀ, ਸਟੀਲ ਜਾਂ ਲੋਹੇ ਦੇ ਡਰੰਮ ਦੀ ਵਰਤੋਂ ਕਰਨਾ ਸਭ ਤੋਂ ਵਧੀਆ ਤਰੀਕਾ ਹੈ। ਇਸ ਨਾਲ ਅਨਾਜ ਨੂੰ ਹਵਾ ਮਿਲਦੀ ਹੈ ਅਤੇ ਕੀੜਾ ਨਹੀਂ ਲੱਗਦਾ ਹੈ।

ਸਭ ਤੋਂ ਵੱਡੀ ਗਲਤੀ ਹੈ ਕਿ ਤੁਸੀਂ ਕਣਕ ਦੇ ਆਟੇ ਨੂੰ ਰੱਖ ਕੇ ਭੁੱਲ ਜਾਂਦੇ ਹੋ, ਇਸ ਨੂੰ 30-45 ਦਿਨਾਂ ਵਿਚਕਾਰ ਧੁੱਪ ਲਵਾਓ। ਇਸ ਨਾਲ ਤੁਹਾਡਾ ਆਟਾ ਬਿਲਕੁਲ ਤਾਜ਼ਾ ਰਹੇਗਾ।