Burnt Tongue: ਚਾਹ ਪੀਣ ਦੌਰਾਨ ਸੜ ਗਈ ਜੀਭ, ਤਾਂ ਤੁਰੰਤ ਅਪਣਾਓ ਇਹ ਤਰੀਕੇ, ਮਿੰਟਾਂ 'ਚ ਮਿਲੇਗੀ ਰਾਹਤ

ਭੱਜਦੌੜ ਵਾਲੀ ਜ਼ਿੰਦਗੀ ਵਿੱਚ ਜਲਦੀ-ਜਲਦੀ ਖਾਣ ਜਾਂ ਖਾਸ ਕਰਕੇ ਚਾਹ ਪੀਣ ਦੇ ਚੱਕਰ ਵਿੱਚ ਤੁਹਾਡੀ ਜੀਭ ਸੜ ਸਕਦੀ ਹੈ। ਖਾਸ ਤੌਰ ਤੇ ਗਰਮ ਚਾਹ, ਗਰਮ ਕੌਫੀ, ਪਾਣੀ ਅਤੇ ਭੋਜਨ ਕਾਰਨ ਜੀਭ ਦਾ ਜਲਣਾ ਬਿਲਕੁਲ ਆਮ ਗੱਲ ਹੋ ਗਈ ਹੈ।

Tongue

ਕਦੇ-ਕਦੇ ਤਾਂ ਇਹ ਤਕਲੀਫ ਇੰਨੀ ਜ਼ਿਆਦਾ ਹੋ ਜਾਂਦੀ ਹੈ ਕਿ ਅਸੀਂ ਕੁਝ ਦਿਨਾਂ ਤੱਕ ਸਹੀ ਸਵਾਦ ਵਾਲਾ ਭੋਜਨ ਨਹੀਂ ਖਾ ਪਾਉਂਦੇ। ਇਹ ਬੇਹੱਦ ਦਰਦਨਾਕ ਹੋ ਸਕਦਾ ਹੈ। ਹਾਲਾਂਕਿ ਇਸ ਲੇਖ ਦੇ ਜ਼ਰੀਏ ਅਸੀਂ ਤੁਹਾਨੂੰ ਕੁਝ ਘਰੇਲੂ ਨੁਸਖੇ ਦੱਸਣ ਜਾ ਰਹੇ ਹਾਂ ਜਿਨ੍ਹਾਂ ਦੀ ਵਰਤੋਂ ਕਰਕੇ ਤੁਸੀਂ ਆਸਾਨੀ ਨਾਲ ਇਸ ਤੋਂ ਛੁਟਕਾਰਾ ਪਾ ਸਕਦੇ ਹੋ।

ਜੇ ਜੀਭ ਬੁਰੀ ਤਰ੍ਹਾਂ ਸੜ ਗਈ ਹੈ ਤਾਂ ਆਰਾਮ ਪਾਉਣ ਲਈ ਠੰਡੇ ਪਾਣੀ ਨਾਲ ਕੁਰਲੀ ਕਰੋ। ਸੜੀ ਹੋਈ ਜੀਭ ਦੀ ਜਲਣ ਨੂੰ ਘੱਟ ਕਰਨ ਦਾ ਸਭ ਤੋਂ ਆਸਾਨ ਤਰੀਕਾ ਹੈ ਠੰਡੇ ਪਾਣੀ ਨਾਲ ਕੁਰਲੀ ਕਰਨਾ। ਠੰਡੇ ਪਾਣੀ ਨਾਲ ਜੀਭ ਦੀ ਸੋਜ ਅਤੇ ਬੇਅਰਾਮੀ ਨੂੰ ਘੱਟ ਕੀਤਾ ਜਾ ਸਕਦਾ ਹੈ। ਜੇਕਰ ਤੁਹਾਡੇ ਕੋਲ ਬਰਫ਼ ਦੇ ਕਿਊਬ ਹਨ, ਤਾਂ ਤੁਸੀਂ ਉਨ੍ਹਾਂ ਨੂੰ ਆਪਣੀ ਜੀਭ 'ਤੇ ਵੀ ਰਗੜ ਸਕਦੇ ਹੋ। ਇਸ ਨਾਲ ਤੁਹਾਨੂੰ ਰਾਹਤ ਮਿਲੇਗੀ।

ਐਲੋਵੇਰਾ ਜੈੱਲ ਜੀਭ ਦੇ ਬਾਡੀਗਾਰਡ ਦਾ ਕੰਮ ਕਰੇਗਾ। ਇਸ ਨਾਲ ਤੁਹਾਨੂੰ ਦਰਦ ਤੋਂ ਵੀ ਤੁਰੰਤ ਰਾਹਤ ਮਿਲੇਗੀ। ਜੇਕਰ ਤੁਸੀਂ ਤੁਰੰਤ ਰਾਹਤ ਪਾਉਣਾ ਚਾਹੁੰਦੇ ਹੋ ਤਾਂ ਐਲੋਵੇਰਾ ਜੈੱਲ ਲਗਾਓ ਜਿਸ ਵਿੱਚ ਕੈਮੀਕਲ ਨਾ ਹੋਵੇ।

ਜਿਸ ਹਿੱਸੇ ‘ਤੇ ਜੀਭ ਸੜੀ ਹੋਈ ਹੈ, ਉਸ ‘ਤੇ ਸ਼ਹਿਦ ਲਾ ਲਓ।

ਜੇਕਰ ਤੁਹਾਡੀ ਜੀਭ ਸੜ ਜਾਂਦੀ ਹੈ ਤਾਂ ਠੰਡਾ ਦਹੀਂ ਲਗਾਓ ਜਾਂ ਦੁੱਧ ਪੀਓ। ਇਸ ਨਾਲ ਤੁਰੰਤ ਰਾਹਤ ਮਿਲਦੀ ਹੈ। ਡੇਅਰੀ ਉਤਪਾਦ ਨਾ ਸਿਰਫ ਤੁਹਾਡੀ ਜੀਭ ਨੂੰ ਠੰਡਾ ਰੱਖਦੇ ਹਨ ਬਲਕਿ ਤੁਹਾਡੇ ਪੇਟ ਨੂੰ ਵੀ ਠੰਡਾ ਰੱਖਦੇ ਹਨ।

ਪੁਦੀਨੇ ਦੇ ਤਾਜ਼ੇ ਪੱਤੇ ਤੁਹਾਨੂੰ ਤਾਜ਼ਗੀ ਦਿੰਦੇ ਹਨ। ਅਜਿਹੇ 'ਚ ਜਦੋਂ ਤੁਹਾਡੀ ਜੀਭ ਸੜ ਜਾਂਦੀ ਹੈ ਤਾਂ ਤੁਸੀਂ ਪੁਦੀਨੇ ਦੀ ਵਰਤੋਂ ਕਰ ਸਕਦੇ ਹੋ।