Room Heater ਲੈਣ ਲੱਗੇ ਹੋ ਤਾਂ ਪਹਿਲਾਂ ਧਿਆਨ 'ਚ ਰੱਖੋ ਆਹ ਗੱਲਾਂ

ਰੂਮ ਹੀਟਰ ਦੀ ਚੋਣ ਕਰਨ ਵੇਲੇ ਕਿਹੜੇ ਕਿਹੜੀਆਂ ਗੱਲਾਂ ਤੇ ਧਿਆਨ ਰੱਖਣਾ ਚਾਹੀਦਾ ਹੈ ਅਤੇ ਕਿਵੇਂ ਸਹੀ ਮਾਡਲ ਤੈਅ ਹੁੰਦਾ ਹੈ? ਰੂਮ ਹੀਟਰ ਖਰੀਦਣ ਤੋਂ ਪਹਿਲਾਂ ਇਨ੍ਹਾਂ ਪੰਜ ਗੱਲਾਂ ਨੂੰ ਧਿਆਨ ਵਿੱਚ ਰੱਖੋ।

Room Heater

ਰੂਮ ਹੀਟਰ ਖਰੀਦਣ ਤੋਂ ਪਹਿਲਾਂ ਕੁਝ ਗੱਲਾਂ ਨੂੰ ਸਮਝਣਾ ਵਧੀਆ ਹੈ। ਕਮਰੇ ਦਾ ਆਕਾਰ, ਬਿਜਲੀ ਦੀ ਖਪਤ, ਸੇਫਟੀ ਫੀਚਰਸ ਅਤੇ ਤੁਹਾਡੀ ਸਿਹਤ 'ਤੇ ਉਨ੍ਹਾਂ ਦਾ ਅਸਰ, ਇਹ ਸਭ ਕੁਝ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਰੂਮ ਹੀਟਰ ਖਰੀਦਣ ਵੇਲੇ ਇਨ੍ਹਾਂ ਕਾਰਕਾਂ ਨੂੰ ਧਿਆਨ ਵਿੱਚ ਰੱਖਣਾ ਨਾ ਸਿਰਫ਼ ਸੁਰੱਖਿਅਤ ਹੋਵੇਗਾ ਬਲਕਿ ਜੇਬ 'ਤੇ ਵੀ ਜ਼ਿਆਦਾ ਅਸਰ ਨਹੀਂ ਪਵੇਗਾ।

ਪਹਿਲਾਂ ਕਮਰੇ ਦੇ ਸਾਈਜ 'ਤੇ ਧਿਆਨ ਵਿੱਚ ਰੱਖੋ। ਹੀਟਰ ਦੀ ਸਮਰੱਥਾ ਸਿੱਧੇ ਤੌਰ 'ਤੇ ਕਮਰੇ ਦੇ ਆਕਾਰ 'ਤੇ ਨਿਰਭਰ ਕਰਦੀ ਹੈ। ਇੱਕ ਛੋਟੇ ਕਮਰੇ ਲਈ, 800 ਤੋਂ 1200 ਵਾਟ ਦਾ ਹੀਟਰ ਵਧੀਆ ਕੰਮ ਕਰੇਗਾ, ਕਿਉਂਕਿ ਇਹ ਇੱਕ ਛੋਟੀ ਜਿਹੀ ਜਗ੍ਹਾ ਨੂੰ ਜਲਦੀ ਗਰਮ ਕਰਦਾ ਹੈ। ਇੱਕ ਵੱਡੇ ਕਮਰੇ ਲਈ, 2000 ਵਾਟ ਜਾਂ ਇਸ ਤੋਂ ਵੱਧ ਸਮਰੱਥਾ ਵਾਲਾ ਹੀਟਰ ਕਾਫ਼ੀ ਗਰਮੀ ਪ੍ਰਦਾਨ ਕਰੇਗਾ।

ਸੇਫਟੀ ਫੀਚਰਸ ਕਿਸੇ ਵੀ ਹੀਟਰ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹੁੰਦਾ ਹੈ। ਲੰਬੇ ਸਮੇਂ ਤੱਕ ਵਰਤੋਂ ਜਾਂ ਅਚਾਨਕ ਡਿੱਗਣ ਨਾਲ ਦੁਰਘਟਨਾਵਾਂ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਇਸ ਲਈ, ਆਟੋ ਕੱਟ-ਆਫ, ਟਿਪ-ਓਵਰ ਪ੍ਰੋਟੈਕਸ਼ਨ ਅਤੇ ਕੂਲ-ਟਚ ਬਾਡੀ ਵਰਗੀਆਂ ਵਿਸ਼ੇਸ਼ਤਾਵਾਂ ਦੀ ਭਾਲ ਕਰਨਾ ਯਕੀਨੀ ਬਣਾਓ।

ਬਿਜਲੀ ਦੀ ਖਪਤ ਨੂੰ ਖਰੀਦਣ ਵੇਲੇ ਵੀ ਧਿਆਨ ਵਿੱਚ ਰੱਖਣਾ ਚਾਹੀਦਾ ਹੈ। ਹਰੇਕ ਹੀਟਰ ਬਿਜਲੀ ਨੂੰ ਵੱਖਰੇ ਢੰਗ ਨਾਲ ਖਿੱਚਦਾ ਹੈ। ਜੇਕਰ ਤੁਸੀਂ ਇਸਨੂੰ ਰੋਜ਼ਾਨਾ ਕਈ ਘੰਟਿਆਂ ਲਈ ਵਰਤਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਆਇਲ-ਫਿਲਡ ਬਿਹਤਰ ਹੋ ਸਕਦਾ ਹੈ। ਇਹ ਘੱਟ ਬਿਜਲੀ ਦੇ ਨਾਲ ਇਕਸਾਰ ਗਰਮੀ ਪ੍ਰਦਾਨ ਕਰਦਾ ਹੈ। ਇਸ ਤੋਂ ਇਲਾਵਾ, ਇਹ ਕਮਰੇ ਦੀ ਹਵਾ ਨੂੰ ਬਹੁਤ ਜ਼ਿਆਦਾ ਨਹੀਂ ਸੁਕਾਉਂਦਾ, ਜਿਸ ਨਾਲ ਲੰਬੇ ਸਮੇਂ ਲਈ ਬੈਠਣਾ ਆਰਾਮਦਾਇਕ ਹੋ ਜਾਂਦਾ ਹੈ।

ਹਵਾ ਦੀ ਨਮੀ ਵੀ ਇੱਕ ਮਹੱਤਵਪੂਰਨ ਮੁੱਦਾ ਹੈ। ਬਹੁਤ ਸਾਰੇ ਹੀਟਰ ਕਮਰੇ ਵਿੱਚ ਹਵਾ ਨੂੰ ਇੰਨਾ ਖੁਸ਼ਕ ਬਣਾ ਸਕਦੇ ਹਨ ਕਿ ਇਹ ਤੁਹਾਡੀ ਚਮੜੀ ਅਤੇ ਗਲਾ ਸੜਨ ਲੱਗ ਜਾਂਦਾ ਹੈ। ਇਸ ਸਮੱਸਿਆ ਤੋਂ ਬਚਣ ਲਈ, ਆਇਲ-ਫੀਲਡ ਹੀਟਰ ਜਾਂ ਹਿਊਮਿਡੀਫਾਇਰ ਵਾਲੇ ਮਾਡਲ ਵਧੀਆ ਰਹਿੰਦੇ ਹਨ। ਇਹ ਗਰਮੀ ਬਣਾਈ ਰੱਖਣ ਅਤੇ ਕਮਰੇ ਵਿੱਚ ਸੰਤੁਲਿਤ ਨਮੀ ਬਣਾਈ ਰੱਖਣ ਵਿੱਚ ਮਦਦ ਕਰਦੇ ਹਨ।

Continues below advertisement