Tourists : ਘੁੰਮਣ ਜਾਣ ਦੀ ਬਣਾ ਰਹੇ ਹੋ ਸਲਾਹ ਤਾਂ ਜਾਣ ਲਓ ਇਹਨਾਂ ਦੇਸ਼ਾਂ ਦੇ ਬਾਰੇ, ਕਿਤੇ ਕਰ ਨਾ ਬੈਠਿਓ ਆਹ ਗਲਤੀ

ਇੱਥੇ ਅਸੀਂ ਤੁਹਾਨੂੰ ਦੁਨੀਆ ਦੇ ਕੁਝ ਦੇਸ਼ਾਂ ਦੇ ਕਾਨੂੰਨਾਂ ਬਾਰੇ ਵੀ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਨੂੰ ਜਾਣਨਾ ਤੁਹਾਡੇ ਲਈ ਜ਼ਰੂਰੀ ਹੈ। ਜੇਕਰ ਤੁਸੀਂ ਇਹਨਾਂ ਕਾਨੂੰਨਾਂ ਦੀ ਉਲੰਘਣਾ ਕਰਦੇ ਹੋ, ਤਾਂ ਤੁਸੀਂ ਵੱਡੀ ਮੁਸੀਬਤ ਵਿੱਚ ਫਸ ਸਕਦੇ ਹੋ। ਜੇਕਰ ਤੁਸੀਂ ਵੀ ਇਨ੍ਹਾਂ ਦੇਸ਼ਾਂ ਦਾ ਦੌਰਾ ਕਰਨ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਇਨ੍ਹਾਂ ਬਾਰੇ ਜਾਣਕਾਰੀ ਹੋਣੀ ਜ਼ਰੂਰੀ ਹੈ।

ਜੇਕਰ ਤੁਸੀਂ ਸੋਮਾਲੀਆ ਜਾਂਦੇ ਹੋ, ਤਾਂ ਸਮੋਸੇ ਦਾ ਜ਼ਿਕਰ ਨਾ ਕਰੋ। ਇੱਥੋਂ ਦੇ ਕੱਟੜਪੰਥੀ ਸਮੂਹ ਅਲ-ਸ਼ਬਾਬ ਨੇ ਸਮੋਸੇ ਬਣਾਉਣ, ਖਾਣ ਅਤੇ ਵੇਚਣ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਸਮੋਸੇ ਦੇ ਤਿੰਨ ਨੁਕਤੇ ਵਾਲੇ ਹਿੱਸੇ ਈਸਾਈਆਂ ਦਾ ਪਵਿੱਤਰ ਚਿੰਨ੍ਹ ਹਨ।

ਕੁਝ ਸਮਾਂ ਪਹਿਲਾਂ ਤੱਕ ਅਫਰੀਕੀ ਦੇਸ਼ ਬੁਰੂੰਡੀ ਵਿੱਚ ਜਾਤੀਵਾਦ ਫੈਲਿਆ ਹੋਇਆ ਸੀ। ਇੱਥੇ ਲੋਕ ਜੌਗਿੰਗ ਕਰਦੇ ਹੋਏ ਵਿਦਰੋਹ ਦੀਆਂ ਰਣਨੀਤੀਆਂ ਤਿਆਰ ਕਰਦੇ ਸਨ। ਇਸੇ ਕਾਰਨ ਸਾਲ 2014 ਦੌਰਾਨ ਬੁਰੂੰਡੀ ਦੇ ਰਾਸ਼ਟਰਪਤੀ ਨੇ ਵਿਦਰੋਹ ਨੂੰ ਰੋਕਣ ਲਈ ਜੌਗਿੰਗ 'ਤੇ ਪਾਬੰਦੀ ਲਗਾ ਦਿੱਤੀ ਸੀ।

ਮਲੇਸ਼ੀਆ ਦੀ ਸਰਕਾਰ ਨੇ ਆਪਣੇ ਦੇਸ਼ 'ਚ ਪੀਲੇ ਰੰਗ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। 2015 ਵਿੱਚ, ਮਲੇਸ਼ੀਆ ਦੇ ਪ੍ਰਧਾਨ ਮੰਤਰੀ ਦੇ ਖਿਲਾਫ ਪ੍ਰਦਰਸ਼ਨ ਕਰ ਰਹੇ ਲੋਕਾਂ ਨੇ ਪੀਲੀ ਟੀ-ਸ਼ਰਟਾਂ ਪਹਿਨੀਆਂ ਸਨ। ਇਸ 'ਤੇ ਕਾਬੂ ਪਾਉਣ ਲਈ ਸਰਕਾਰ ਨੇ ਸਰਕਾਰੀ ਥਾਵਾਂ 'ਤੇ ਪੀਲੇ ਰੰਗ ਦੇ ਕੱਪੜਿਆਂ 'ਤੇ ਪਾਬੰਦੀ ਲਗਾ ਦਿੱਤੀ ਸੀ।

ਸਿੰਗਾਪੁਰ ਵਿੱਚ ਚਿਊਇੰਗਮ 'ਤੇ ਪਾਬੰਦੀ ਹੈ। ਦਰਅਸਲ, ਇੱਥੇ 1992 ਵਿੱਚ ਇੱਕ ਵਿਅਕਤੀ ਨੇ ਪਬਲਿਕ ਟਰਾਂਸਪੋਰਟ ਉੱਤੇ ਚਿਊਇੰਗਮ ਚਿਪਕਾਇਆ ਸੀ। ਇਸ ਕਾਰਨ ਸਿੰਗਾਪੁਰ ਦੀ ਜਨਤਕ ਆਵਾਜਾਈ ਕਈ ਘੰਟਿਆਂ ਤੱਕ ਠੱਪ ਰਹੀ, ਜਿਸ ਕਾਰਨ ਲੋਕਾਂ ਨੂੰ ਕਾਫੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ। ਉਦੋਂ ਤੋਂ ਇੱਥੇ ਚਿਊਇੰਗਮ ਦੀ ਮਨਾਹੀ ਹੈ। ਇੱਥੇ ਚਿਊਇੰਗਮ ਲਿਆਉਣ ਦੀ ਵੀ ਮਨਾਹੀ ਹੈ। ਜੇਕਰ ਤੁਸੀਂ ਸਿੰਗਾਪੁਰ ਜਾ ਰਹੇ ਹੋ ਤਾਂ ਚਿਊਇੰਗਮ ਤੋਂ ਦੂਰੀ ਬਣਾ ਕੇ ਰੱਖੋ।