Dry Fruits: ਬੱਚਿਆਂ ਨੂੰ ਇਸ ਉਮਰ 'ਚ ਦੇਣੇ ਚਾਹੀਦੇ ਡ੍ਰਾਈ ਫਰੂਟ, ਨਹੀਂ ਤਾਂ ਵਿਗੜ ਸਕਦੀ ਸਿਹਤ

ਜ਼ਿਆਦਾਤਰ ਡਾਕਟਰ ਸਲਾਹ ਦਿੰਦੇ ਹਨ ਕਿ ਬੱਚਿਆਂ ਨੂੰ 9-12 ਮਹੀਨਿਆਂ ਦੀ ਉਮਰ ਵਿੱਚ ਹੀ ਡ੍ਰਾਈ ਫਰੂਟ ਦੇਣਾ ਸ਼ੁਰੂ ਕਰ ਸਕਦੇ ਹੋ। ਪਰ ਯਾਦ ਰੱਖੋ ਕਿ ਹਰ ਬੱਚਾ ਵੱਖਰਾ ਹੁੰਦਾ ਹੈ, ਇਸ ਲਈ ਇੱਕ ਵਾਰ ਆਪਣੇ ਬੱਚੇ ਦੇ ਡਾਕਟਰ ਨੂੰ ਜ਼ਰੂਰ ਪੁੱਛੋ। ਸ਼ੁਰੂਆਤ ਵਿੱਚ ਦੋ ਸਾਲ ਦੀ ਉਮਰ ਤੱਕ ਬੱਚੇ ਨੂੰ ਡ੍ਰਾਈ ਫਰੂਟ ਪੀਸ ਕੇ ਦੇਣਾ ਚਾਹੀਦਾ ਹੈ। 2 ਤੋਂ 5 ਸਾਲ ਦੀ ਉਮਰ ਦੇ ਬੱਚਿਆਂ ਨੂੰ ਸੁੱਕੇ ਮੇਵੇ ਬਹੁਤ ਘੱਟ ਮਾਤਰਾ ਵਿੱਚ ਦੇਣੇ ਚਾਹੀਦੇ ਹਨ। ਇੱਕ ਦਿਨ ਵਿੱਚ ਇੱਕ ਬਦਾਮ ਜਾਂ ਅੱਧਾ ਅਖਰੋਟ ਕਾਫ਼ੀ ਹੈ। ਰੋਜ਼ਾਨਾ ਦੇਣ ਤੋਂ ਬਚੋ। ਬਹੁਤ ਜ਼ਿਆਦਾ ਖਾਣ ਨਾਲ ਪੇਟ ਖਰਾਬ ਜਾਂ ਐਲਰਜੀ ਹੋ ਸਕਦੀ ਹੈ। ਛੋਟੇ ਟੁਕੜਿਆਂ ਵਿੱਚ ਦਿਓ ਜਾਂ ਪੀਸ ਕੇ ਦਿਓ।

2 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਸੁੱਕਾ ਮੇਵਾ ਦੇਣਾ ਠੀਕ ਨਹੀਂ ਹੈ, ਮਾਹਿਰਾਂ ਅਨੁਸਾਰ 2 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਦੀ ਪਾਚਨ ਪ੍ਰਣਾਲੀ ਅਜੇ ਪੂਰੀ ਤਰ੍ਹਾਂ ਵਿਕਸਤ ਨਹੀਂ ਹੁੰਦੀ ਹੈ। ਇਸ ਕਰਕੇ ਉਨ੍ਹਾਂ ਨੂੰ ਬਾਅਦ ਵਿੱਚ ਦੇਣਾ ਚਾਹੀਦਾ ਹੈ

ਸ਼ੁਰੂਆਤ ਵਿਚ ਸੁੱਕੇ ਮੇਵੇ ਥੋੜ੍ਹੀ ਜਿਹੀ ਮਾਤਰਾ ਵਿੱਚ ਦਿਓ ਅਤੇ ਉਸ ਨੂੰ ਪੀਸ ਕੇ ਜਾਂ ਪਾਣੀ ਵਿਚ ਭਿਉਂ ਕੇ ਨਰਮ ਕਰਕੇ ਦਿਓ। ਤੁਸੀਂ ਬਦਾਮ, ਕਿਸ਼ਮਿਸ਼ ਅਤੇ ਖਜੂਰ ਨਾਲ ਸ਼ੁਰੂਆਤ ਕਰ ਸਕਦੇ ਹੋ। ਵੱਡੇ ਟੁਕੜੇ ਨਾ ਦਿਓ ਕਿਉਂਕਿ ਉਹ ਗਲੇ ਵਿੱਚ ਫਸ ਸਕਦੇ ਹਨ।

ਸੁੱਕੇ ਮੇਵੇ ਵਿੱਚ ਵਿਟਾਮਿਨ ਅਤੇ ਖਣਿਜ ਹੁੰਦੇ ਹਨ ਜੋ ਬੱਚਿਆਂ ਦੀ ਸਿਹਤ ਅਤੇ ਵਿਕਾਸ ਲਈ ਚੰਗੇ ਹੁੰਦੇ ਹਨ। ਪਰ ਧਿਆਨ ਰੱਖੋ, ਹਰ ਰੋਜ਼ ਥੋੜ੍ਹੀ ਜਿਹੀ ਮਾਤਰਾ ਵਿੱਚ ਦਿਓ। ਬਹੁਤ ਜ਼ਿਆਦਾ ਦੇਣ ਨਾਲ ਪੇਟ ਖਰਾਬ ਹੋ ਸਕਦਾ ਹੈ।

ਕੁਝ ਬੱਚਿਆਂ ਨੂੰ ਸੁੱਕੇ ਮੇਵੇ ਤੋਂ ਐਲਰਜੀ ਹੋ ਸਕਦੀ ਹੈ, ਇਸ ਲਈ ਸਾਵਧਾਨੀ ਨਾਲ ਸ਼ੁਰੂਆਤ ਕਰੋ। ਜੇਕਰ ਕੋਈ ਸਮੱਸਿਆ ਹੋਵੇ ਤਾਂ ਤੁਰੰਤ ਡਾਕਟਰ ਨਾਲ ਗੱਲ ਕਰੋ। ਇਸ ਤਰ੍ਹਾਂ ਤੁਸੀਂ ਆਪਣੇ ਬੱਚੇ ਨੂੰ ਸਹੀ ਸਮੇਂ ਅਤੇ ਸਹੀ ਤਰੀਕੇ ਨਾਲ ਸੁੱਕੇ ਮੇਵੇ ਖੁਆ ਸਕਦੇ ਹੋ।