ਬੱਚਿਆਂ ਨੂੰ ਕਿਸ ਉਮਰ ਵਿਚ ਆਪਣੇ ਆਪ ਖਾਣਾ ਖਾਣ ਦੀ ਟ੍ਰੇਨਿੰਗ ਸ਼ੁਰੂ ਕਰ ਦੇਣੀ ਚਾਹੀਦੀ ਹੈ, ਜਾਣੋ ਖਾਣਾ ਖਵਾਉਣ ਦਾ ਸਹੀ ਤਰੀਕਾ ਕੀ ਹੈ?

ਆਓ ਜਾਣਦੇ ਹਾਂ ਕਿਸ ਉਮਰ ਤੋਂ ਬੱਚਿਆਂ ਨੂੰ ਖੁਦ ਖਾਣਾ ਸਿਖਾਉਣਾ ਚਾਹੀਦਾ ਹੈ ਅਤੇ ਇਸ ਦੇ ਲਈ ਕਿਹੜੇ ਆਸਾਨ ਤਰੀਕੇ ਅਪਣਾਏ ਜਾ ਸਕਦੇ ਹਨ।

ਜਦੋਂ ਬੱਚੇ ਆਪਣੇ ਆਪ ਖਾਣਾ ਸ਼ੁਰੂ ਕਰਦੇ ਹਨ, ਤਾਂ ਉਹ ਜ਼ਿਆਦਾ ਖਾਂਦੇ ਹਨ ਅਤੇ ਉਨ੍ਹਾਂ ਦਾ ਪੇਟ ਚੰਗਾ ਭਰਦਾ ਹੈ। ਆਪਣੇ ਆਪ ਖਾਣਾ ਖਾਣ ਨਾਲ ਬੱਚੇ ਆਤਮ ਨਿਰਭਰ ਬਣਦੇ ਹਨ ਅਤੇ ਉਨ੍ਹਾਂ ਦੀ ਭੁੱਖ ਵੀ ਪੂਰੀ ਹੁੰਦੀ ਹੈ। ਇਹ ਪ੍ਰਕਿਰਿਆ ਬੱਚਿਆਂ ਦੇ ਵਿਕਾਸ ਵਿੱਚ ਮਦਦ ਕਰਦੀ ਹੈ ਅਤੇ ਉਨ੍ਹਾਂ ਦੀਆਂ ਖਾਣ ਪੀਣ ਦੀਆਂ ਆਦਤਾਂ ਵਿੱਚ ਸੁਧਾਰ ਕਰਦੀ ਹੈ।

ਸਹੀ ਉਮਰ ਕਦੋਂ ਹੈ: ਬੱਚਿਆਂ ਨੂੰ ਆਪਣੇ ਆਪ ਖਾਣ ਲਈ ਸਿਖਲਾਈ ਦੇਣ ਦਾ ਸਹੀ ਸਮਾਂ 1 ਤੋਂ 1.5 ਸਾਲ ਦੀ ਉਮਰ ਹੈ। ਇਸ ਸਮੇਂ ਤੱਕ ਉਹ ਆਪਣੇ ਹੱਥਾਂ ਅਤੇ ਉਂਗਲਾਂ ਦੀ ਸਹੀ ਵਰਤੋਂ ਕਰਨਾ ਸਿੱਕ ਜਾਂਦੇ ਹਨ। ਇਸ ਤੋਂ ਪਹਿਲਾਂ ਵੀ ਤੁਸੀਂ ਉਨ੍ਹਾਂ ਨੂੰ ਆਪਣੇ ਨਾਲ ਬੈਠ ਕੇ ਖਾਣਾ ਖਾਣ ਦਾ ਅਨੁਭਵ ਦੇ ਸਕਦੇ ਹੋ।

ਸਾਧਾਰਨ ਭੋਜਨਾਂ ਨਾਲ ਸ਼ੁਰੂ ਕਰੋ: ਬੱਚਿਆਂ ਨੂੰ ਪਹਿਲਾਂ ਛੋਟੇ, ਆਸਾਨੀ ਨਾਲ ਫੜੇ ਜਾਣ ਵਾਲੇ ਭੋਜਨ ਖਾਣ ਦਿਓ, ਜਿਵੇਂ ਕਿ ਕੱਟੇ ਹੋਏ ਫਲ, ਉਬਲੀਆਂ ਸਬਜ਼ੀਆਂ ਅਤੇ ਛੋਟੇ ਸੈਂਡਵਿਚ।

ਸਹੀ ਬਰਤਨ ਪ੍ਰਦਾਨ ਕਰੋ: ਬੱਚਿਆਂ ਲਈ ਛੋਟੇ ਅਤੇ ਹਲਕੇ ਭਾਂਡੇ ਪ੍ਰਦਾਨ ਕਰੋ, ਜਿਵੇਂ ਕਿ ਪਲਾਸਟਿਕ ਦੇ ਚਮਚੇ ਅਤੇ ਕਟੋਰੇ, ਤਾਂ ਜੋ ਉਹ ਉਹਨਾਂ ਨੂੰ ਆਸਾਨੀ ਨਾਲ ਫੜ ਸਕਣ।

ਖੇਡ ਰਾਹੀਂ ਸਿਖਾਓ: ਖਾਣ ਨੂੰ ਇੱਕ ਖੇਡ ਬਣਾਓ। ਰੰਗ-ਬਿਰੰਗੇ ਭਾਂਡਿਆਂ ਅਤੇ ਪਲੇਟਾਂ ਦੀ ਵਰਤੋਂ ਕਰੋ ਤਾਂ ਜੋ ਬੱਚੇ ਖਾਣਾ ਖਾਣ ਵਿਚ ਰੁਚੀ ਲੈਣ।

ਸਫਾਈ ਵੱਲ ਧਿਆਨ ਦਿਓ: ਖਾਣਾ ਖਾਣ ਤੋਂ ਬਾਅਦ ਬੱਚੇ ਦੇ ਹੱਥ ਅਤੇ ਮੂੰਹ ਸਾਫ਼ ਕਰਨ ਲਈ ਕੱਪੜਾ ਰੱਖੋ। ਖਾਣ ਪੀਣ ਦੀ ਥਾਂ ਨੂੰ ਵੀ ਸਾਫ਼ ਰੱਖੋ।