Dragon Fruit: ਘਰ 'ਚ ਬੜੇ ਸੌਖੇ ਤਰੀਕੇ ਨਾਲ ਲਾ ਸਕਦੇ ਡ੍ਰੈਗਨ ਫਰੂਟ, ਹੋਵੇਗੀ ਚੰਗੀ ਕਮਾਈ, ਜਾਣੋ ਤਰੀਕਾ

ਬਾਜ਼ਾਰ ਵਿਚ ਡ੍ਰੈਗਨ ਫਰੂਟ ਦੇ ਭਾਅ ਕਾਫੀ ਜ਼ਿਆਦਾ ਹਨ। ਜੇਕਰ ਤੁਸੀਂ ਇਸ ਦਾ ਸੁਆਦ ਲੈਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਵੱਡੀ ਰਕਮ ਖ਼ਰਚ ਕਰਨੀ ਪੈਂਦੀ ਹੈ। ਪਰ ਤੁਸੀਂ ਇਸਨੂੰ ਆਪਣੇ ਘਰ ਵਿੱਚ ਉਗਾ ਕੇ ਪੈਸੇ ਬਚਾ ਸਕਦੇ ਹੋ। ਆਓ ਜਾਣਦੇ ਹਾਂ ਇਸ ਨੂੰ ਘਰ ਵਿੱਚ ਕਿਵੇਂ ਉਗਾ ਸਕਦੇ ਹੋ...

ਘਰ ਵਿੱਚ ਡ੍ਰੈਗਨ ਫਰੂਟ ਉਗਾਉਣ ਲਈ ਤੁਹਾਨੂੰ ਇਸ ਦੇ ਬੀਜ, ਗਮਲਾ, ਲਾਲ ਮਿੱਟੀ, ਕੋਕੋ ਪੀਟ, ਖਾਦ ਅਤੇ ਰੇਤ ਦਾ ਮਿਸ਼ਰਣ, ਖਾਦ, ਪਾਣੀ ਦੀ ਲੋੜ ਹੁੰਦੀ ਹੈ। ਤੁਸੀਂ ਇਸ ਦੇ ਬੀਜ ਬਾਜ਼ਾਰ ਤੋਂ ਖਰੀਦ ਸਕਦੇ ਹੋ।

ਇਸ ਨੂੰ ਘਰ ਵਿੱਚ ਉਗਾਉਣ ਲਈ ਇੱਕ ਵੱਡੇ ਗਮਲੇ ਦੀ ਲੋੜ ਹੁੰਦੀ ਹੈ। ਪਾਣੀ ਦੀ ਨਿਕਾਸੀ ਲਈ ਗਮਲੇ ਵਿੱਚ ਛੇਕ ਹੋਣਾ ਜ਼ਰੂਰੀ ਹੈ। ਗਮਲੇ ਵਿੱਚ ਮਿੱਟੀ ਨੂੰ ਗਿੱਲਾ ਕਰ ਲਓ ਅਤੇ ਬੀਜਾਂ ਨੂੰ 1 ਸੈਂਟੀਮੀਟਰ ਡੂੰਘਾ ਬੀਜ ਦਿਓ। 20-30 ਸੈਂਟੀਮੀਟਰ ਦੀ ਦੂਰੀ 'ਤੇ ਬੀਜਾਂ ਨੂੰ ਬੀਜ ਦਿਓ।

ਮਹੀਨੇ ਵਿੱਚ ਇੱਕ ਵਾਰ ਡ੍ਰੈਗਨ ਫਰੂਟ ਦੇ ਪੌਦੇ ਨੂੰ ਖਾਦ ਦਿਓ। ਪੌਦੇ ਨੂੰ ਹਰ ਰੋਜ਼ ਘੱਟੋ-ਘੱਟ 6 ਘੰਟੇ ਧੁੱਪ ਵਿੱਚ ਰੱਖੋ। ਪੌਦੇ ਦੇ ਵਿਕਾਸ ਲਈ ਸੂਰਜ ਦੀ ਰੌਸ਼ਨੀ ਜ਼ਰੂਰੀ ਹੁੰਦੀ ਹੈ।

ਮਾਹਰਾਂ ਅਨੁਸਾਰ ਡ੍ਰੈਗਨ ਫਰੂਟ ਵਿਟਾਮਿਨ ਸੀ, ਏ ਅਤੇ ਬੀ ਦਾ ਚੰਗਾ ਸਰੋਤ ਹੈ। ਇਸ ਵਿਚ ਫਾਈਬਰ ਵੀ ਭਰਪੂਰ ਮਾਤਰਾ ਵਿਚ ਹੁੰਦਾ ਹੈ।

ਡ੍ਰੈਗਨ ਫਰੂਟ 'ਚ ਐਂਟੀਆਕਸੀਡੈਂਟ ਵੀ ਹੁੰਦੇ ਹਨ ਜੋ ਸਰੀਰ ਨੂੰ ਬਿਮਾਰੀਆਂ ਤੋਂ ਬਚਾਉਣ 'ਚ ਮਦਦ ਕਰਦੇ ਹਨ। ਇਹ ਫਲ ਦਿਲ ਲਈ ਵੀ ਚੰਗਾ ਹੈ।