ਕੁਰਸੀ, ਪੱਖਾ, ਕੱਪੜੇ, ਬੱਤਖਾਂ ਅਤੇ ਬੱਕਰੀਆਂ... ਜਦੋਂ ਸ਼ੇਖ ਹਸੀਨਾ ਦੇ ਘਰ ਦਾਖਲ ਹੋਏ ਪ੍ਰਦਰਸ਼ਨਕਾਰੀ, ਦੇਖੋ ਕੀ -ਕੀ ਲੁੱਟਿਆ?

ਵਧਦੇ ਹਿੰਸਕ ਪ੍ਰਦਰਸ਼ਨਾਂ ਦਰਮਿਆਨ ਬੰਗਲਾਦੇਸ਼ ਦੀ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਨੇ ਦੇਸ਼ ਛੱਡ ਦਿੱਤਾ ਹੈ। ਉਹ ਇਸ ਸਮੇਂ ਭਾਰਤ ਵਿੱਚ ਹੈ।

ਬੰਗਲਾਦੇਸ਼ 'ਚ ਹਾਲਾਤ ਇੰਨੇ ਬੇਕਾਬੂ ਹੋ ਗਏ ਹਨ ਕਿ ਪ੍ਰਦਰਸ਼ਨਕਾਰੀਆਂ ਦੀ ਭੀੜ ਨੇ ਪ੍ਰਧਾਨ ਮੰਤਰੀ ਦੀ ਰਿਹਾਇਸ਼ 'ਤੇ ਹੀ ਹਮਲਾ ਕਰ ਦਿੱਤਾ ਹੈ।

ਪ੍ਰਧਾਨ ਮੰਤਰੀ ਦੀ ਰਿਹਾਇਸ਼ 'ਤੇ ਦਰਸ਼ਨਕਾਰੀਆਂ ਵੱਲੋਂ ਲੁੱਟ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਈ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੈ।

ਉਨ੍ਹਾਂ ਨੇ ਇੱਥੋਂ ਕੁਰਸੀਆਂ, ਮੇਜ਼, ਸੋਫੇ, ਕੁਰਾਨ, ਦੀਵੇ, ਮਹਿੰਗੇ ਪੱਖੇ, ਫਰਨੀਚਰ, ਪਲਾਂਟ, ਆਰ.ਓ. ਪਿਊਰੀਫਾਇਰ, ਟੀ.ਵੀ., ਟਰਾਲੀ ਬੈਗ, ਏ.ਸੀ., ਗੱਦੇ ਤਕ ਲੁੱਟ ਲਏ ਹਨ।

ਕਈ ਨੇ ਸ਼ੇਖ ਹਸੀਨਾ ਦੇ ਕੱਪੜੇ ਅਤੇ ਨਿੱਜੀ ਸਮਾਨ ਵੀ ਚੋਰੀ ਕਰ ਲਿਆ। ਕਈ ਸ਼ਰਾਰਤੀ ਅਨਸਰ ਬਾਗ ਵਿੱਚੋਂ ਬੱਤਖਾਂ ਅਤੇ ਬੱਕਰੀਆਂ ਵੀ ਲੁੱਟ ਕੇ ਲਿਜਾ ਰਹੇ ਹਨ।

ਕੁਝ ਸ਼ੇਖ ਹਸੀਨਾ ਦੇ ਬੈੱਡ 'ਤੇ ਸ਼ੋਰ ਮਚਾ ਰਹੇ ਹਨ ਅਤੇ ਉਸ 'ਤੇ ਆਰਾਮ ਕਰ ਰਹੇ ਹਨ।ਇਸ ਦੌਰਾਨ ਅਵਾਮੀ ਲੀਗ ਦੇ ਕਈ ਸੰਸਦ ਮੈਂਬਰਾਂ ਅਤੇ ਮੰਤਰੀਆਂ ਦੇ ਘਰਾਂ, ਦਫਤਰਾਂ ਅਤੇ ਘਰਾਂ 'ਤੇ ਵੀ ਹਮਲੇ ਹੋਏ ਹਨ।