ਪੰਜਾਬ ਤੋਂ ਵੱਡੀ ਗਿਣਤੀ 'ਚ ਕਿਸਾਨ ਪਹੁੰਚੇ ਚੰਡੀਗੜ੍ਹ, ਤੋੜੀ ਬੈਰੀਕੇਡਿੰਗ, ਰਾਜ ਭਵਨ ਵੱਲ ਕਰ ਰਹੇ ਕੂਚ

ਗਵਰਨਰ ਨੂੰ ਮੰਗ ਪੱਤਰ ਸੌਂਪਣ ਲਈ ਪੰਜਾਬ ਤੋਂ ਵੱਡੀ ਗਿਣਤੀ 'ਚ ਕਿਸਾਨ ਚੰਡੀਗੜ੍ਹ ਦਾਖਿਲ ਹੋ ਗਏ ਹਨ।

ਪੰਜਾਬ ਤੋਂ ਕਿਸਾਨ ਮਾਰਚ ਕਰਦੇ ਹੋਏ ਮੋਹਾਲੀ ਵਲੋਂ ਚੰਡੀਗੜ੍ਹ ਆਏ ਹਨ।

ਕਿਸਾਨਾਂ ਨੇ ਪੁਲਿਸ ਵਲੋਂ ਲਗਾਈ ਗਈ ਬੈਰੀਕੇਡਿੰਗ ਤੋੜ ਦਿੱਤੀ ਹੈ।

ਹੁਣ ਕਿਸਾਨ ਰਾਜ ਭਵਨ ਵੱਲ ਵੱਧ ਰਹੇ ਹਨ।

ਕਿਸਾਨਾਂ ਨੇ ਚੰਡੀਗੜ੍ਹ ਪੁਲਿਸ ਦੀ ਬੈਰੀਕੇਡਿੰਗ ਤਹਿਸ-ਨਹਿਸ ਕਰ ਦਿੱਤੀ ਹੈ।

ਪੰਜਾਬ ਤੋਂ ਕਰੀਬ 8-10 ਹਜ਼ਾਰ ਕਿਸਾਨ ਚੰਡੀਗੜ੍ਹ ਵੱਲ ਮਾਰਚ ਕਰਦੇ ਹੋਏ ਪਹੁੰਚੇ ਹਨ।

ਕਿਸਾਨੀ ਅੰਦੋਲਨ ਦੇ ਸੱਤ ਮਹੀਨੇ ਪੂਰੇ ਹੋਣ 'ਤੇ ਕਿਸਾਨ ਅੱਜ ਦੇਸ਼ ਭਰ ਦੇ ਰਾਜ ਭਵਨਾਂ ਦੇ ਬਾਹਰ ਪ੍ਰਦਰਸ਼ਨ ਕਰਨਗੇ ਅਤੇ ਰਾਸ਼ਟਰਪਤੀ ਨੂੰ ਮੰਗ ਪੱਤਰ ਸੌਂਪਣਗੇ।