Travis Head: ਟ੍ਰੈਵਿਸ ਹੈੱਡ ਦੀ ਦੀਵਾਨੀ ਹੋਈ ਬੰਗਾਲੀ ਮਾਡਲ, ਕ੍ਰਿਕਟਰ ਦੀ ਫੋਟੋ ਸਾਹਮਣੇ ਰੱਖ ਰਚਾਇਆ ਵਿਆਹ

Bengali Model: ਸੋਸ਼ਲ ਮੀਡੀਆ ਤੇ ਮੰਗਲਵਾਰ (21 ਨਵੰਬਰ) ਤੋਂ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਚ ਇਕ ਬੰਗਾਲੀ ਮਾਡਲ ਵਰਲਡ ਕੱਪ 2023 ਦੇ ਫਾਈਨਲ ਦੇ ਪਲੇਅਰ ਆਫ ਦ ਮੈਚ ਟ੍ਰੈਵਿਸ ਹੈੱਡ ਨਾਲ ਵਿਆਹ ਕਰਦੀ ਨਜ਼ਰ ਆ ਰਹੀ ਹੈ।

Bengali Model on Travis head

ਉਹ ਟਰੈਵਿਸ ਹੈੱਡ ਦੀ ਤਸਵੀਰ ਨੂੰ ਸਾਹਮਣੇ ਰੱਖ ਕੇ ਇਸ ਵਿਆਹ ਕਰਦੀ ਨਜ਼ਰ ਆ ਰਹੀ ਹੈ। ਮਾਡਲ ਨੇ ਇਹ ਵੀਡੀਓ ਮਜ਼ਾਕੀਆ ਢੰਗ ਨਾਲ ਬਣਾਈ ਸੀ ਪਰ ਹੁਣ ਉਸ ਨੂੰ ਸੋਸ਼ਲ ਮੀਡੀਆ 'ਤੇ ਭੱਦੀਆਂ ਟਿੱਪਣੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਮਾਡਲ ਦਾ ਨਾਮ ਹੇਮਾਸ਼੍ਰੀ ਹੈ। ਵਿਸ਼ਵ ਕੱਪ ਫਾਈਨਲ ਤੋਂ ਦੋ ਦਿਨ ਬਾਅਦ ਉਸ ਨੇ ਇਹ ਵੀਡੀਓ ਬਣਾਈ ਸੀ।

ਇਸ ਵੀਡੀਓ 'ਚ ਬੈਕਗ੍ਰਾਊਂਡ 'ਚ ਦੋ ਔਰਤਾਂ ਵੀ ਨਜ਼ਰ ਆ ਰਹੀਆਂ ਹਨ, ਜੋ ਬੰਗਾਲੀ ਵਿਆਹ 'ਚ ਜ਼ਰੂਰੀ ਰਸਮਾਂ ਨਿਭਾਉਂਦੀਆਂ ਦਿਖਾਈ ਦੇ ਰਹੀਆਂ ਹਨ।

ਇਸ ਦੌਰਾਨ ਹੇਮਾਸ਼੍ਰੀ ਦੀ ਮਾਂਗ 'ਚ ਸਿੰਦੂਰ ਵੀ ਨਜ਼ਰ ਆ ਰਿਹਾ ਹੈ। ਉਹ ਕਹਿ ਰਹੀ ਹੈ, 'ਟ੍ਰੈਵਿਸ ਹੈੱਡ ਦੇ ਨਾਂ 'ਤੇ ਮੈਂ ਆਪਣੇ ਸਿਰ 'ਤੇ ਸਿੰਦੂਰ ਲਗਾਇਆ ਹੈ। ਜਿੰਨਾ ਜ਼ਿਆਦਾ ਮੈਂ ਇਸ ਮੁੰਡੇ ਬਾਰੇ ਸੋਚਦੀ ਹਾਂ, ਮੇਰੇ ਚਿਹਰੇ ਦੀ ਲਾਲੀ ਓਨੀ ਹੀ ਵਧਦੀ ਜਾਂਦੀ ਹੈ। ਕਾਸ਼ ਉਹ ਮੋਰਾ ਸਾਮੀ ਬਣ ਜਾਵੇ।

ਹੇਮਾਸ਼੍ਰੀ ਆਪਣੇ ਇੰਸਟਾ ਅਕਾਊਂਟ 'ਤੇ ਖੁਦ ਨੂੰ ਲੇਖਕ, ਮਾਡਲ, ਅਭਿਨੇਤਰੀ ਅਤੇ ਯੂਟਿਊਬਰ ਵਜੋਂ ਲਿਖਦੀ ਹੈ। ਉਨ੍ਹਾਂ ਦੇ 7 ਲੱਖ ਤੋਂ ਵੱਧ ਫਾਲੋਅਰਜ਼ ਹਨ। ਉਹ ਸੋਸ਼ਲ ਮੀਡੀਆ 'ਤੇ ਅਜਿਹੇ ਮਜ਼ਾਕੀਆ ਵੀਡੀਓਜ਼ ਪੋਸਟ ਕਰਦੀ ਰਹਿੰਦੀ ਹੈ।

ਆਸਟ੍ਰੇਲੀਆਈ ਸਲਾਮੀ ਬੱਲੇਬਾਜ਼ ਟ੍ਰੈਵਿਸ ਹੈੱਡ ਨੇ ਆਪਣੀ ਤੂਫਾਨੀ ਪਾਰੀ ਨਾਲ ਟੀਮ ਇੰਡੀਆ ਦਾ ਵਿਸ਼ਵ ਕੱਪ ਜਿੱਤਣ ਦਾ ਸੁਪਨਾ ਤੋੜ ਦਿੱਤਾ ਸੀ। ਉਸ ਨੇ 120 ਗੇਂਦਾਂ 'ਤੇ 137 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਉਸ ਨੇ ਇਹ ਪਾਰੀ ਉਦੋਂ ਖੇਡੀ ਜਦੋਂ ਆਸਟਰੇਲੀਆਈ ਟੀਮ 50 ਦੌੜਾਂ ਦੇ ਅੰਦਰ ਆਪਣੀਆਂ ਤਿੰਨ ਵੱਡੀਆਂ ਵਿਕਟਾਂ ਗੁਆ ਚੁੱਕੀ ਸੀ। ਉਸ ਨੇ ਮਾਰਨਸ ਲਾਬੂਸ਼ੇਨ ਦੇ ਨਾਲ 192 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਆਸਟ੍ਰੇਲੀਆ ਨੂੰ ਆਸਾਨ ਜਿੱਤ ਦਿਵਾਈ। ਇਸ ਦੇ ਨਾਲ ਹੀ ਉਸ ਨੇ ਪਹਿਲੀ ਪਾਰੀ ਵਿੱਚ ਰੋਹਿਤ ਸ਼ਰਮਾ ਦਾ ਇੱਕ ਸ਼ਾਨਦਾਰ ਕੈਚ ਵੀ ਫੜਿਆ, ਜਿਸ ਨੂੰ ਮੈਚ ਦਾ ਟਰਨਿੰਗ ਪੁਆਇੰਟ ਵੀ ਮੰਨਿਆ ਜਾ ਰਿਹਾ ਹੈ।