WC 2023: ਬਾਬਰ ਆਜ਼ਮ ਨੇ ਵਿਸ਼ਵ ਕੱਪ 2019 ਤੋਂ ਬਾਅਦ ਬਣਾਏ ਸਭ ਤੋਂ ਵੱਧ ਵਨਡੇ ਸੈਂਕੜੇ , ਵੇਖੋ ਟਾਪ-5 ਸੂਚੀ

ਵਿਸ਼ਵ ਕੱਪ 2019 ਤੋਂ ਬਾਅਦ ਸਭ ਤੋਂ ਵੱਧ ਵਨਡੇ ਸੈਂਕੜੇ ਲਗਾਉਣ ਵਾਲਿਆਂ ਵਿੱਚ ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ ਦਾ ਨਾਂ ਸਭ ਤੋਂ ਪਹਿਲਾਂ ਹੈ। ਬਾਬਰ ਨੇ ਪਿਛਲੇ 4 ਸਾਲਾਂ 'ਚ 36 ਵਨਡੇ ਮੈਚਾਂ 'ਚ 9 ਸੈਂਕੜੇ ਜੜੇ ਹਨ।

ਵੈਸਟਇੰਡੀਜ਼ ਦੇ ਸ਼ਾਈ ਹੋਪ ਨੇ ਵੀ ਪਿਛਲੇ 4 ਸਾਲਾਂ 'ਚ 9 ਸੈਂਕੜੇ ਲਗਾਏ ਹਨ। ਅਜਿਹੇ 'ਚ ਉਹ ਵੀ ਬਾਬਰ ਆਜ਼ਮ ਦੇ ਨਾਲ ਇਸ ਲਿਸਟ 'ਚ ਟਾਪ 'ਤੇ ਹਨ।

ਪਾਕਿਸਤਾਨੀ ਬੱਲੇਬਾਜ਼ ਫਖਰ ਜ਼ਮਾਨ ਇਸ ਸੂਚੀ 'ਚ ਤੀਜੇ ਸਥਾਨ 'ਤੇ ਹਨ। ਉਸਨੇ ਵਿਸ਼ਵ ਕੱਪ 2019 ਤੋਂ ਬਾਅਦ 34 ਵਨਡੇ ਮੈਚਾਂ ਵਿੱਚ 6 ਸੈਂਕੜੇ ਲਗਾਏ ਹਨ।

ਵਿਰਾਟ ਕੋਹਲੀ ਵੀ ਇੱਥੇ ਫਖਰ ਜ਼ਮਾਨ ਦੇ ਬਰਾਬਰ ਖੜ੍ਹਾ ਹੈ। ਵਿਰਾਟ ਨੇ ਪਿਛਲੇ ਚਾਰ ਸਾਲਾਂ 'ਚ 45 ਵਨਡੇ ਮੈਚ ਖੇਡੇ ਹਨ ਅਤੇ 6 ਸੈਂਕੜੇ ਲਗਾਏ ਹਨ।

ਨੌਜਵਾਨ ਭਾਰਤੀ ਸਟਾਰ ਸ਼ੁਭਮਨ ਗਿੱਲ ਵੀ ਇੱਥੇ ਪਿੱਛੇ ਨਹੀਂ ਹਨ। ਉਸ ਨੇ ਪਿਛਲੇ ਚਾਰ ਸਾਲਾਂ 'ਚ 33 ਵਨਡੇ ਮੈਚਾਂ 'ਚ ਖੇਡਦੇ ਹੋਏ 6 ਸੈਂਕੜੇ ਵੀ ਲਗਾਏ ਹਨ।