Virat Kohli: ਵਿਰਾਟ ਕੋਹਲੀ ਦੇ ਹੇਅਰਕੱਟ ਦੀ ਲੱਖਾਂ 'ਚ ਕੀਮਤ, ਹੇਅਰ ਸਟਾਈਲਿਸਟ ਆਲੀਮ ਹਕੀਮ ਨੇ ਕੀਤਾ ਖੁਲਾਸਾ

ਦਿੱਗਜ ਕ੍ਰਿਕਟਰ ਅਕਸਰ ਆਪਣੀ ਪੇਸ਼ੇਵਰ ਅਤੇ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਸੁਰਖੀਆਂ 'ਚ ਰਹਿੰਦੇ ਹਨ। ਦੋ ਬੱਚਿਆਂ ਦੇ ਪਿਤਾ ਨੇ ਹਾਲ ਹੀ ਵਿੱਚ ਆਪਣੇ ਵਾਲਾਂ ਦੇ ਸਟਾਈਲ ਅਤੇ ਆਪਣੀਆਂ ਭਰਵੀਆਂ 'ਤੇ ਕੱਟ ਦੇ ਕਾਰਨ ਇੰਟਰਨੈਟ ਉੱਪਰ ਤਹਿਲਕਾ ਮਚਾ ਦਿੱਤਾ ਹੈ। ਹੁਣ ਉਨ੍ਹਾਂ ਨੇ ਇਹ ਲੁੱਕ ਦੇਣ ਵਾਲੇ ਮਸ਼ਹੂਰ ਹੇਅਰ ਸਟਾਈਲਿਸਟ ਬਾਰੇ ਅਤੇ ਇਸ ਕੱਟ ਦੀ ਕੀਮਤ ਬਾਰੇ ਗੱਲ ਕੀਤੀ ਹੈ।

ਹਾਲ ਹੀ 'ਚ ਆਪਣੇ ਇਕ ਇੰਟਰਵਿਊ 'ਚ ਆਲੀਮ ਹਕੀਮ ਤੋਂ ਪੁੱਛਿਆ ਗਿਆ ਸੀ ਕਿ ਉਨ੍ਹਾਂ ਨੇ ਆਪਣੇ ਹਾਲੀਆ ਲੁੱਕ ਲਈ ਵਿਰਾਟ ਕੋਹਲੀ ਤੋਂ ਕਿੰਨੀ ਫੀਸ ਲਈ ਹੈ। ਹੇਅਰ ਸਟਾਈਲਿਸਟ ਨੇ ਸਿੱਧੇ ਤੌਰ 'ਤੇ ਇਸ ਦਾ ਖੁਲਾਸਾ ਨਹੀਂ ਕੀਤਾ ਪਰ ਅੰਦਾਜ਼ਾ ਲਗਾਉਂਦੇ ਹੋਏ ਕਿਹਾ ਕਿ ਉਨ੍ਹਾਂ ਦੇ ਪੈਕੇਜ 100 ਰੁਪਏ ਤੋਂ ਸ਼ੁਰੂ ਹੁੰਦੇ ਹਨ ਅਤੇ 1 ਲੱਖ ਰੁਪਏ ਤੱਕ ਜਾਂਦੇ ਹਨ। ਉਨ੍ਹਾਂ ਕਿਹਾ ਕਿ ਮਹਿੰਦਰ ਸਿੰਘ ਧੋਨੀ ਅਤੇ ਵਿਰਾਟ ਕੋਹਲੀ ਉਸ ਦੇ ਪੁਰਾਣੇ ਦੋਸਤ ਹਨ, ਜੋ ਲੰਬੇ ਸਮੇਂ ਤੋਂ ਵਾਲ ਕਟਵਾਉਣ ਲਈ ਆਉਂਦੇ ਰਹੇ ਹਨ।

ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ “ਮੇਰੀ ਫੀਸ ਬਹੁਤ ਸਾਧਾਰਨ ਹੈ ਅਤੇ ਹਰ ਕੋਈ ਜਾਣਦਾ ਹੈ ਕਿ ਮੈਂ ਕਿੰਨੀ ਫੀਸ ਲੈਂਦਾ ਹਾਂ। ਇਸ ਲਈ ਇਹ 100 ਰੁਪਏ ਤੋਂ ਲੈ ਕੇ 1 ਲੱਖ ਰੁਪਏ ਤੱਕ ਹੈ। ਮਾਹੀ ਸਰ ਅਤੇ ਵਿਰਾਟ, ਉਹ ਬਹੁਤ ਪੁਰਾਣੇ ਦੋਸਤ ਹਨ ਅਤੇ ਉਹ ਲੰਬੇ ਸਮੇਂ ਤੋਂ ਮੇਰੇ ਕੋਲ ਵਾਲ ਕਟਵਾਉਣ ਲਈ ਆ ਰਹੇ ਹਨ।

ਹੇਅਰ ਸਟਾਈਲਿਸਟ ਨੇ ਅੱਗੇ ਖੁਲਾਸਾ ਕੀਤਾ ਕਿ ਇਸ ਵਾਰ ਉਨ੍ਹਾਂ ਨੇ ਇੱਕ ਕੂਲ ਸਟਾਈਲ ਅਪਣਾਉਣ ਦਾ ਫੈਸਲਾ ਕੀਤਾ ਅਤੇ ਉਸਦੀਆਂ ਆਈਬ੍ਰੋਜ਼ 'ਤੇ ਕੱਟ ਲਗਾਇਆ ਅਤੇ ਸਾਈਡਾਂ ਨੂੰ ਮਾਮੂਲੀ ਫੇਡ ਨਾਲ ਰੱਖਿਆ।

ਉਨ੍ਹਾਂ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਉਨ੍ਹਾਂ ਨੇ ਵਿਰਾਟ ਦੇ ਵਾਲਾਂ ਨੂੰ ਥੋੜ੍ਹਾ ਜਿਹਾ ਕਲਰ ਦਿੱਤਾ ਸੀ। ਆਲਿਮ ਨੇ ਇਹ ਵੀ ਦੱਸਿਆ ਕਿ ਜਿਵੇਂ ਹੀ ਉਨ੍ਹਾਂ ਨੇ ਵਿਰਾਟ ਦੀ ਫੋਟੋ ਪੋਸਟ ਕੀਤੀ ਉਹ ਵਾਇਰਲ ਹੋ ਗਈ।

“ਇਸ ਲਈ ਅਸੀਂ ਹਰ ਸਮੇਂ ਗੱਲਬਾਤ ਕਰਦੇ ਰਹਿੰਦੇ ਹਾਂ ਕਿ ਅਗਲੀ ਦਿੱਖ ਕੀ ਹੋਣੀ ਚਾਹੀਦੀ ਹੈ। ਇਸ ਵਾਰ ਅਸੀਂ ਸੱਚਮੁੱਚ ਕੁਝ ਵਧੀਆ ਕਰਨ ਦਾ ਫੈਸਲਾ ਕੀਤਾ। ਅਸੀਂ ਉਸਦੇ ਭਰਵੱਟਿਆਂ ਵਿੱਚ ਇੱਕ ਕੱਟ ਲਗਾਇਆ ਅਤੇ ਕਿਨਾਰਿਆਂ ਨੂੰ ਥੋੜਾ ਜਿਹਾ ਮੂਲੇਟ ਰੱਖਿਆ, ਟੈਕਸਟ ਦੇਖਿਆ ਜਾ ਸਕਦਾ ਹੈ ਅਤੇ ਹਾਂ, ਅਤੇ ਅਸੀ ਵਾਲਾਂ ਵਿੱਚ ਥੋੜਾ ਜਿਹਾ ਕਲਰ ਵੀ ਕੀਤਾ ਸੀ, ਇਸ ਲਈ ਜਦੋਂ ਮੈਂ ਤਸਵੀਰ ਪੋਸਟ ਕੀਤੀ, ਤਾਂ ਇਸਨੇ ਸੱਚਮੁੱਚ ਇੰਟਰਨੈਟ ਉੱਪਰ ਤਹਿਲਕਾ ਮਚਾ ਦਿੱਤਾ ਅਤੇ ਮੇਰੀ ਪੋਸਟ 'ਤੇ ਜਿੰਨੇ ਸ਼ੇਅਰ ਅਤੇ ਲਾਈਕਸ ਮਿਲੇ ਉਹ ਪਾਗਲਪਨ ਸੀ।'