KL Rahul: ਕੇਐਲ ਰਾਹੁਲ ਲਈ ਕਿਉਂ ਪਰੇਸ਼ਾਨ ਹੋਇਆ ਸਹੁਰਾ ਸੁਨੀਲ ਸ਼ੈੱਟੀ ? ਬਾਲੀਵੁੱਡ Anna ਨੇ ਕੀਤਾ ਖੁਲਾਸਾ

ਆਥੀਆ ਦੇ ਨਾਲ-ਨਾਲ ਸੁਨੀਲ ਸ਼ੈੱਟੀ ਵੀ ਆਪਣੇ ਜਵਾਈ ਨੂੰ ਪਿਆਰ ਕਰਦੇ ਹਨ। ਸਹੁਰਾ ਅਤੇ ਜਵਾਈ ਇੱਕ ਦੂਜੇ ਨਾਲ ਬਹੁਤ ਵਧੀਆ ਬੌਡਿੰਗ ਸ਼ੇਅਰ ਕਰਦੇ ਹਨ। ਹੁਣ ਬਾਲੀਵੁੱਡ ਅਦਾਕਾਰ ਨੇ ਇਸ ਦਾ ਸਬੂਤ ਵੀ ਦਿੱਤਾ ਹੈ।

ਸੁਨੀਲ ਸ਼ੈੱਟੀ ਨੇ ਆਪਣੇ ਜਵਾਈ ਬਾਰੇ ਚਿੰਤਾ ਜ਼ਾਹਰ ਕਰਦਿਆਂ ਕਿਹਾ ਕਿ ਜੇਕਰ ਕੋਈ ਰਾਹੁਲ ਨੂੰ ਟ੍ਰੋਲ ਕਰਦਾ ਹੈ ਤਾਂ ਉਸ ਨੂੰ ਬਹੁਤ ਬੁਰਾ ਲੱਗਦਾ ਹੈ। ਜੀ ਹਾਂ, ਹਾਲ ਹੀ ਵਿੱਚ ਏਐਨਆਈ ਨਾਲ

ਇੱਕ ਇੰਟਰਵਿਊ ਦੌਰਾਨ, ਉਸਨੇ ਕਿਹਾ ਕਿ 'ਮੈਨੂੰ ਰਾਹੁਲ ਅਤੇ ਆਥੀਆ ਤੋਂ ਵੱਧ ਦਰਦ ਮਹਿਸੂਸ ਹੁੰਦਾ ਹੈ ਜਦੋਂ ਕੋਈ ਰਾਹੁਲ ਬਾਰੇ ਬੁਰਾ ਬੋਲਦਾ ਹੈ। ਪਰ ਰਾਹੁਲ ਹਮੇਸ਼ਾ ਮੈਨੂੰ ਸਮਝਾਉਂਦੇ ਹਨ ਅਤੇ ਕਹਿੰਦੇ ਹਨ ਕਿ ਪਾਪਾ, ਇਨ੍ਹਾਂ ਸਾਰੀਆਂ ਗੱਲਾਂ ਨੂੰ ਦਿਲ 'ਤੇ ਨਾ ਲਓ। ਮੇਰਾ ਬੱਲਾ ਬੋਲੇਗਾ।

ਸੁਨੀਲ ਸ਼ੈੱਟੀ ਨੇ ਅੱਗੇ ਕਿਹਾ, 'ਮੈਂ ਕ੍ਰਿਕਟ ਬਾਰੇ ਬਹੁਤ ਮਾਹਰ ਹਾਂ। ਰਾਹੁਲ ਜਦੋਂ ਵੀ ਮੈਦਾਨ 'ਤੇ ਆਉਂਦਾ ਹੈ ਤਾਂ ਮੈਂ ਬਹੁਤ ਘਬਰਾ ਜਾਂਦਾ ਹਾਂ। ਆਖਿਰ ਉਹ ਮੇਰਾ ਬੱਚਾ ਹੈ।

ਮੈਂ ਹਮੇਸ਼ਾ ਚਾਹੁੰਦਾ ਹਾਂ ਕਿ ਉਹ ਜਿੱਤੇ। ਜਦੋਂ ਮੈਂ ਉਸ ਦੀਆਂ ਅੱਖਾਂ ਵਿੱਚ ਦੇਖਦਾ ਹਾਂ, ਮੈਨੂੰ ਅਹਿਸਾਸ ਹੁੰਦਾ ਹੈ ਕਿ ਇਹ ਕਿੰਨੀ ਵੱਡੀ ਚੀਜ਼ ਹੈ।

ਅਭਿਨੇਤਾ ਦਾ ਕਹਿਣਾ ਹੈ ਕਿ 'ਜੇਕਰ ਤੁਹਾਡਾ ਬੱਚਾ ਚੰਗਾ ਪ੍ਰਦਰਸ਼ਨ ਨਹੀਂ ਕਰ ਪਾਉਂਦਾ ਹੈ, ਤਾਂ ਤੁਸੀਂ ਅੰਦਰੋਂ ਚਿੰਤਤ ਹੋ ਜਾਂਦੇ ਹੋ। ਮੈਂ ਜਾਣਦਾ ਹਾਂ ਕਿ ਰਾਹੁਲ ਪੂਰੀ ਦੁਨੀਆ ਲਈ ਮਹਾਨ ਖਿਡਾਰੀ ਹੈ, ਪਰ ਮੈਂ ਉਨ੍ਹਾਂ ਨੂੰ ਆਪਣੇ ਬੱਚੇ ਦੇ ਰੂਪ 'ਚ ਦੇਖਦਾ ਹਾਂ।