ਰਵਿੰਦਰ ਜਡੇਜਾ ਆਪਣੇ ਹਮਸ਼ਕਲ ਦੇਖ ਕੇ ਰਹਿ ਗਏ ਹੈਰਾਨ, ਜੈਦੇਵ ਉਨਾਦਕਟ ਨੇ ਫੋਟੋ ਕੀਤੀ ਸ਼ੇਅਰ

ਤੇਜ਼ ਗੇਂਦਬਾਜ਼ ਜੈਦੇਵ ਉਨਾਦਕਟ ਨੇ ਸੋਸ਼ਲ ਮੀਡੀਆ 'ਤੇ ਰਵਿੰਦਰ ਜਡੇਜਾ ਵਰਗੇ ਦਿਖਣ ਵਾਲੇ ਖਿਡਾਰੀ ਦੀ ਤਸਵੀਰ ਸ਼ੇਅਰ ਕਰਕੇ ਪੂਰੇ ਦੇਸ਼ ਨੂੰ ਹੈਰਾਨ ਕਰ ਦਿੱਤਾ ਹੈ। ਰੈਸਟ ਆਫ ਇੰਡੀਆ ਖਿਲਾਫ ਇਰਾਨੀ ਕੱਪ 2022 'ਚ ਸੌਰਾਸ਼ਟਰ ਟੀਮ ਲਈ ਖੇਡ ਰਹੇ ਉਨਾਦਕਟ ਨੇ ਆਪਣੇ ਇਕ ਸਾਥੀ ਦੀ ਤਸਵੀਰ ਸਾਂਝੀ ਕੀਤੀ, ਜੋ ਬਿਲਕੁਲ ਜਡੇਜਾ ਵਰਗੀ ਲੱਗ ਰਹੀ ਹੈ।

ਸੌਰਾਸ਼ਟਰ ਕ੍ਰਿਕਟ ਟੀਮ ਦੇ ਕਪਤਾਨ ਜੈਦੇਵ ਨੇ ਹਾਲ ਹੀ 'ਚ ਸੋਸ਼ਲ ਮੀਡੀਆ 'ਤੇ ਰਵਿੰਦਰ ਜਡੇਜਾ ਵਰਗੇ ਦਿਖਣ ਵਾਲੇ ਕ੍ਰਿਕਟਰ ਦੀ ਤਸਵੀਰ ਸ਼ੇਅਰ ਕੀਤੀ ਹੈ। ਇਸ ਫੋਟੋ ਨੂੰ ਦੇਖ ਭਾਰਤੀ ਆਲਰਾਊਂਡਰ ਖਿਡਾਰੀ ਜਡੇਜਾ ਨੂੰ ਕਾਫੀ ਹੈਰਾਨ ਹੋਏ। ਉਨਾਦਕਟ ਨੇ ਇਰਾਨੀ ਕੱਪ 2022 ਦੇ ਮੈਚ ਦੌਰਾਨ ਆਪਣੇ ਅਧਿਕਾਰਤ ਟਵਿੱਟਰ ਹੈਂਡਲ ਤੋਂ ਇੱਕ ਤਸਵੀਰ ਸਾਂਝੀ ਕੀਤੀ। ਇਸ ਤਸਵੀਰ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਗਿਆ ਕਿਉਂਕਿ ਉਨਾਦਕਟ ਨੇ ਜਿਸ ਬੱਲੇਬਾਜ਼ ਦੀ ਤਸਵੀਰ ਸ਼ੇਅਰ ਕੀਤੀ ਸੀ, ਉਹ ਬਿਲਕੁਲ ਰਵਿੰਦਰ ਜਡੇਜਾ ਵਰਗਾ ਲੱਗ ਰਿਹਾ ਸੀ।

ਜੈਦੇਵ ਉਨਾਦਕਟ ਨੇ ਜਿਸ ਖਿਡਾਰੀ ਦੀ ਤਸਵੀਰ ਸ਼ੇਅਰ ਕੀਤੀ ਹੈ, ਉਸ ਦਾ ਨਾਂ ਪ੍ਰੇਰਕ ਮਾਂਕਡ ਹੈ। ਮੈਚ ਦੌਰਾਨ ਪ੍ਰੇਰਕ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਉਨਾਦਕਟ ਨੇ ਲਿਖਿਆ, ''ਟੀਮ 'ਚ ਜੱਡੂ ਨੂੰ ਲੈ ਕੇ ਖੁਸ਼ੀ ਹੋਈ...'' ਉਨਾਦਕਟ ਦੇ ਟਵੀਟ ਦਾ ਜਵਾਬ ਦਿੰਦੇ ਹੋਏ ਰਵਿੰਦਰ ਜਡੇਜਾ ਨੇ ਲਿਖਿਆ, ''ਹਾਹਾਹਾ... ਹੈ।''

ਸੌਰਾਸ਼ਟਰ ਦੇ ਉੱਭਰਦੇ ਸਟਾਰ ਪ੍ਰੇਰਕ ਮਾਂਕਡ ਨੇ ਇਸ ਸਾਲ ਦੇ ਸ਼ੁਰੂ ਵਿੱਚ ਪੰਜਾਬ ਕਿੰਗਜ਼ ਨਾਲ ਆਪਣਾ ਆਈਪੀਐਲ ਡੈਬਿਊ ਕੀਤਾ ਸੀ। IPL ਦੌਰਾਨ ਪ੍ਰੇਰਕ ਨੇ ਆਪਣੇ ਇੰਸਟਾਗ੍ਰਾਮ ਤੋਂ ਜਡੇਜਾ ਨਾਲ ਆਪਣੀ ਇਕ ਤਸਵੀਰ ਸ਼ੇਅਰ ਕੀਤੀ ਸੀ। ਇਸ ਤਸਵੀਰ 'ਚ ਵੀ ਜਡੇਜਾ ਅਤੇ ਪ੍ਰੇਰਕ ਕਾਫੀ ਮਿਲਦੇ-ਜੁਲਦੇ ਨਜ਼ਰ ਆ ਰਹੇ ਹਨ।

23 ਅਪ੍ਰੈਲ 1994 ਨੂੰ ਸਿਰੋਹੀ, ਸੌਰਾਸ਼ਟਰ ਵਿੱਚ ਜਨਮੇ ਪ੍ਰੇਰਕ ਮਾਂਕੜ ਜਡੇਜਾ ਵਾਂਗ ਇੱਕ ਆਲਰਾਊਂਡਰ ਹਨ। ਮਾਂਕੜ ਰਵਿੰਦਰ ਜਡੇਜਾ ਨੂੰ ਸਰਵਸ਼੍ਰੇਸ਼ਠ ਆਲਰਾਊਂਡਰ ਖਿਡਾਰੀ ਮੰਨਦੇ ਹਨ ਅਤੇ ਉਨ੍ਹਾਂ ਵਾਂਗ ਖੇਡਣਾ ਚਾਹੁੰਦੇ ਹਨ। ਪ੍ਰੇਰਕ ਨੇ ਆਈਪੀਐਲ ਵਿੱਚ ਪੰਜਾਬ ਲਈ ਸਿਰਫ਼ ਇੱਕ ਮੈਚ ਖੇਡਿਆ ਹੈ ਅਤੇ ਨਾਬਾਦ 4 ਦੌੜਾਂ ਬਣਾਈਆਂ ਹਨ। ਉਸ ਨੇ 35 ਟੀ-20 ਮੈਚਾਂ 'ਚ 767 ਦੌੜਾਂ ਬਣਾਈਆਂ ਹਨ ਅਤੇ 10 ਵਿਕਟਾਂ ਲਈਆਂ ਹਨ।

28 ਸਾਲਾ ਪ੍ਰੇਰਕ ਮਾਂਕਡ ਨੇ ਆਪਣੇ ਪਹਿਲੇ ਦਰਜੇ ਅਤੇ ਲਿਸਟ ਏ ਕਰੀਅਰ ਵਿੱਚ ਚਾਰ ਸੈਂਕੜੇ ਅਤੇ 19 ਅਰਧ ਸੈਂਕੜੇ ਲਾਏ ਹਨ। ਉਸਨੇ ਈਰਾਨੀ ਟਰਾਫੀ 2022 ਵਿੱਚ ਸੋਮਵਾਰ ਨੂੰ ਬਾਕੀ ਭਾਰਤ ਦੇ ਖਿਲਾਫ਼ ਦੂਜੀ ਪਾਰੀ ਵਿੱਚ 72 ਦੌੜਾਂ ਬਣਾਈਆਂ। ਪ੍ਰੇਰਕ ਨੇ ਹੁਣ ਤੱਕ 36 ਪਹਿਲੀ ਸ਼੍ਰੇਣੀ ਮੈਚਾਂ ਵਿੱਚ 33.38 ਦੀ ਔਸਤ ਨਾਲ 1669 ਦੌੜਾਂ ਬਣਾਈਆਂ ਹਨ। ਉਸ ਨੇ 43 ਲਿਸਟ ਏ ਮੈਚਾਂ ਵਿੱਚ 39.79 ਦੀ ਔਸਤ ਨਾਲ 1353 ਦੌੜਾਂ ਬਣਾਈਆਂ ਹਨ। ਇਸ ਦੇ ਨਾਲ ਹੀ ਪ੍ਰੇਰਕ ਨੇ ਫਸਟ ਕਲਾਸ ਵਿੱਚ 35 ਅਤੇ ਲਿਸਟ ਏ ਵਿੱਚ 30 ਵਿਕਟਾਂ ਲਈਆਂ ਹਨ।