Champions Trophy 2025: ਦੁਬਈ 'ਚ ਪਾਕਿਸਤਾਨ ਖ਼ਿਲਾਫ਼ ਸੈਂਕੜਾ ਜੜੇਗਾ ਵਿਰਾਟ ਕੋਹਲੀ' ਮੈਚ ਤੋਂ ਪਹਿਲਾਂ ਹੋ ਗਈ ਭਵਿੱਖਬਾਣੀ !
ਭਾਰਤ ਤੇ ਪਾਕਿਸਤਾਨ ਵਿਚਾਲੇ ਮੈਚ ਐਤਵਾਰ ਨੂੰ ਖੇਡਿਆ ਜਾਣਾ ਹੈ। ਇਸ ਤੋਂ ਪਹਿਲਾਂ ਸਾਬਕਾ ਭਾਰਤੀ ਖਿਡਾਰੀ ਹਰਭਜਨ ਸਿੰਘ ਨੇ ਭਵਿੱਖਬਾਣੀ ਕੀਤੀ ਹੈ ਕਿ ਵਿਰਾਟ ਕੋਹਲੀ ਪਾਕਿਸਤਾਨ ਵਿਰੁੱਧ ਸੈਂਕੜਾ ਲਗਾਏਗਾ।
Download ABP Live App and Watch All Latest Videos
View In App
'ਇੰਡੀਆ ਟੂਡੇ' ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਹਰਭਜਨ ਦਾ ਮੰਨਣਾ ਹੈ ਕਿ ਪਿਛਲੇ ਚਾਰ ਮਹੀਨੇ ਕੋਹਲੀ ਲਈ ਭਾਵੇਂ ਕਿਹੋ ਜਿਹੇ ਵੀ ਰਹੇ ਹੋਣ, ਜੇ ਉਹ ਪਾਕਿਸਤਾਨ ਦੇ ਖਿਲਾਫ ਸੈਂਕੜਾ ਲਗਾਉਂਦਾ ਹੈ, ਤਾਂ ਇਹੀ ਗੱਲ ਹਰ ਕੋਈ ਯਾਦ ਰੱਖੇਗਾ।
ਹਰਭਜਨ ਨੇ ਕਿਹਾ ਕਿ ਪੂਰਾ ਦੇਸ਼ ਕੋਹਲੀ ਦੇ ਪਿੱਛੇ ਖੜ੍ਹਾ ਹੈ ਤੇ ਉਨ੍ਹਾਂ ਨੂੰ ਉਮੀਦ ਹੈ ਕਿ ਕੋਹਲੀ ਇਸ ਮੈਚ ਵਿੱਚ ਆਪਣੇ ਵਨਡੇ ਕਰੀਅਰ ਦਾ 51ਵਾਂ ਸੈਂਕੜਾ ਲਗਾਉਣਗੇ।
ਹਰਭਜਨ ਨੇ ਕਿਹਾ ਕਿ ਜੇ ਕੋਹਲੀ ਸੈਂਕੜਾ ਲਗਾਉਂਦਾ ਹੈ ਤਾਂ ਉਹ ਮੈਚ ਤੋਂ ਬਾਅਦ ਭੰਗੜਾ ਕਰੇਗਾ। ਉਸਦਾ ਮੰਨਣਾ ਹੈ ਕਿ ਕੋਹਲੀ ਆਪਣੀ ਭੂਮਿਕਾ ਨੂੰ ਜਾਣਦਾ ਹੈ ਤੇ ਟੀਮ ਨੂੰ ਇਸ ਸਮੇਂ ਉਸਨੂੰ ਫਾਰਮ ਵਿੱਚ ਆਉਣ ਦੀ ਜ਼ਰੂਰਤ ਹੈ।
ਇੱਕ ਰੋਜ਼ਾ ਮੈਚਾਂ ਵਿੱਚ ਕੋਹਲੀ ਦਾ ਮਾੜਾ ਫਾਰਮ ਜਾਰੀ ਹੈ। ਉਸਨੇ ਪਿਛਲੀਆਂ 6 ਵਨਡੇ ਪਾਰੀਆਂ ਵਿੱਚ ਸਿਰਫ਼ ਇੱਕ ਵਾਰ ਹੀ 50 ਦਾ ਅੰਕੜਾ ਪਾਰ ਕੀਤਾ ਹੈ।
ਇਸ ਦੇ ਨਾਲ ਹੀ ਕੋਹਲੀ ਨੇ ਆਪਣਾ ਆਖਰੀ ਵਨਡੇ ਸੈਂਕੜਾ 2023 ਦੇ ਵਿਸ਼ਵ ਕੱਪ ਵਿੱਚ ਨਿਊਜ਼ੀਲੈਂਡ ਵਿਰੁੱਧ ਬਣਾਇਆ। ਪ੍ਰਸ਼ੰਸਕ ਲਗਭਗ ਦੋ ਸਾਲਾਂ ਤੋਂ ਕੋਹਲੀ ਦੇ ਵਨਡੇ ਮੈਚਾਂ ਵਿੱਚ ਸੈਂਕੜੇ ਦੀ ਉਡੀਕ ਕਰ ਰਹੇ ਹਨ।