ਕਿਤੇ ਹੋਰ ਤਾਂ ਨਹੀਂ ਕਰ ਰਿਹਾ ਤੁਹਾਡੇ ਫੇਸਬੁੱਕ ਦੀ ਵਰਤੋਂ? ਮਿੰਟਾਂ ‘ਚ ਇਦਾਂ ਲਾਓ ਪਤਾ

Facebook: ਅੱਜ ਦੇ ਡਿਜੀਟਲ ਯੁੱਗ ਵਿੱਚ, ਸੋਸ਼ਲ ਮੀਡੀਆ ਸਾਡੀ ਜ਼ਿੰਦਗੀ ਦਾ ਇੱਕ ਮਹੱਤਵਪੂਰਨ ਹਿੱਸਾ ਬਣ ਗਿਆ ਹੈ। ਫੇਸਬੁੱਕ ਨਾ ਸਿਰਫ਼ ਸੰਚਾਰ ਦਾ ਇੱਕ ਮਾਧਿਅਮ ਹੈ, ਸਗੋਂ ਲੋਕ ਇਸ ਰਾਹੀਂ ਆਪਣੇ ਕੰਮ, ਕਾਰੋਬਾਰ ਅਤੇ ਪਛਾਣ ਵੀ ਬਣਾਉਂਦੇ ਹਨ।

Facebook

ਫੇਸਬੁੱਕ ਤੁਹਾਨੂੰ ਇੱਕ ਵਧੀਆ ਫੀਚਰ ਦਿੰਦਾ ਹੈ ਜਿਸ ਰਾਹੀਂ ਤੁਹਾਨੂੰ ਪਤਾ ਲੱਗ ਸਕਦਾ ਹੈ ਕਿ ਤੁਹਾਡਾ ਅਕਾਊਂਟ ਕਿਹੜੇ ਡਿਵਾਈਸ ਤੋਂ, ਕਦੋਂ ਅਤੇ ਕਿੱਥੇ ਲੌਗਇਨ ਕੀਤਾ ਗਿਆ ਹੈ। ਇਸ ਤਰ੍ਹਾਂ ਚੈੱਕ ਕਰੋ, ਫੇਸਬੁੱਕ ਐਪ ਜਾਂ ਵੈੱਬਸਾਈਟ ਖੋਲ੍ਹੋ। Settings & Privacy > Settings > Security ਅਤੇ login 'ਚ ਜਾਓ।

ਇੱਥੇ ‘Where you're logged in’ ਸੈਕਸ਼ਨ ਵਿੱਚ ਤੁਹਾਨੂੰ ਸਾਰੇ ਐਕਟਿਵ ਸੈਸ਼ਨਸ ਦੀ ਲਿਸਟ ਦੇਖਣ ਨੂੰ ਮਿਲੇਗੀ। ਜਿਵੇਂ ਕਿ ਮੋਬਾਈਲ, ਲੈਪਟਾਪ, ਬ੍ਰਾਊਜ਼ਰ ਆਦਿ ਦੀ ਲਿਸਟ ਦਿਖਾਈ ਦੇਵੇਗੀ। ਜੇਕਰ ਤੁਸੀਂ ਕੋਈ ਅਣਜਾਣ ਡਿਵਾਈਸ ਜਾਂ ਲੋਕੇਸ਼ਨ ਦੇਖਦੇ ਹੋ, ਤਾਂ ਸਮਝ ਜਾਓ ਕਿ ਕੋਈ ਹੋਰ ਤੁਹਾਡੇ ਅਕਾਊਂਟ ਦੀ ਵਰਤੋਂ ਕਰ ਰਿਹਾ ਹੈ।

ਜੇਕਰ ਤੁਸੀਂ ਕੋਈ ਸ਼ੱਕੀ ਡਿਵਾਈਸ ਨੋਟਿਸ ਕੀਤਾ ਹੈ, ਤਾਂ ਤੁਸੀਂ ਉਸੇ ਪੰਨੇ 'ਤੇ ਉਸ ਸੈਸ਼ਨ ਦੇ ਨਾਲ ਲੱਗਦੇ ਤਿੰਨ ਡਾਟਸ 'ਤੇ ਕਲਿੱਕ ਕਰਕੇ Log Out ਕਰ ਸਕਦੇ ਹੋ। ਸੁਝਾਅ: “Log Out of All Sessions” 'ਤੇ ਕਲਿੱਕ ਕਰਕੇ ਸਾਰੇ ਸੈਸ਼ਨਾਂ ਤੋਂ ਇੱਕੋ ਵਾਰ ਲੌਗ ਆਉਟ ਕਰੋ ਅਤੇ ਫਿਰ ਸਿਰਫ਼ ਆਪਣੇ ਭਰੋਸੇਯੋਗ ਡਿਵਾਈਸ ਤੋਂ ਹੀ ਲੌਗਇਨ ਕਰੋ।

ਕਿਸੇ ਵੀ ਤਰ੍ਹਾਂ ਦੀ ਹੈਕਿੰਗ ਜਾਂ ਅਕਾਊਂਟ ਐਕਸੈਸ ਨੂੰ ਰੋਕਣ ਦਾ ਸਭ ਤੋਂ ਸ਼ਕਤੀਸ਼ਾਲੀ ਤਰੀਕਾ ਪਾਸਵਰਡ ਬਦਲਣਾ ਹੈ। ਪਾਸਵਰਡ ਬਦਲਣ ਲਈ, Settings > Security and login > Change password 'ਤੇ ਜਾਓ। ਇੱਕ ਮਜ਼ਬੂਤ ਪਾਸਵਰਡ ਬਣਾਓ - ਜਿਸ ਵਿੱਚ ਅੱਖਰ (A-Z), ਨੰਬਰ (0-9), ਅਤੇ ਸਪੈਸ਼ਲ ਕੈਰੇਕਟਰ (@, #, !, ਆਦਿ) ਹੋਣ। ਪੁਰਾਣੇ ਪਾਸਵਰਡਾਂ ਦੀ ਮੁੜ ਵਰਤੋਂ ਤੋਂ ਬਚੋ।

Two-Factor Authentication (2FA) ਤੁਹਾਡੇ ਅਕਾਊਂਟ ਨੂੰ ਇੱਕ ਵਾਧੂ ਸੁਰੱਖਿਆ ਪਰਤ ਦਿੰਦਾ ਹੈ। ਇਹ ਯਕੀਨੀ ਬਣਾਉਂਦਾ ਹੈ ਕਿ ਕੋਈ ਵੀ ਤੁਹਾਡੇ ਪਾਸਵਰਡ ਤੋਂ ਬਿਨਾਂ ਸਿਰਫ਼ ਲੌਗਇਨ ਕਰਕੇ ਤੁਹਾਡੇ ਖਾਤੇ ਤੱਕ ਪਹੁੰਚ ਨਹੀਂ ਕਰ ਸਕਦਾ। ਇਸਨੂੰ ਇਸ ਤਰੀਕੇ ਐਕਟੀਵੇਟ ਕਰੋ: Settings > Security and login > Use two-factor authentication, OTP ਰਾਹੀਂ ਜਾਂ SMS ਜਾਂ Authenticator ਐਪ ਰਾਹੀਂ ਲੌਗਇਨ ਕਰੋ।

ਫੇਸਬੁੱਕ ਤੁਹਾਨੂੰ ਹਰ ਨਵੇਂ ਡਿਵਾਈਸ ਲੌਗਇਨ 'ਤੇ ਈਮੇਲ ਜਾਂ ਨੋਟੀਫਿਕੇਸ਼ਨ ਭੇਜਦਾ ਹੈ। ਉਸ ਨੂੰ ਨਜ਼ਰਅੰਦਾਜ਼ ਨਾ ਕਰੋ। ਜੇਕਰ ਤੁਸੀਂ ਖੁਦ ਲੌਗਇਨ ਨਹੀਂ ਕੀਤਾ ਹੈ, ਤਾਂ ਤੁਰੰਤ ਆਪਣਾ ਪਾਸਵਰਡ ਬਦਲੋ। ਜੇਕਰ ਤੁਸੀਂ ਇਨ੍ਹਾਂ ਨਾਰਮਲ ਸਟੈਪਸ ਨੂੰ ਫੋਲੋ ਕਰਦੇ ਹੋ, ਤਾਂ ਤੁਹਾਡਾ ਫੇਸਬੁੱਕ ਖਾਤਾ ਪੂਰੀ ਤਰ੍ਹਾਂ ਸੁਰੱਖਿਅਤ ਰਹੇਗਾ।