6 ਸਾਲ ਬਾਅਦ ਫੈਡਰਰ vs ਨਡਾਲ
6 ਸਾਲ ਬਾਅਦ ਇਹ ਪਹਿਲਾ ਮੌਕਾ ਹੈ ਜਦ ਕਿਸੇ ਗਰੈਂਡ ਸਲੈਮ ਦੇ ਫਾਈਨਲ 'ਚ ਨਡਾਲ ਅਤੇ ਫੈਡਰਰ ਆਹਮੋ-ਸਾਹਮਣੇ ਹੋਣ ਜਾ ਰਹੇ ਹਨ।
ਸ਼ੁੱਕਰਵਾਰ ਨੂੰ ਖੇਡੇ ਗਏ ਰੋਮਾਂਚਕ ਸੈਮੀਫਾਈਨਲ 'ਚ ਨਡਾਲ ਨੇ ਬੁਲਗਾਰੀਆ ਦੇ ਗਿਗੀਅਰ ਡਿਮੀਟਰੌਵ ਨੂੰ ਮਾਤ ਦਿੱਤੀ। ਇਸ ਜਿੱਤ ਦੇ ਨਾਲ ਹੀ ਨਡਾਲ ਨੇ ਫਾਈਨਲ 'ਚ ਫੈਡਰਰ ਨਾਲ ਖਿਤਾਬੀ ਟੱਕਰ ਵੀ ਫਿਕਸ ਕਰ ਲਈ।
ਨਡਾਲ ਅਤੇ ਫੈਡਰਰ ਵਿਚਾਲੇ ਆਖਰੀ ਵਾਰ ਗਰੈਂਡ ਸਲੈਮ ਦਾ ਖਿਤਾਬੀ ਮੈਚ ਫਰੈਂਚ ਓਪਨ 2011 'ਚ ਵੇਖਣ ਨੂੰ ਮਿਲਿਸ ਸੀ।
ਦੂਜੇ ਪਾਸੇ ਫੈਡਰਰ ਨੇ ਵਾਵਰਿੰਕਾ ਨੂੰ 7-5, 6-3, 1-6, 4-6, 6-3 ਦੇ ਫਰਕ ਨਾਲ ਮਾਤ ਦੇਕੇ ਫਾਈਨਲ 'ਚ ਐਂਟਰੀ ਕੀਤੀ ਹੈ।
ਸਪੇਨ ਦੇ ਦਿੱਗਜ ਟੈਨਿਸ ਖਿਡਾਰੀ ਰਫੈਲ ਨਡਾਲ ਨੇ ਆਸਟ੍ਰੇਲੀਅਨ ਓਪਨ ਗਰੈਂਡ ਸਲੈਮ ਦੇ ਫਾਈਨਲ 'ਚ ਐਂਟਰੀ ਕਰ ਲਈ ਹੈ।
ਨਡਾਲ ਨੇ ਸੈਮੀਫਾਈਨਲ 'ਚ ਡਿਮੀਟਰੌਵ ਖਿਲਾਫ 5 ਸੈਟ ਤਕ ਚੱਲੇ ਮੈਚ 'ਚ ਬਾਜ਼ੀ ਮਾਰੀ। ਨਡਾਲ ਨੇ ਮੈਚ 6-3, 5-7, 7-6, 6-7, 6-4 ਦੇ ਫਰਕ ਨਾਲ ਆਪਣੇ ਨਾਮ ਕੀਤਾ। ਇਹ ਮੈਚ 4 ਘੰਟੇ 56 ਮਿਨਟ ਤਕ ਚੱਲਿਆ।
ਸਾਲ 2009 ਦੇ ਆਸਟ੍ਰੇਲੀਅਨ ਓਪਨ 'ਚ ਵੀ ਨਡਾਲ ਅਤੇ ਫੈਡਰਰ ਵਿਚਾਲੇ ਫਾਈਨਲ ਖੇਡਿਆ ਗਿਆ ਸੀ। ਖਾਸ ਗੱਲ ਇਹ ਹੈ ਕਿ ਦੋਨੇ ਮੌਕਿਆਂ 'ਤੇ ਨਡਾਲ ਨੇ ਫੈਡਰਰ ਨੂੰ ਮਾਤ ਦਿੱਤੀ ਸੀ।
ਹੁਣ ਵੇਖਣਾ ਇਹ ਹੈ ਕਿ ਐਤਵਾਰ ਦੇ ਫਾਈਨਲ 'ਚ ਇੰਜਰੀ ਤੋਂ ਵਾਪਸੀ ਕਰ ਰਹੇ ਨਡਾਲ ਬਾਜ਼ੀ ਮਾਰਦੇ ਹਨ ਜਾਂ 5 ਸਾਲ ਤੋਂ ਵੱਡੇ ਖ਼ਿਤਾਬੀ ਦੀ ਉਡੀਕ ਕਰ ਰਹੇ ਫੈਡਰਰ ਜਿੱਤ ਦਰਜ ਕਰਦੇ ਹਨ।