ਇੰਗਲੈਂਡ ਦੀ ਬੱਲੇਬਾਜ਼ ਨੇ ਕੀਤਾ ਸਭ ਨੂੰ ਹੈਰਾਨ
ਇੰਗਲੈਂਡ ਦੀ ਮਹਿਲਾ ਕ੍ਰਿਕਟ ਟੀਮ ਨੇ ਪਾਕਿਸਤਾਨ ਖਿਲਾਫ ਵਨਡੇ ਸੀਰੀਜ਼ 3-0 ਨਾਲ ਕਲੀਨ ਸਵੀਪ ਕਰ ਲਈ। ਟੈਮੀ ਬੇਓਮੌਂਟ ਦੀ ਰਿਕਾਰਡ ਤੋੜ ਪਾਰੀ ਦੇ ਆਸਰੇ ਇੰਗਲੈਂਡ ਨੇ ਤੀਜੇ ਵਨਡੇ 'ਚ 202 ਰਨ ਨਾਲ ਬਾਜ਼ੀ ਮਾਰੀ।
ਟੈਮੀ ਬੇਓਮੌਂਟ 168 ਰਨ ਬਣਾ ਕੇ ਨਾਬਾਦ ਰਹੀ। ਬੇਓਮੌਂਟ ਨੇ 144 ਗੇਂਦਾਂ 'ਤੇ 166 ਰਨ ਬਣਾਏ ਅਤੇ ਆਪਣੀ ਪਾਰੀ ਦੌਰਾਨ 20 ਚੌਕੇ ਠੋਕੇ।
ਬੇਓਮੌਂਟ ਇੰਗਲੈਂਡ ਦੀ ਪਹਿਲੀ ਮਹਿਲਾ ਬੱਲੇਬਾਜ਼ ਬਣ ਗਈ ਹੈ ਜਿਸਨੇ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਲਗਾਤਾਰ ਸੈਂਕੜੇ ਜੜੇ ਹਨ।
ਪਾਕਿਸਤਾਨ ਖਿਲਾਫ ਖੇਡੇ ਤੀਜੇ ਵਨਡੇ 'ਚ ਬਣਾਇਆ ਬੇਓਮੌਂਟ ਦਾ ਸਕੋਰ ਵਨਡੇ ਇਤਿਹਾਸ 'ਚ ਮਹਿਲਾਵਾਂ ਦੀ ਖੇਡ 'ਚ ਬਣਿਆ ਚੌਥਾ ਸਭ ਤੋਂ ਵੱਡਾ ਸਕੋਰ ਹੈ।
ਖਾਸ ਗੱਲ ਇਹ ਰਹੀ ਕਿ ਬੇਓਮੌਂਟ ਨੇ ਪੂਰੀ ਸੀਰੀਜ਼ ਦੌਰਾਨ ਧਮਾਕੇਦਾਰ ਖੇਡ ਵਿਖਾਈ। ਬੇਓਮੌਂਟ ਨੇ ਪਹਿਲੇ ਮੈਚ 'ਚ 70, ਦੂਜੇ 'ਚ 104 ਅਤੇ ਤੀਜੇ ਮੈਚ 'ਚ 168* ਰਨ ਬਣਾਏ। ਕੁਲ ਮਿਲਾਕੇ ਬੇਓਮੌਂਟ ਨੇ ਇਸ ਸੀਰੀਜ਼ 'ਚ 342 ਰਨ ਬਣਾਏ ਅਤੇ ਉਸਦੀ ਔਸਤ 171.00 ਦੀ ਰਹੀ।
ਇਹ ਇੰਗਲੈਂਡ ਦੀ ਕਿਸੇ ਵੀ ਬੱਲੇਬਾਜ਼ ਦਾ ਬਣਾਇਆ ਦੂਜਾ ਸਭ ਤੋਂ ਵੱਡਾ ਸਕੋਰ ਹੈ। ਇਸ ਸੀਰੀਜ਼ 'ਚ ਇੰਗਲੈਂਡ ਦੀਆਂ ਕਈ ਖਿਡਾਰਨਾ ਨੇ ਪ੍ਰਭਾਵਿਤ ਕੀਤਾ ਪਰ ਬੇਓਮੌਂਟ ਦੇ ਕਮਾਲ ਸਾਹਮਣੇ ਬਾਕੀ ਖਿਡਾਰਨਾ ਦੇ ਕਮਾਲ ਛੋਟੇ ਸਾਬਿਤ ਹੋਏ।