ਮਾਨ ਕੌਰ ਦੀ ਸਪੈਸ਼ਲ ਤਾਰੀਫ
ਅਮਰੀਕਨ ਮਾਸਟਰ ਗੇਮਸ 'ਚ ਭਾਰਤ ਦੀ ਮਾਨ ਕੌਰ ਨੇ ਕਮਾਲ ਕਰ ਵਿਖਾਇਆ। ਮਾਨ ਕੌਰ ਨੇ ਅਮਰੀਕਨ ਮਾਸਟਰਸ ਖੇਡਾਂ 'ਚ 100 ਮੀਟਰ ਦੌੜ 'ਚ ਬਾਜ਼ੀ ਮਾਰੀ। ਖਾਸ ਗੱਲ ਇਹ ਹੈ ਕਿ ਪੰਜਾਬ ਦੀ ਮਾਨ ਕੌਰ 100 ਸਾਲ ਦੀ ਹੈ।
ਮਾਨ ਕੌਰ ਨੇ 100 ਮੀਟਰ ਦੀ ਦੂਰੀ ਡੇੜ ਮਿਨਟ 'ਚ ਪੂਰੀ ਕੀਤੀ। ਪਰ ਇਨ੍ਹਾਂ ਸਮਾਂ ਲੈਣ ਦੇ ਬਾਵਜੂਦ ਮਾਨ ਕੌਰ ਇਸ ਈਵੈਂਟ 'ਚ ਜੇਤੂ ਰਹੀ। ਚੰਡੀਗੜ੍ਹ ਦੀ ਰਹਿਣ ਵਾਲੀ ਮਾਨ ਕੌਰ ਆਪਣੇ ਇਸ ਕਮਾਲ ਤੋਂ ਬਾਅਦ ਚਰਚਾ ਦਾ ਵਿਸ਼ਾ ਬਣ ਗਈ ਹੈ।
ਮਾਨ ਕੌਰ ਦੇ ਕਾਰਨਾਮੇ ਤੋਂ ਬਾਅਦ ਹਰ ਪਾਸਿਓਂ ਉਨ੍ਹਾਂ ਦੀ ਤਾਰੀਫ ਸੁਣਨ ਨੂੰ ਮਿਲ ਰਹੀ ਹੈ। ਦੇਸ਼ ਦਾ ਮਾਣ ਵਧਾਉਣ ਵਾਲੀ ਮਾਨ ਕੌਰ 'ਤੇ ਟਰਬਨੇਟਰ ਹਰਭਜਨ ਸਿੰਘ ਨੂੰ ਵੀ ਮਾਣ ਹੈ। ਹਰਭਜਨ ਸਿੰਧ ਨੇ ਟਵੀਟ ਕਰਕੇ ਮਾਨ ਕੌਰ ਦੀ ਤਾਰੀਫ ਕੀਤੀ। ਜਦ ਵੀ ਕੋਈ ਖਿਡਾਰੀ ਅੰਤਰਰਾਸ਼ਟਰੀ ਪੱਧਰ 'ਤੇ ਕਮਾਲ ਕਰਦਾ ਹੈ ਤਾਂ ਭੱਜੀ ਉਨ੍ਹਾਂ ਦਾ ਹੌਂਸਲਾ ਵਧਾਉਣਾ ਨਹੀਂ ਭੁਲਦੇ।
ਹਰ ਪਾਸੇ ਇਸ 100 ਸਾਲ ਦੀ ਪੰਜਾਬਣ ਦੀਆਂ ਗੱਲਾਂ ਹੋ ਰਹੀਆਂ ਹਨ। ਆਪਣੀ ਏਜ ਕੈਟੇਗਰੀ 'ਚ ਮਾਨ ਕੌਰ ਇਕੱਲੀ ਹਿੱਸਾ ਲੈਣ ਵਾਲੀ ਹੈ ਅਤੇ ਇਸ ਉਮਰ 'ਚ ਉਨ੍ਹਾਂ ਦਾ ਰੇਸ ਦੌੜਨਾ ਹੀ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਮਾਨ ਕੌਰ ਦੇ ਪੁੱਤਰ ਗੁਰਦੇਵ ਸਿੰਘ ਵੀ ਇਨ੍ਹਾਂ ਖੇਡਾਂ 'ਚ ਹਿੱਸਾ ਲੈ ਰਹੇ ਹਨ ਅਤੇ ਉਨ੍ਹਾਂ ਨੇ ਮੀਡੀਆ ਨਾਲ ਗਲਬਾਤ ਕਰਦਿਆਂ ਦੱਸਿਆ ਕਿ ਓਹ ਜਾਣਦੇ ਸਨ ਕਿ ਉਨ੍ਹਾਂ ਦੀ ਮਾਂ ਇੰਜ ਕਾਰਨਾਮਾ ਕਰ ਸਕਦੀ ਹੈ।
ਮਾਨ ਕੌਰ ਨੇ 93 ਸਾਲ ਦੀ ਉਮਰ 'ਚ ਆਪਣੇ ਬੇਟੇ ਗੁਰਦੇਵ ਸਿੰਘ ਦੀ ਸਲਾਹ 'ਤੇ ਭੱਜਣਾ ਸ਼ੁਰੂ ਕੀਤਾ ਸੀ ਅਤੇ ਮਾਨ ਕੌਰ ਹੁਣ ਤਕ ਮਾਸਟਰ ਖੇਡਾਂ 'ਚ 20 ਮੈਡਲ ਜਿੱਤ ਚੁੱਕੀ ਹੈ।
ਗੁਰਦੇਵ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਦੀ ਮਾਂ ਦੇ ਇਸ ਜਜਬੇ ਨੇ ਹੋਰ ਵੀ ਕਈ ਬੁਜ਼ੁਰਗਾਂ ਨੂੰ ਖੇਡਾਂ ਦਾ ਹਿੱਸਾ ਬਣਨ ਲਈ ਪ੍ਰੇਰਿਤ ਕੀਤਾ ਹੈ।
ਭੱਜੀ ਸੋਸ਼ਲ ਮੀਡੀਆ 'ਤੇ ਐਕਟਿਵ ਰਹਿੰਦੇ ਹਨ ਅਤੇ ਸੋਸ਼ਲ ਮੁੱਦਿਆਂ 'ਤੇ ਵੀ ਆਪਣੇ ਪ੍ਰਤੀਕਿਰਿਆ ਜਰੂਰ ਪੇਸ਼ ਕਰਦੇ ਹਨ। ਭੱਜੀ ਨੇ ਮਾਨ ਕੌਰ ਦੀ ਸਪੈਸ਼ਲ ਅੰਦਾਜ਼ 'ਚ ਤਾਰੀਫ ਕੀਤੀ।
Follow Harbhajan SinghVerified account @harbhajan_singh Harbhajan Singh Retweeted HT Sports Wah Ji wah bibi Ji proud ???????? massive respect
ਹਰਭਜਨ ਸਿੰਘ ਦਾ ਟਵੀਟ