ਅਰਧ-ਸੈਂਕੜੇ, ਤਾਬੜਤੋੜ ਬੱਲੇਬਾਜ਼ੀ ਅਤੇ ਯੁਵੀ-ਧੋਨੀ ਦੀ ਖਾਸ ਚਰਚਾ
ਪਹਿਲਾਂ ਤਾਂ ਧੋਨੀ ਨੇ ਆਪਣੇ ਸਫਰ ਬਾਰੇ ਦੱਸਿਆ ਕਿ ਬਤੌਰ ਕਪਤਾਨ ਉਨ੍ਹਾਂ ਦਾ ਸਫਰ ਮਜ਼ੇਦਾਰ ਅਤੇ ਕਾਮਯਾਬੀਆਂ ਭਰਿਆ ਰਿਹਾ ਅਤੇ ਨਾਲ ਹੀ ਉਨ੍ਹਾਂ ਨੇ ਯੁਵਰਾਜ ਸਿੰਘ ਦਾ ਸ਼ੁਕਰੀਆ ਕੀਤਾ ਕਿ ਉਨ੍ਹਾਂ ਨੇ ਅਤੇ ਟੀਮ ਨੇ ਦਮਦਾਰ ਖੇਡ ਵਿਖਾ ਕੇ ਉਨ੍ਹਾਂ ਦਾ ਕੰਮ ਆਸਾਨ ਬਣਾ ਦਿੱਤਾ।
ਇਸਤੋਂ ਬਾਅਦ ਯੁਵਰਾਜ ਸਿੰਘ ਨੇ ਪੁੱਛਿਆ ਕਿ ਹੁਣ ਕਪਤਾਨੀ ਛੱਡਣ ਤੋਂ ਬਾਅਦ ਕੀ ਧੋਨੀ ਦਾ ਬੱਲਾ ਜਾਦਾ ਛੱਕੇ ਬਰਸਾਉਣ ਲਈ ਤਿਆਰ ਹੈ ?
ਯੁਵੀ ਨੇ ਧੋਨੀ ਨੂੰ ਨਿਜੀ ਪੱਧਰ 'ਤੇ ਅਟੈਕਿੰਗ ਖੇਡ ਖੇਡਣ ਲਈ ਹਮੇਸ਼ਾ ਸਾਥ ਦੇਣ ਲਈ ਵੀ ਧੰਨਵਾਦ ਕੀਤਾ। ਧੋਨੀ ਨੇ ਵੀ ਕਿਹਾ ਕਿ ਯੁਵੀ ਦੇ 6 ਛੱਕੇ ਠੋਕਣ ਮੌਕੇ ਉਨ੍ਹਾਂ ਨਾਲ ਮੈਦਾਨ 'ਤੇ ਰਹਿਣਾ ਸਪੈਸ਼ਲ ਸੀ।
ਧੋਨੀ ਨੇ 40 ਗੇਂਦਾਂ 'ਤੇ 68 ਰਨ ਦੀ ਨਾਬਾਦ ਪਾਰੀ ਖੇਡੀ। ਧੋਨੀ ਇਕੱਲੇ ਹੀ ਨਹੀਂ ਚਮਕੇ ਬਲਕਿ ਉਨ੍ਹਾਂ ਨੂੰ ਸਫਲ ਕਪਤਾਨ ਬਣਾਉਣ 'ਚ ਖਾਸ ਯੋਗਦਾਨ ਪਾਉਣ ਵਾਲੇ ਯੁਵਰਾਜ ਸਿੰਘ ਨੇ ਵੀ 48 ਗੇਂਦਾਂ 'ਤੇ 56 ਰਨ ਠੋਕੇ। ਪਰ ਮੈਚ ਖਤਮ ਹੋਣ ਤੋਂ ਬਾਅਦ ਯੁਵਰਾਜ ਸਿੰਘ ਅਤੇ ਮਹੇਂਦਰ ਸਿੰਘ ਧੋਨੀ ਇਕੱਠੇ ਹੋ ਗਏ ਅਤੇ ਯੁਵਰਾਜ ਸਿੰਘ ਨੇ ਧੋਨੀ ਦਾ ਇੰਟਰਵਿਊ ਕੀਤਾ।
ਧੋਨੀ ਨੇ ਜਵਾਬ ਦਿੱਤਾ ਕਿ ਜੇਕਰ ਗੇਂਦਬਾਜ਼ਾਂ ਨੇ ਉਨ੍ਹਾਂ ਨੂੰ ਸਲਾਗ ਕਰਨ ਦਾ ਮੌਕਾ ਦਿੱਤਾ ਤਾਂ ਓਹ ਇੱਕ ਵਾਰ ਵੀ ਨਹੀਂ ਸੋਚਣਗੇ। ਧੋਨੀ ਅਤੇ ਯੁਵਰਾਜ ਸਿੰਘ ਦੀ ਇਹ ਗੱਲਬਾਤ ਦੀ ਵੀਡੀਓ ਖੂਬ ਵਾਇਰਲ ਹੋ ਰਹੀ ਹੈ।
ਭਾਰਤ 'ਏ' ਅਤੇ ਇੰਗਲੈਂਡ ਦੀਆਂ ਟੀਮਾਂ ਵਿਚਾਲੇ ਮੰਗਲਵਾਰ ਨੂੰ ਖੇਡੇ ਗਏ ਅਭਿਆਸ ਮੈਚ 'ਚ ਕਪਤਾਨ ਮਹੇਂਦਰ ਸਿੰਘ ਧੋਨੀ ਨੂੰ ਆਖਰੀ ਵਾਰ ਕਪਤਾਨੀ ਕਰਦੇ ਵੇਖਿਆ ਗਿਆ। ਧੋਨੀ ਨੇ ਆਪਣੇ ਬਤੌਰ ਕਪਤਾਨ ਖੇਡੇ ਆਖਰੀ ਮੈਚ 'ਚ ਵੀ ਚੌਕੇ-ਛੱਕਿਆਂ ਦੀ ਝੜੀ ਲਗਾ ਦਿੱਤੀ।
ਯੁਵੀ ਅਤੇ ਧੋਨੀ ਦੀ ਦੋਸਤੀ 'ਤੇ ਸਵਾਲ ਚੁੱਕਣ ਵਾਲਿਆਂ ਦੀ ਵੀ ਇਸ ਇੰਟਰਵਿਊ ਤੋਂ ਬਾਅਦ ਬੋਲਤੀ ਬੰਦ ਹੋਣਾ ਤੈਅ ਹੈ।
ਇਸਤੋਂ ਬਾਅਦ ਯੁਵਰਾਜ ਸਿੰਘ ਨੇ ਕਿਹਾ ਕਿ ਧੋਨੀ ਬੈਸਟ ਕਪਤਾਨ ਹਨ ਅਤੇ ਉਨ੍ਹਾਂ ਦੀ ਦਮਦਾਰ ਖੇਡ ਅਤੇ ਫੈਸਲਿਆਂ ਸਦਕਾ ਭਾਰਤ ਉਨ੍ਹਾਂ ਦੀ ਕਪਤਾਨੀ ਹੇਠ 3 ਵੱਡੇ ਟੂਰਨਾਮੈਂਟ ਜਿੱਤਣ 'ਚ ਕਾਮਯਾਬ ਹੋਇਆ।