ਐਮਐਸ ਧੋਨੀ 437 ਦਿਨਾਂ ਦੇ ਲੰਬੇ ਸਮੇਂ ਬਾਅਦ ਕ੍ਰਿਕਟ 'ਚ ਵਾਪਸੀ ਕੀਤੀ ਹੈ। ਉਨ੍ਹਾਂ ਨੇ ਹਾਲ ਹੀ ਵਿੱਚ ਸ਼ੁਰੂ ਹੋਏ ਇੰਡੀਅਨ ਪ੍ਰੀਮੀਅਰ ਲੀਗ 2020 ਵਿੱਚ ਮੁੰਬਈ ਇੰਡੀਅਨਜ਼ ਖਿਲਾਫ ਚੇਨਈ ਸੁਪਰ ਕਿੰਗਜ਼ ਦੀ ਕਪਤਾਨੀ ਕੀਤੀ ਸੀ। ਜਿਵੇਂ ਹੀ ਧੋਨੀ ਇਸ ਆਈਪੀਐਲ ਸੀਜ਼ਨ ਦੇ ਉਦਘਾਟਨ ਮੈਚ ਵਿੱਚ ਮੈਦਾਨ 'ਤੇ ਆਇਆ, ਲੋਕਾਂ ਦਾ ਧਿਆਨ ਸਭ ਤੋਂ ਪਹਿਲਾਂ ਉਸ ਦੇ ਦਾੜ੍ਹੀ ਦੇ ਨਵੇਂ ਅੰਦਾਜ਼ ਵੱਲ ਆਇਆ। ਇਸ ਦੇ ਨਾਲ ਹੀ ਉਸ ਦਾ ਨਵਾਂ ਲੁੱਕ ਤੁਰੰਤ ਸੋਸ਼ਲ ਮੀਡੀਆ 'ਤੇ ਚਰਚਾ ਦਾ ਵਿਸ਼ਾ ਬਣ ਗਿਆ।
ਜਦੋਂ ਐਮ ਐਸ ਧੋਨੀ ਟੌਸ ਦੌਰਾਨ ਪਹੁੰਚੇ ਤਾਂ ਮੈਚ ਰੈਫਰੀ ਦੇ ਨਾਲ ਮੌਜੂਦ ਮੁਰਲੀ ਕਾਰਤਿਕ ਉਸ ਦੇ ਬਾਈਪੇਸ ਵੇਖ ਕੇ ਹੈਰਾਨ ਰਹਿ ਗਏ। ਧੋਨੀ ਦੀ ਦਾੜ੍ਹੀ ਦੇ ਸਟਾਇਲ ਨੂੰ ਵੇਖ ਪਤਨੀ ਸਾਕਸ਼ੀ ਵੀ ਪ੍ਰਭਾਵਿਤ ਹੋਈ। ਉਸ ਨੇ ਇੰਸਟਾਗ੍ਰਾਮ ਸਟੋਰੀ 'ਤੇ ਫੋਟੋ ਪਾਉਂਦੇ ਹੋਏ ਲਿਖਿਆ 'How Handsome'।
ਧੋਨੀ ਆਈਪੀਐਲ ਦੇ ਲਗਪਗ ਹਰ ਸੀਜ਼ਨ ਵਿੱਚ ਨਵੇਂ ਲੁੱਕ ਲਈ ਜਾਣੇ ਜਾਂਦੇ ਹਨ। ਹਰ ਵਾਰ ਉਹ ਆਪਣੇ ਹੇਅਰ ਸਟਾਈਲ ਅਤੇ ਨਵੀਂ ਦਾੜ੍ਹੀ ਨਾਲ ਮੈਦਾਨ ਵਿਚ ਆਉਂਦੇ ਹਨ। ਸੀਐਸਕੇ ਕਪਤਾਨ ਨੇ ਇਸ ਤਾਜ਼ਾ ਲੁੱਕ ਨਾਲ ਆਪਣੇ ਕਰੋੜਾਂ ਫੈਨਸ ਦਾ ਦਿਲ ਜਿੱਤ ਲਿਆ। ਉਨ੍ਹਾਂ ਦੇ ਲੁੱਕ ਨੂੰ ਸੋਸ਼ਲ ਮੀਡੀਆ 'ਤੇ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ ਅਤੇ ਲੋਕ ਇਸ 'ਤੇ ਵੱਖ ਵੱਖ ਤਰ੍ਹਾਂ ਦੀਆਂ ਰਿਐਕਸ਼ਨ ਦੇ ਰਹੇ ਹਨ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904