ਨਵੀਂ ਦਿੱਲੀ: ਆਈਪੀਐਲ ਵਿੱਚ ਅੱਜ 4 ਵਾਰ ਦੀ ਚੈਂਪੀਅਨ ਚੇਨਈ ਸੁਪਰ ਕਿੰਗਜ਼ ਤੇ 15ਵੇਂ ਸੀਜ਼ਨ ਦੀ ਨਵੀਂ ਟੀਮ ਲਖਨਊ ਸੁਪਰ ਜਾਇੰਟਸ ਮੁੰਬਈ ਦੇ ਬ੍ਰੇਬੋਰਨ ਸਟੇਡੀਅਮ ਵਿੱਚ ਮੁਕਾਬਲਾ ਹੋਵੇਗਾ। ਚੇਨਈ ਅਤੇ ਲਖਨਊ (CSK ਬਨਾਮ LSG) ਟੀਮਾਂ ਨੇ ਆਪਣਾ ਪਹਿਲਾ ਮੈਚ ਜਿੱਤ ਲਿਆ ਹੈ। ਲਖਨਊ ਇਸ ਸੀਜ਼ਨ ਦੀ ਨਵੀਂ ਟੀਮ ਹੈ ਜਦਕਿ ਚੇਨਈ ਦਾ ਚਿਹਰਾ ਇਸ ਵਾਰ ਬਦਲਿਆ ਹੈ। ਲਖਨਊ ਦੀ ਕਮਾਨ ਕੇਐਲ ਰਾਹੁਲ ਦੇ ਹੱਥਾਂ ਵਿੱਚ ਹੈ, ਜਦੋਂ ਕਿ ਚੇਨਈ ਦੀ ਅਗਵਾਈ ਰਵਿੰਦਰ ਜਡੇਜਾ ਕਰ ਰਹੇ ਹਨ।
ਜਾਣੋ ਮੁੰਬਈ ਦੇ ਮੌਸਮ ਦਾ ਮਿਜਾਜ਼
ਅੱਜ ਮੁੰਬਈ ਵਿੱਚ ਤਾਪਮਾਨ 28 ਤੋਂ 31 ਡਿਗਰੀ ਸੈਲਸੀਅਸ ਦੇ ਵਿੱਚ ਰਹੇਗਾ। ਯਾਨੀ ਖਿਡਾਰੀਆਂ ਨੂੰ ਸ਼ਾਮ ਨੂੰ ਜ਼ਿਆਦਾ ਗਰਮੀ ਮਹਿਸੂਸ ਨਹੀਂ ਹੋਵੇਗੀ। ਮੈਚ ਦੌਰਾਨ 9 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਹਵਾ ਚੱਲੇਗੀ। ਨਮੀ 45 ਫੀਸਦੀ ਤੱਕ ਰਹਿ ਸਕਦੀ ਹੈ। ਟੀਚੇ ਦਾ ਪਿੱਛਾ ਕਰਨ ਵਾਲੀ ਟੀਮ ਬ੍ਰੇਬੋਰਨ ਸਟੇਡੀਅਮ ਵਿੱਚ ਵਧੇਰੇ ਸਫਲ ਰਹੀ। ਮੁੰਬਈ ਦੇ ਬ੍ਰੇਬੋਰਨ ਸਟੇਡੀਅਮ ਦੀ ਸਮਰੱਥਾ 20 ਹਜ਼ਾਰ ਲੋਕਾਂ ਦੀ ਹੈ। ਮੈਚ ਦੌਰਾਨ ਲਗਭਗ 10 ਫੀਸਦੀ ਯਾਨੀ 2000 ਲੋਕ ਸਟੇਡੀਅਮ 'ਚ ਆ ਸਕਣਗੇ।
ਦੋ ਟੀਮਾਂ ਇਸ ਪ੍ਰਕਾਰ ਹਨ:
ਚੇਨਈ ਸੁਪਰ ਕਿੰਗਜ਼ : ਰੁਤੁਰਾਜ ਗਾਇਕਵਾੜ, ਡੇਵੋਨ ਕੋਨਵੇ, ਰੌਬਿਨ ਉਥੱਪਾ, ਅੰਬਾਤੀ ਰਾਇਡੂ, ਰਵਿੰਦਰ ਜਡੇਜਾ (ਕਪਤਾਨ), ਸ਼ਿਵਮ ਦੁਬੇ, ਐਮਐਸ ਧੋਨੀ (ਵਿਕੇਟਕੀਪਰ), ਡਵੇਨ ਬ੍ਰਾਵੋ, ਮਿਸ਼ੇਲ ਸੈਂਟਨਰ, ਐਡਮ ਮਿਲਨੇ, ਤੁਸ਼ਾਰ ਦੇਸ਼ਪਾਂਡੇ, ਕ੍ਰਿਸ ਜੌਰਡਨ, ਰਾਜਵਰਧਨ ਹੰਗਰਗੇਕਰ, ਮਹੇਸ਼ ਤੀਕਸ਼ਨਾ, ਸੀ ਹਰੀ ਨਿਸ਼ਾਂਤ, ਐੱਨ ਜਗਦੀਸਨ, ਸ਼ੁਭਰਾੰਸ਼ੂ ਸੇਨਾਪਤੀ, ਪ੍ਰਸ਼ਾਂਤ ਸੋਲੰਕੀ, ਮੁਕੇਸ਼ ਚੌਧਰੀ, ਕੇ.ਐੱਮ. ਆਸਿਫ਼, ਸਿਮਰਜੀਤ ਸਿੰਘ, ਭਗਤ ਵਰਮਾ, ਮੋਈਨ ਅਲੀ, ਡਵੇਨ ਪ੍ਰੀਟੋਰੀਅਸ
ਲਖਨਊ ਸੁਪਰ ਜਾਇੰਟਸ : ਕੇਐੱਲ ਰਾਹੁਲ (ਕਪਤਾਨ), ਕਵਿੰਟਨ ਡੀ ਕਾਕ (ਵਿਕੇਟਕੀਪਰ), ਏਵਿਨ ਲੁਈਸ, ਮਨੀਸ਼ ਪਾਂਡੇ, ਦੀਪਕ ਹੁੱਡਾ, ਆਯੂਸ਼ ਬਡੋਨੀ, ਕਰੁਣਾਲ ਪੰਡਯਾ, ਦੁਸ਼ਮੰਤਾ ਚਮੀਰਾ, ਮੋਹਸਿਨ ਖਾਨ, ਰਵੀ ਬਿਸ਼ਨੋਈ, ਅਵੇਸ਼ ਖਾਨ, ਸ਼ਾਹਬਾਜ਼ ਨਦੀਮ, ਮਨਨ ਵੋਹਰਾ, ਅੰਕਿਤ ਰਾਜਪੂਤ, ਕ੍ਰਿਸ਼ਨੱਪਾ ਗੌਤਮ, ਕਰਨ ਸ਼ਰਮਾ ਅਤੇ ਮਯੰਕ ਯਾਦਵ।