KL Rahul And Shreyas Iyer Comeback: ਭਾਰਤੀ ਟੀਮ ਦਾ ਵੈਸਟਇੰਡੀਜ਼ ਦੌਰਾ ਖਤਮ ਹੋਣ ਦੇ ਨਾਲ ਹੀ ਹੁਣ ਸਾਰਿਆਂ ਦੀਆਂ ਨਜ਼ਰਾਂ ਆਗਾਮੀ ਏਸ਼ੀਆ ਕੱਪ ਲਈ ਟੀਮ ਦੇ ਐਲਾਨ 'ਤੇ ਟਿਕੀਆਂ ਹੋਈਆਂ ਹਨ। ਇਸ ਮਹੱਤਵਪੂਰਨ ਟੂਰਨਾਮੈਂਟ ਨੂੰ ਲੈ ਕੇ ਹਰ ਕਿਸੇ ਨੂੰ ਉਮੀਦ ਹੈ ਕਿ ਕੇਐੱਲ ਰਾਹੁਲ ਅਤੇ ਸ਼੍ਰੇਅਸ ਅਈਅਰ ਦੀ ਟੀਮ 'ਚ ਵਾਪਸੀ ਦੇਖਣ ਨੂੰ ਮਿਲ ਸਕਦੀ ਹੈ।
ਉੱਥੇ ਹੀ ਵਨਡੇ ਵਰਲਡ ਕੱਪ ਤੋਂ ਪਹਿਲਾਂ ਟੀਮ ਦੇ ਸਾਹਮਣੇ 2 ਵੱਡੇ ਸਵਾਲ ਹਨ, ਜਿਸ 'ਚ ਪਹਿਲਾ ਸਵਾਲ ਹੈ ਕਿ ਨੰਬਰ-4 'ਤੇ ਕੌਣ ਬੱਲੇਬਾਜ਼ੀ ਕਰੇਗਾ? ਅਤੇ ਦੂਜਾ ਸਵਾਲ ਇਹ ਹੈ ਕਿ ਕਿਸ ਖਿਡਾਰੀ ਨੂੰ ਵਿਕਟਕੀਪਰ ਵਜੋਂ ਮੌਕਾ ਮਿਲੇਗਾ। ਅਜਿਹੇ 'ਚ ਇਨ੍ਹਾਂ ਦੋਵਾਂ ਖਿਡਾਰੀਆਂ ਦੀ ਵਾਪਸੀ ਨਾਲ ਭਾਰਤੀ ਟੀਮ ਨੂੰ ਰਾਹਤ ਮਿਲਣ ਦੀ ਉਮੀਦ ਹੈ।
ਵੈਸਟਇੰਡੀਜ਼ ਖਿਲਾਫ 3 ਮੈਚਾਂ ਦੀ ਵਨਡੇ ਸੀਰੀਜ਼ ਦੌਰਾਨ ਭਾਰਤੀ ਟੀਮ ਨੇ ਸੂਰਿਆਕੁਮਾਰ ਯਾਦਵ ਨੂੰ ਨੰਬਰ-4 'ਤੇ ਮੌਕਾ ਦਿੱਤਾ ਪਰ ਉਹ ਇਕ ਵਾਰ ਵੀ 40 ਦੌੜਾਂ ਦਾ ਅੰਕੜਾ ਪਾਰ ਨਹੀਂ ਕਰ ਸਕੇ। ਉੱਥੇ ਹੀ ਸੰਜੂ ਸੈਮਸਨ ਨੇ ਯਕੀਨੀ ਤੌਰ 'ਤੇ ਅਰਧ ਸੈਂਕੜੇ ਵਾਲੀ ਪਾਰੀ ਖੇਡੀ ਸੀ। ਇਸ ਤੋਂ ਬਾਅਦ ਟੀ-20 ਸੀਰੀਜ਼ 'ਚ ਉਨ੍ਹਾਂ ਦਾ ਬੇਹੱਦ ਖਰਾਬ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ।
ਇਹ ਵੀ ਪੜ੍ਹੋ: Sagar Dhankhar Murder: ਓਲੰਪਿਕ ਮੈਡਲਿਸਟ ਸੁਸ਼ੀਲ ਕੁਮਾਰ ਨੇ ਕੀਤਾ ਆਤਮ ਸਮਰਪਣ, ਜੂਨੀਅਰ ਪਹਿਲਵਾਨ ਦੀ ਹੱਤਿਆ ਮਾਮਲੇ 'ਚ ਹੈ ਮੁੱਖ ਦੋਸ਼ੀ
ਵੈਸਟਇੰਡੀਜ਼ ਦੌਰੇ 'ਤੇ ਟੀ-20 ਸੀਰੀਜ਼ 3-2 ਨਾਲ ਹਾਰਨ ਤੋਂ ਬਾਅਦ ਹੁਣ ਕੋਚ ਰਾਹੁਲ ਦ੍ਰਾਵਿੜ ਨੇ ਆਪਣੇ ਬਿਆਨ ਨਾਲ ਇਸ਼ਾਰਾ ਕੀਤਾ ਹੈ ਕਿ ਕੇਐੱਲ ਰਾਹੁਲ ਅਤੇ ਅਈਅਰ ਦੀ ਏਸ਼ੀਆ ਕੱਪ 'ਚ ਵਾਪਸੀ ਹੋ ਸਕਦੀ ਹੈ। ਦ੍ਰਾਵਿੜ ਨੇ ਕਿਹਾ ਕਿ ਵਿਸ਼ਵ ਕੱਪ 'ਚ ਸਾਡੀ ਟੀਮ ਇਸ ਤੋਂ ਬਹੁਤ ਵੱਖਰੀ ਹੋਵੇਗੀ।
ਇਸ ਦੌਰੇ 'ਤੇ ਸਾਡੇ ਕੋਲ ਟੀਮ 'ਚ ਹੋਰ ਵਿਕਲਪ ਅਜ਼ਮਾਉਣ ਦਾ ਮੌਕਾ ਨਹੀਂ ਸੀ। ਆਉਣ ਵਾਲੇ ਸਮੇਂ ਵਿੱਚ ਸਾਨੂੰ ਕੁਝ ਖੇਤਰਾਂ ਵੱਲ ਧਿਆਨ ਦੇਣਾ ਹੋਵੇਗਾ ਜਿੱਥੇ ਅਸੀਂ ਬਿਹਤਰ ਕਰ ਸਕਦੇ ਹਾਂ। ਸਾਨੂੰ ਬੱਲੇਬਾਜ਼ੀ ਵਿੱਚ ਹੋਰ ਡੂੰਘਾਈ ਦੀ ਲੋੜ ਹੈ, ਪਰ ਉੱਥੇ ਹੀ ਸਾਨੂੰ ਗੇਂਦਬਾਜ਼ੀ ਵੱਲ ਵੀ ਪੂਰਾ ਧਿਆਨ ਦੇਣਾ ਹੋਵੇਗਾ।
ਕੇਐਲ ਰਾਹੁਲ ਦੀ ਵਾਪਸੀ ਤੈਅ
IPL ਦੇ 16ਵੇਂ ਸੀਜ਼ਨ 'ਚ ਸੱਟ ਲੱਗਣ ਤੋਂ ਬਾਅਦ ਬਾਹਰ ਚੱਲ ਰਹੇ ਕੇਐੱਲ ਰਾਹੁਲ ਨੇ ਲਗਭਗ ਆਪਣੀ ਪੂਰੀ ਫਿਟਨੈੱਸ ਮੁੜ ਹਾਸਲ ਕਰ ਲਈ ਹੈ। ਇਸ ਦਾ ਅੰਦਾਜ਼ਾ ਐੱਨਸੀਏ 'ਚ ਰਾਹੁਲ ਦੇ ਅਭਿਆਸ ਵੀਡੀਓ ਤੋਂ ਲਗਾਇਆ ਜਾ ਰਿਹਾ ਹੈ। ਇਸ ਕਰਕੇ ਉਨ੍ਹਾਂ ਦੇ ਆਉਣ ਵਾਲੇ ਏਸ਼ੀਆ ਕੱਪ 'ਚ ਵਿਕਟਕੀਪਰ ਬੱਲੇਬਾਜ਼ ਦੇ ਤੌਰ 'ਤੇ ਵਾਪਸੀ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ: India Vs West Indies : ਟੀਮ ਇੰਡੀਆ 5 ਟੀ-20 ਮੈਚਾਂ ਦੀ ਸੀਰੀਜ਼ 'ਚ 3-2 ਨਾਲ ਹਾਰੀ, ਕੀ ਰਿਹਾ ਮੈਚ ਦਾ ਪੂਰਾ ਹਾਲ?