Rohit Sharma Ranji Trophy 2025: ਮੁੰਬਈ ਅਤੇ ਜੰਮੂ ਕਸ਼ਮੀਰ ਵਿਚ ਰਣਜੀ ਟਰਾਫੀ 2025 (Ranji Trophy 2025) ਦਾ ਮੈਚ ਖੇਡਿਆ ਗਿਆ। ਜੰਮੂ-ਕਸ਼ਮੀਰ ਨੇ ਇਸ ਮੈਚ ਵਿੱਚ ਸ਼ਨੀਵਾਰ ਨੂੰ ਮੁੰਬਈ ਨੂੰ ਹਰਾ ਦਿੱਤਾ ਸੀ। ਟੀਮ ਇੰਡੀਆ ਕਪਤਾਨ ਰੋਹਿਤ ਸ਼ਰਮਾ ਮੁੰਬਈ ਲਈ ਖੇਡ ਰਹੇ ਸਨ। ਉਹ ਇਸ ਮੈਚ ਵਿੱਚ ਕੁਝ ਖਾਸ ਨਹੀਂ ਕਰ ਸਕੇ। ਪਰ ਮੈਚ ਦੇ ਦੌਰਾਨ, ਰੋਹਿਤ ਦੀ ਸੁਰੱਖਿਆ ਦੇ ਵਿੱਚ ਕੁਤਾਹੀ ਦੇਖਣ ਨੂੰ ਮਿਲੀ। ਇੱਕ ਨੌਜਵਾਨ ਮੈਦਾਨ ਵਿੱਚ ਦਾਖਲ ਹੋਇਆ ਅਤੇ ਰੋਹਿਤ ਕੋਲ ਪਹੁੰਚ ਗਿਆ। ਹਾਲਾਂਕਿ, ਇਸ ਤੋਂ ਤੁਰੰਤ ਬਾਅਦ, ਉਸਨੂੰ ਵੀ ਬਾਹਰ ਵੀ ਕੀਤਾ ਗਿਆ।
ਦਰਅਸਲ, ਜੰਮੂ ਕਸ਼ਮੀਰ ਦੀ ਟੀਮ ਬੈਟਿੰਗ ਕਰ ਰਹੀ ਸੀ। ਇਸ ਦੌਰਾਨ, ਮੰਬਈ ਲਈ ਰੋਹਿਤ ਫੀਲਡਿੰਗ ਕਰ ਰਹੇ ਸਨ। ਜੰਮੂ ਕਸ਼ਮੀਰ ਦੀ ਪਾਰੀ ਦੇ ਦੌਰਾਨ ਇੱਕ ਫੈਨ ਮੈਦਾਨ ਵਿੱਚ ਘੁਸ ਆਇਆ ਅਤੇ ਉਹ ਰੋਹਿਤ ਤੱਕ ਭੱਜ ਕੇ ਪਹੁੰਚ ਗਿਆ। ਇਹ ਦੇਖ ਕੇ ਉਥੇ ਖੜੇ ਸੁਰੱਖਿਆ ਕਰਮਚਾਰੀ ਤੁਰੰਤ ਗਤੀਵਿਧੀ ਵਿੱਚ ਆ ਗਏ ਅਤੇ ਫੈਨ ਤੱਕ ਪਹੁੰਚ ਗਏ। ਫੈਨ ਨੇ ਰੋਹਿਤ ਨਾਲ ਹੱਥ ਮਿਲਾਇਆ ਅਤੇ ਫਿਰ ਉਸਨੂੰ ਬਾਹਰ ਕਰ ਦਿੱਤਾ ਗਿਆ। ਹਾਲਾਂਕਿ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਕੋਈ ਫੈਨ ਮੈਦਾਨ ਵਿੱਚ ਵੜਿਆ ਹੋਵੇ, ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਐਸਾ ਹੋ ਚੁੱਕਾ ਹੈ। ਇਸ ਘਟਨਾ ਦਾ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਹੋ ਰਿਹਾ ਹੈ।
ਜੰਮੂ ਕਸ਼ਮੀਰ ਨੇ ਦਰਜ ਕੀਤੀ ਦਮਦਾਰ ਜਿੱਤ -
ਜੰਮੂ ਕਸ਼ਮੀਰ ਨੇ ਮੰਬਈ ਦੇ ਖਿਲਾਫ ਇਤਿਹਾਸਿਕ ਜਿੱਤ ਦਰਜ ਕੀਤੀ। ਜੰਮੂ ਕਸ਼ਮੀਰ ਨੇ ਡਿਫੈਂਡਿੰਗ ਚੈਂਪੀਅਨ ਮੰਬਈ ਨੂੰ 5 ਵਿਕਟਾਂ ਨਾਲ ਹਰਾਇਆ। ਮੰਬਈ ਨੇ ਪਹਿਲੀ ਪਾਰੀ ਵਿੱਚ 120 ਰਨ ਅਤੇ ਦੂਜੀ ਪਾਰੀ ਵਿੱਚ 290 ਰਨ ਬਣਾਏ ਸਨ। ਟੀਮ ਦੇ ਲਈ ਸ਼ਾਰਦੁਲ ਠਾਕੁਰ ਨੇ ਪਹਿਲੀ ਪਾਰੀ ਵਿੱਚ ਅਰਧ ਸ਼ਤਕ ਅਤੇ ਦੂਜੀ ਪਾਰੀ ਵਿੱਚ ਸ਼ਤਕ ਲਗਾਇਆ। ਪਰ ਇਨ੍ਹਾਂ ਦੇ ਇਲਾਵਾ ਕੋਈ ਹੋਰ ਖਾਸ ਨਾ ਕਰ ਸਕਿਆ। ਇਸ ਦੇ ਜਵਾਬ ਵਿੱਚ ਜੰਮੂ ਕਸ਼ਮੀਰ ਨੇ ਪਹਿਲੀ ਪਾਰੀ ਵਿੱਚ 206 ਰਨ ਅਤੇ ਦੂਜੀ ਪਾਰੀ ਵਿੱਚ 207 ਰਨ ਬਣਾਏ ਅਤੇ ਮੈਚ ਜਿੱਤ ਲਿਆ।
ਰੋਹਿਤ ਦਾ ਖ਼ਰਾਬ ਪ੍ਰਦਰਸ਼ਨ -
ਰੋਹਿਤ ਮੰਬਈ ਲਈ ਓਪਨਿੰਗ ਕਰਨ ਆਏ ਸਨ। ਉਹ ਪਹਿਲੀ ਪਾਰੀ ਵਿੱਚ 3 ਰਨ ਬਣਾਕੇ ਆਊਟ ਹੋ ਗਏ ਸਨ। ਜਦਕਿ ਦੂਜੀ ਪਾਰੀ ਵਿੱਚ 28 ਰਨ ਬਣਾਕੇ ਆਊਟ ਹੋਏ। ਉਹ ਇਸ ਤੋਂ ਪਹਿਲਾਂ ਵੀ ਕੁਝ ਖਾਸ ਨਹੀਂ ਕਰ ਪਾਏ ਸਨ।