ਪਾਕਿਸਤਾਨੀ ਅਲੀ 'ਤੇ ਭਾਰਾ ਪਿਆ ਇੰਗਲੈਂਡ ਦਾ ਅਲੀ
ਇੰਗਲੈਂਡ ਦੀ ਟੀਮ ਨੇ ਬੇਹਦ ਕਮਜੋਰ ਸ਼ੁਰੂਆਤ ਕੀਤੀ ਅਤੇ 72 ਰਨ ਦੇ ਸਕੋਰ ਤਕ ਇੰਗਲੈਂਡ ਦੀ ਟੀਮ 4 ਵਿਕਟ ਗਵਾ ਚੁੱਕੀ ਸੀ। ਪਰ ਫਿਰ ਬੇਅਰਸਟੋ ਅਤੇ ਸਟੋਕਸ ਮੈਦਾਨ 'ਤੇ ਟਿਕ ਗਏ। ਦੋਨਾ ਨੇ ਮਿਲਕੇ 5ਵੇਂ ਵਿਕਟ ਲਈ 103 ਰਨ ਜੋੜੇ।
ਸਟੋਕਸ ਨੇ 70 ਗੇਂਦਾਂ 'ਤੇ 69 ਰਨ ਦੀ ਪਾਰੀ ਖੇਡੀ। ਬੇਅਰਸਟੋ ਨੇ 83 ਗੇਂਦਾਂ 'ਤੇ 61 ਰਨ ਦਾ ਯੋਗਦਾਨ ਪਾਇਆ। ਮੋਇਨ ਅਲੀ ਨੇ ਗੇਂਦਬਾਜ਼ੀ ਕਰਦੇ ਹੋਏ 2 ਵਿਕਟ ਹਾਸਿਲ ਕਰਨ ਤੋਂ ਬਾਅਦ 48 ਗੇਂਦਾਂ 'ਤੇ 45 ਰਨ ਦੀ ਨਾਬਾਦ ਪਾਰੀ ਖੇਡੀ। ਪਾਕਿਸਤਾਨ ਦਾ ਰਖਿਆ 248 ਰਨ ਦਾ ਟੀਚਾ ਇੰਗਲੈਂਡ ਦੀ ਟੀਮ ਨੇ 48 ਓਵਰਾਂ 'ਚ ਪਾਰ ਕਰ ਲਿਆ।
ਕਮਜੋਰ ਸ਼ੁਰੂਆਤ ਦੇ ਬਾਵਜੂਦ ਜਿੱਤਿਆ ਇੰਗਲੈਂਡ
ਇਸ ਮੈਚ 'ਚ ਪਾਕਿਸਤਾਨ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਲਿਆ। ਪਾਕਿਸਤਾਨ ਨੇ ਧੀਮੀ ਸ਼ੁਰੂਆਤ ਕੀਤੀ ਅਤੇ ਟੀਮ ਨੇ 13ਵੇਂ ਓਵਰ 'ਚ 50 ਰਨ ਦਾ ਅੰਕੜਾ ਪਾਰ ਕੀਤਾ। ਇਸਤੋਂ ਬਾਅਦ ਪਾਕਿ ਟੀਮ ਨੇ ਸਕੋਰਿੰਗ ਰੇਟ ਦੀ ਰਫਤਾਰ ਵਧਾਈ ਅਤੇ 23ਵੇਂ ਓਵਰ 'ਚ 100 ਰਨ ਦਾ ਅੰਕੜਾ ਪਾਰ ਕੀਤਾ।
ਪਾਕਿਸਤਾਨੀ ਟੀਮ ਲਈ ਲਗਾਤਾਰ ਡਿਗਦੇ ਵਿਕਟ ਮੁਸੀਬਤ ਬਣ ਗਏ। ਜਦ ਵੀ ਪਾਕਿ ਟੀਮ ਨੇ ਰਨਾਂ ਦੀ ਰਫਤਾਰ ਵਧਾਈ ਤਾਂ ਟੀਮ ਨੂੰ ਡਿਗਦੇ ਵਿਕਟਾਂ ਨੇ ਰੋਕ ਲਿਆ। ਕਪਤਾਨ ਅਜ਼ਹਰ ਅਲੀ ਅਤੇ ਇਮਾਦ ਵਸੀਮ ਦੇ ਅਰਧ-ਸੈਂਕੜੇਆਂ ਨੇ ਪਾਕਿਸਤਾਨ ਨੂੰ ਸਨਮਾਨਜਨਕ ਸਕੋਰ ਤਕ ਪਹੁੰਚਾਇਆ। ਕਪਤਾਨ ਅਜ਼ਹਰ ਅਲੀ ਨੇ 104 ਗੇਂਦਾਂ 'ਤੇ 80 ਰਨ ਦੀ ਪਾਰੀ ਖੇਡੀ। ਇਮਾਦ ਵਸੀਮ ਨੇ 41 ਗੇਂਦਾਂ 'ਤੇ ਨਾਬਾਦ 57 ਰਨ ਬਣਾਏ। ਪਾਕਿਸਤਾਨ ਨੇ ਨਿਰਧਾਰਿਤ 50 ਓਵਰਾਂ 'ਚ 8 ਵਿਕਟਾਂ ਗਵਾ ਕੇ 247 ਰਨ ਬਣਾਏ।
ਪਾਕਿਸਤਾਨ ਕ੍ਰਿਕਟ ਟੀਮ ਨੇ ਟੈਸਟ ਮੈਚਾਂ 'ਚ ਪ੍ਰਭਾਵਿਤ ਕਰਨ ਤੋਂ ਬਾਅਦ ਵਨਡੇ ਮੈਚਾਂ 'ਚ ਆਪਣਾ ਨਿਰਾਸ਼ਾਜਨਕ ਖੇਡ ਜਾਰੀ ਰਖਿਆ ਹੈ। ਵੀਰਵਾਰ ਨੂੰ ਪਾਕਿ ਕ੍ਰਿਕਟ ਟੀਮ ਨੂੰ ਇੰਗਲੈਂਡ ਹੱਥੋਂ ਲਗਾਤਾਰ ਚੌਥੀ ਹਰ ਦਾ ਸਾਹਮਣਾ ਕਰਨਾ ਪਿਆ।
ਇੰਗਲੈਂਡ ਦੀ ਟੀਮ ਨੇ ਪਾਕਿਸਤਾਨ ਨੂੰ 4 ਵਿਕਟਾਂ ਨਾਲ ਮਾਤ ਦੇਕੇ ਸੀਰੀਜ਼ 'ਚ 4-0 ਦੀ ਲੀਡ ਹਾਸਿਲ ਕਰ ਲਈ।
ਪਾਕਿਸਤਾਨ - 247/8