ਨਡਾਲ ਨੂੰ ਮਾਤ ਦੇਕੇ ਫੈਡਰਰ ਨੇ ਜਿੱਤਿਆ 18ਵਾਂ ਗਰੈਂਡ ਸਲੈਮ ਖਿਤਾਬ
ਫੈਡਰਰ ਅਤੇ ਨਡਾਲ ਵਿਚਾਲੇ ਖੇਡਿਆ ਗਿਆ ਫਾਈਨਲ ਮੈਚ 5 ਸੈਟ ਤਕ ਚੱਲਿਆ। ਰੋਮਾਂਚ ਨਾਲ ਭਰਪੂਰ ਇਸ ਮੈਚ 'ਚ ਫੈਡਰਰ ਨੇ 6-4, 3-6, 6-1, 3-6, 6-3 ਦੇ ਫਰਕ ਨਾਲ ਬਾਜ਼ੀ ਮਾਰੀ।
ਇਹ ਮੈਚ ਜਿੱਤ ਫੈਡਰਰ ਨੇ ਆਸਟ੍ਰੇਲੀਅਨ ਓਪਨ ਗਰੈਂਡ ਸਲੈਮ ਦਾ ਖਿਤਾਬ ਵੀ ਆਪਣੇ ਨਾਮ ਕਰ ਲਿਆ।
ਪੁਰਸ਼ਾਂ ਦੇ ਸਿੰਗਲਸ ਕੈਟੇਗਰੀ 'ਚ ਰਫੈਲ ਨਡਾਲ ਅਤੇ ਰਾਜਰ ਫੈਡਰਰ ਵਿਚਾਲੇ ਖੇਡੇ ਗਏ ਫਾਈਨਲ 'ਚ ਫੈਡਰਰ ਨਰ ਜਿੱਤ ਦਰਜ ਕਰ ਲਈ ਹੈ।
ਇਹ ਰਾਜਰ ਫੈਡਰਰ ਦਾ 18ਵਾਂ ਗਰੈਂਡ ਸਲੈਮ ਖਿਤਾਬ ਹੈ। ਇਹ 7 ਸਾਲ ਬਾਅਦ ਪਹਿਲਾ ਮੌਕਾ ਹੈ ਜਦ ਫੈਡਰਰ ਨੇ ਆਸਟ੍ਰੇਲੀਅਨ ਓਪਨ ਗਰੈਂਡ ਸਲੈਮ ਦਾ ਖਿਤਾਬ ਆਪਣੇ ਨਾਮ ਕੀਤਾ ਹੈ।
ਇਸ ਮੈਚ ਫੈਡਰਰ ਨੇ ਪਹਿਲਾ, ਤੀਜਾ ਅਤੇ 5ਵਾਂ ਸੈਟ ਆਪਣੇ ਨਾਮ ਕਰ ਮੈਚ 'ਚ ਜਿੱਤ ਦਰਜ ਕੀਤੀ। ਹਾਲਾਂਕਿ ਮੈਚ ਤੋਂ ਬਾਅਦ ਫੈਡਰਰ ਨੇ ਕਿਹਾ ਕਿ ਟੈਨਿਸ ਦੀ ਖੇਡ ਬੇਹਦ ਮੁਸ਼ਕਿਲ ਹੈ ਅਤੇ ਇਸ 'ਚ ਡਰਾਅ ਜਾਂ ਟਾਈ ਨਹੀਂ ਹੁੰਦੀ ਪਰ ਜੇਕਰ ਅਜਿਹਾ ਹੁੰਦਾ ਤਾਂ ਓਹ ਅੱਜ ਦੀ ਜਿੱਤ ਨਡਾਲ ਨਾਲ ਸਾਂਝੀ ਕਰਨਾ ਚਾਹੁੰਦੇ।
ਨਡਾਲ ਨੇ ਮੈਚ ਤੋਂ ਬਾਅਦ ਕਿਹਾ ਕਿ ਇਸ ਮੈਚ 'ਚ ਫੈਡਰਰ ਨੇ ਬੇਹਤਰ ਖੇਡ ਵਿਖਾਇਆ। 35 ਸਾਲ ਦੀ ' ਖਿਤਾਬ ਆਪਣੇ ਨਾਮ ਕਰ ਫੈਡਰਰ ਆਸਟ੍ਰੇਲੀਅਨ ਓਪਨ ਜਿੱਤਣ ਵਾਲੇ ਦੂਜੇ ਸਭ ਤੋਂ ਉਮਰਦਰਾਜ ਖਿਡਾਰੀ ਬਣ ਗਏ ਹਨ।