ਢਾਕਾ - ਭਾਰਤ ਦੀ ਅੰਡਰ 18 ਹਾਕੀ ਟੀਮ ਨੇ ਏਸ਼ੀਆ ਕਪ ਦੇ ਸੈਮੀਫਾਈਨਲ 'ਚ ਪਾਕਿਸਤਾਨ ਨੂੰ ਮਾਤ ਦੇ ਦਿੱਤੀ। ਇਸਦੇ ਨਾਲ ਹੀ ਯੁਵਾ ਭਾਰਤੀ ਹਾਕੀ ਟੀਮ ਫਾਈਨਲ 'ਚ ਪਹੁੰਚ ਗਈ। ਸੈਮੀਫਾਈਨਲ 'ਚ ਭਾਰਤ ਨੇ ਪਾਕਿਸਤਾਨ ਨੂੰ 3-1 ਦੇ ਫਰਕ ਨਾਲ ਦਰੜਿਆ।
ਇਸ ਸੈਮੀਫਾਈਨਲ ਮੈਚ 'ਚ ਪਹਿਲਾ ਗੋਲ ਭਾਰਤੀ ਟੀਮ ਨੇ ਕੀਤਾ। ਭਾਰਤ ਲਈ ਸ਼ਿਵਮ ਆਨੰਦ ਨੇ ਪਹਿਲਾ ਗੋਲ ਕੀਤਾ। ਸ਼ਿਵਮ ਨੇ 7ਵੇਂ ਮਿਨਟ 'ਚ ਗੋਲ ਕੀਤਾ। ਹਾਫ ਟਾਈਮ ਤੋਂ ਠੀਕ ਪਹਿਲਾਂ ਭਾਰਤੀ ਟੀਮ ਨੂੰ ਪੈਨਲਟੀ ਕਾਰਨਰ ਮਿਲਿਆ ਜਿਸ 'ਤੇ ਦਿਲਪ੍ਰੀਤ ਸਿੰਘ ਨੇ ਗੋਲ ਕਰ ਭਾਰਤ ਨੂੰ 2-0 ਦੀ ਲੀਡ ਹਾਸਿਲ ਕਰਵਾ ਦਿੱਤੀ।
ਇਸਤੋਂ ਬਾਅਦ ਦੂਜੇ ਹਾਫ 'ਚ ਸੰਜੀਪ ਜੈਸ ਨੇ ਗੋਲ ਕਰ ਭਾਰਤ ਨੂੰ 3-0 ਦੀ ਲੀਡ ਹਾਸਿਲ ਕਰਵਾ ਦਿੱਤੀ। ਪਾਕਿਸਤਾਨ ਨੇ ਮੈਚ ਦੇ ਆਖਰੀ ਮਿਨਟਾਂ 'ਚ 1 ਗੋਲ ਜਰੂਰ ਕੀਤਾ ਪਰ ਉਸ ਵੇਲੇ ਤਕ ਕਾਫੀ ਦੇਰ ਹੋ ਚੁੱਕੀ ਸੀ। ਭਾਰਤ ਦੇ ਕੁੰਵਰ ਦਿਲਰਾਜ ਸਿੰਘ ਨੂੰ 'ਮੈਨ ਆਫ ਦ ਮੈਚ' ਚੁਣਿਆ ਗਿਆ। ਹੁਣ ਟੂਰਨਾਮੈਂਟ ਦਾ ਖਿਤਾਬੀ ਮੈਚ ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਖੇਡਿਆ ਜਾਵੇਗਾ।