ਅਸ਼ਵਿਨ ਆਸਰੇ ਟੀਮ ਇੰਡੀਆ ਦੀ ਵਾਪਸੀ
ਇੰਗਲੈਂਡ ਨੇ ਮੁੰਬਈ ਟੈਸਟ ਦੇ ਪਹਿਲੇ ਦਿਨ ਦਾ ਖੇਡ ਖਤਮ ਹੋਣ ਤਕ 5 ਵਿਕਟ ਗਵਾ ਕੇ 288 ਰਨ ਬਣਾਏ।
ਇੱਕ ਸਮੇਂ ਇੰਗਲੈਂਡ ਦੀ ਟੀਮ 2 ਵਿਕਟਾਂ ਗਵਾ ਕੇ 230 ਰਨ ਬਣਾ ਚੁੱਕੀ ਸੀ ਅਤੇ ਟੀਮ ਇੰਡੀਆ ਦੀ ਸਥਿਤੀ ਕਮਜ਼ੋਰ ਨਜਰ ਆ ਰਹੀ ਸੀ। ਪਰ ਫਿਰ ਇੱਕੋ ਓਵਰ 'ਚ ਜੈਨਿੰਗਸ ਅਤੇ ਅਲੀ ਨੂੰ ਆਊਟ ਕਰ ਅਸ਼ਵਿਨ ਨੇ ਕਮਾਲ ਕਰ ਵਿਖਾਇਆ ਅਤੇ ਮੈਚ 'ਚ ਭਾਰਤ ਦੀ ਵਾਪਸੀ ਕਰਵਾਈ।
ਅਸ਼ਵਿਨ ਦੀ ਫਿਰਕੀ ਹਿਟ
ਮੈਚ ਦੇ ਪਹਿਲੇ ਦਿਨ ਇੰਗਲੈਂਡ ਨੇ 5 ਵਿਕਟ ਗਵਾਏ ਜਿਸ ਚੋਂ 4 ਵਿਕਟ ਅਸ਼ਵਿਨ ਦੇ ਨਾਮ ਰਹੇ।
ਅਸ਼ਵਿਨ ਨੇ 30 ਓਵਰਾਂ 'ਚ 75 ਰਨ ਦੇਕੇ 4 ਵਿਕਟ ਹਾਸਿਲ ਕੀਤੇ।
ਮੈਚ ਦੇ ਪਹਿਲੇ ਦਿਨ ਡੈਬਿਊ ਕਰ ਰਹੇ ਜੈਨਿੰਗਸ ਨੇ ਦਮਦਾਰ ਸੈਂਕੜਾ ਜੜਕੇ ਇੰਗਲੈਂਡ ਨੂੰ ਦਮਦਾਰ ਸ਼ੁਰੂਆਤ ਦਿੱਤੀ। ਪਰ ਦਿਨ ਦਾ ਖੇਡ ਖਤਮ ਹੋਣ ਤੋਂ ਪਹਿਲਾਂ ਅਸ਼ਵਿਨ ਨੇ ਮੈਚ 'ਚ ਭਾਰਤ ਦੀ ਵਾਪਸੀ ਕਰਵਾ ਦਿੱਤੀ।
ਜੈਨਿੰਗਸ ਦਾ ਸੈਂਕੜਾ
ਕਪਤਾਨ ਕੁਕ 46 ਰਨ ਬਣਾ ਕੇ ਜਡੇਜਾ ਦੀ ਗੇਂਦ 'ਤੇ ਆਊਟ ਹੋਏ। ਪਰ ਜੈਨਿੰਗਸ ਨੇ ਆਪਣੀ ਦਮਦਾਰ ਬੱਲੇਬਾਜ਼ੀ ਜਾਰੀ ਰੱਖੀ। ਲੰਚ ਵੇਲੇ ਤਕ ਜੈਨਿੰਗਸ ਨੇ ਅਰਧ-ਸੈਂਕੜਾ ਪੂਰਾ ਕਰ ਲਿਆ ਸੀ ਅਤੇ ਫਿਰ ਦੂਜੇ ਸੈਸ਼ਨ ਦੌਰਾਨ ਇਸ ਯੁਵਾ ਬੱਲੇਬਾਜ ਨੇ ਡੈਬਿਊ 'ਤੇ ਸੈਂਕੜਾ ਠੋਕ ਦਿੱਤਾ।
ਇਸ ਮੈਚ 'ਚ ਇੰਗਲੈਂਡ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਲਿਆ। ਇੰਗਲੈਂਡ ਨੂੰ ਕਪਤਾਨ ਐਲਿਸਟਰ ਕੁਕ ਅਤੇ ਕੀਟਨ ਜੈਨਿੰਗਸ ਨੇ ਦਮਦਾਰ ਸ਼ੁਰੂਆਤ ਦਿੱਤੀ। ਦੋਨਾ ਨੇ ਮਿਲਕੇ ਪਹਿਲੇ ਵਿਕਟ ਲਈ 99 ਰਨ ਦੀ ਪਾਰਟਨਰਸ਼ਿਪ ਕੀਤੀ।
ਜੈਨਿੰਗਸ ਨੇ 112 ਰਨ ਦੀ ਪਾਰੀ ਖੇਡੀ। ਜੈਨਿੰਗਸ ਦੀ ਪਾਰੀ 'ਚ 13 ਚੌਕੇ ਸ਼ਾਮਿਲ ਸਨ। ਮੋਇਨ ਅਲੀ ਨੇ ਵੀ ਅਰਧ-ਸੈਂਕੜਾ ਠੋਕਿਆ ਅਤੇ 50 ਰਨ ਦਾ ਯੋਗਦਾਨ ਪਾਇਆ।