ਕਿੰਗਜ਼ ਇਲੈਵਨ ਦੇ ਮਾਲਕ ਨੇਸ ਵਾਡੀਆ ਨੇ ਕਿਹਾ ਕਿ ਅਸੀਂ ਸੀਪੀਐਲ 'ਚ ਸਮਝੌਤੇ 'ਤੇ ਹਸਤਾਖ਼ਰ ਕਰਨ ਦੇ ਨੇੜੇ ਹਾਂ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਦੱਸਿਆ ਹੈ ਕਿ ਬੀਸੀਸੀਆਈ ਤੋਂ ਇਜਾਜ਼ਤ ਮਿਲਣ ਤੋਂ ਬਾਅਦ ਇਸ ਸੌਦੇ ਬਾਰੇ ਹੋਰ ਵੇਰਵੇ ਸਾਹਮਣੇ ਆ ਜਾਣਗੇ। ਨੇਸ ਵਾਡੀਆ ਨੇ ਦੱਸਿਆ ਹੈ ਕਿ ਉਹ ਪਿਛਲੇ 10 ਮਹੀਨਿਆਂ ਤੋਂ ਇਸ ਟੀਮ ਨੂੰ ਖਰੀਦਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
ਦੱਸ ਦਈਏ ਕਿ ਸੇਂਟ ਲੂਸੀਆ ਸੀਪੀਐਲ ਵਿਚ ਹਿੱਸਾ ਲੈਣ ਵਾਲੀਆਂ 6 ਟੀਮਾਂ ਚੋਂ ਇੱਕ ਹੈ। ਇਸ ਟੀਮ ਦੀ ਅਗਵਾਈ ਡੇਰੇਨ ਸੈਮੀ ਕਰ ਰਹੇ ਹਨ, ਜਿਸ ਨੇ ਟੀ-20ਵਿਸ਼ਵ ਕੱਪ ਦਾ ਖਿਤਾਬ ਵੈਸਟਇੰਡੀਜ਼ ਨੂੰ ਜਿੱਤਿਆ ਸੀ। ਇਸ ਤੋਂ ਪਹਿਲਾਂ 2015 ਵਿੱਚ, ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਸੀਪੀਐਲ ਦੀ ਤ੍ਰਿਣਬਾਗੋ ਨਾਈਟ ਰਾਈਡਰਜ਼ ਟੀਮ ਨੂੰ ਖਰੀਦਿਆ ਸੀ।
ਕੈਰੇਬੀਅਨ ਪ੍ਰੀਮੀਅਰ ਲੀਗ ਦੀ ਸ਼ੁਰੂਆਤ 2013 'ਚ ਹੋਈ ਸੀ ਅਤੇ ਹੁਣ ਲੀਗ ਦੁਨੀਆ ਦੀ ਮਸ਼ਹੂਰ ਕ੍ਰਿਕਟ ਲੀਗ ਦੀ ਸੂਚੀ 'ਚ ਹੈ। ਇਸ ਸਾਲ ਕੈਰੇਬੀਅਨ ਪ੍ਰੀਮੀਅਰ ਲੀਗ 19 ਅਗਸਤ ਤੋਂ 26 ਸਤੰਬਰ ਤੱਕ ਖੇਡੀ ਜਾਏਗੀ।