ਮੈਚ ਹਾਰੇ ਪਰ ਮਿਲ ਗਿਆ ਚੈਂਪੀਅਨ

ਲੋਕੇਸ਼ ਰਾਹੁਲ ਨੇ ਆਪਣਾ ਅਰਧ-ਸੈਂਕੜਾ 26 ਗੇਂਦਾਂ 'ਤੇ ਪੂਰਾ ਕੀਤਾ। ਅਰਧ-ਸੈਂਕੜੇ ਤਕ ਪਹੁੰਚਦਿਆਂ ਲੋਕੇਸ਼ ਰਾਹੁਲ ਨੇ 7 ਚੌਕੇ ਅਤੇ 1 ਛੱਕਾ ਜੜਿਆ। ਇਸਤੋਂ ਬਾਅਦ ਲੋਕੇਸ਼ ਰਾਹੁਲ ਦੀ ਸਕੋਰਿੰਗ 'ਚ ਹੋਰ ਤੇਜ਼ੀ ਆਈ। ਲੋਕੇਸ਼ ਰਾਹੁਲ ਨੇ 46 ਗੇਂਦਾਂ 'ਤੇ ਸੈਂਕੜਾ ਪੂਰਾ ਕੀਤਾ।

ਪਰ ਫਿਰ ਲੋਕੇਸ਼ ਰਾਹੁਲ ਨੇ ਪਹਿਲਾਂ ਰੋਹਿਤ ਸ਼ਰਮਾ (62) ਨਾਲ ਮਿਲਕੇ ਤੀਜੇ ਵਿਕਟ ਲਈ 89 ਰਨ ਦੀ ਪਾਰਟਨਰਸ਼ਿਪ ਕੀਤੀ। ਫਿਰ ਲੋਕੇਸ਼ ਰਾਹੁਲ ਨੇ ਧੋਨੀ ਨਾਲ ਮਿਲਕੇ ਚੌਥੇ ਵਿਕਟ ਲਈ 105 ਰਨ ਜੋੜੇ। ਪਰ ਲੋਕੇਸ਼ ਰਾਹੁਲ ਦੇ ਚੌਕੇ-ਛੱਕੇ ਵੀ ਭਾਰਤ ਨੂੰ ਜਿੱਤ ਦੇ ਪਾਰ ਨਹੀਂ ਪਹੁੰਚਾ ਸਕੇ।

ਇਸ ਮੈਚ 'ਚ ਵੈਸਟ ਇੰਡੀਜ਼ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਨਿਰਧਾਰਿਤ 20 ਓਵਰਾਂ 'ਚ 6 ਵਿਕਟ ਗਵਾ ਕੇ 245 ਰਨ ਬਣਾਏ। ਜਵਾਬ 'ਚ ਇੱਕ ਸਮੇਂ ਭਾਰਤੀ ਟੀਮ 5ਵੇਂ ਓਵਰ 'ਚ 48 ਰਨ 'ਤੇ 2 ਵਿਕਟ ਗਵਾ ਚੁੱਕੀ ਸੀ।

ਲੋਕੇਸ਼ ਰਾਹੁਲ ਨੇ ਵੈਸਟ ਇੰਡੀਜ਼ ਖਿਲਾਫ ਧਮਾਕੇਦਾਰ ਸੈਂਕੜਾ ਠੋਕਿਆ। ਪਰ ਲੋਕੇਸ਼ ਰਾਹੁਲ ਦੀ ਦਮਦਾਰ ਪਾਰੀ ਵੀ ਭਾਰਤ ਦੇ ਖਾਤੇ 'ਚ ਜਿੱਤ ਨਹੀਂ ਪਾ ਸਕੀ। ਲੋਕੇਸ਼ ਰਾਹੁਲ ਨੇ ਨਾਬਾਦ 110 ਰਨ ਬਣਾਏ। ਭਾਰਤ ਨੂੰ ਆਖਰੀ ਗੇਂਦ 'ਤੇ ਜਿੱਤ ਲਈ 2 ਅਤੇ ਮੈਚ ਟਾਈ ਕਰਨ ਲਈ 1 ਰਨ ਚਾਹੀਦਾ ਸੀ।

ਕਪਤਾਨ ਧੋਨੀ ਸਟ੍ਰਾਈਕ 'ਤੇ ਸਨ। ਧੋਨੀ ਆਖਰੀ ਗੇਂਦ 'ਤੇ ਬ੍ਰਾਵੋ ਦੀ ਸੁੱਟੀ ਗੇਂਦ 'ਤੇ ਸ਼ਾਰਟ ਫਾਈਨ ਲੈਗ 'ਤੇ ਸੈਮਿਉਲਸ ਨੂੰ ਕੈਚ ਥਮਾ ਬੈਠੇ। ਲੋਕੇਸ਼ ਰਾਹੁਲ ਨਾਨ-ਸਟ੍ਰਾਈਕਰ ਐਂਡ 'ਤੇ ਖੜੇ ਵੇਖਦੇ ਰਹਿ ਗਏ।

ਲੋਕੇਸ਼ ਰਾਹੁਲ ਨੇ 51 ਗੇਂਦਾਂ 'ਤੇ ਨਾਬਾਦ 110 ਰਨ ਬਣਾਏ। ਲੋਕੇਸ਼ ਰਾਹੁਲ ਦੀ ਪਾਰੀ 'ਚ 12 ਚੌਕੇ ਅਤੇ 5 ਛੱਕੇ ਸ਼ਾਮਿਲ ਸਨ। ਭਾਰਤ ਇਹ ਮੈਚ ਤਾਂ ਨਹੀਂ ਜਿੱਤ ਸਕਿਆ ਪਰ ਭਾਰਤ ਨੂੰ ਇਸ ਮੈਚ 'ਚ ਇੱਕ ਚੈਂਪੀਅਨ ਖਿਡਾਰੀ ਜਰੂਰ ਮਿਲ ਗਿਆ।