ਇੱਕੋ ਈਵੈਂਟ 'ਚ 2 ਖਿਡਾਰੀਆਂ ਦੇ ਗੋਲਡ ਮੈਡਲ, ਕੋਈ ਸਿਲਵਰ ਮੈਡਲ ਨਹੀਂ
ਰੀਓ ਓਲੰਪਿਕਸ 'ਚ ਸਵੀਮਿੰਗ 'ਚ ਇੱਕ ਤੋਂ ਵਧ ਕੇ ਇੱਕ ਕਮਾਲ ਵੇਖਣ ਨੂੰ ਮਿਲੇ। ਪਰ 11 ਅਗਸਤ (ਵੀਰਵਾਰ) ਨੂੰ ਤੈਰਾਕੀ 'ਚ ਅਜਿਹਾ ਕਮਾਲ ਹੋਇਆ ਕਿ ਵੇਖਣ ਵਾਲੇ ਹੈਰਾਨ ਰਹਿ ਗਏ। ਇਥੋਂ ਤਕ ਕੇ ਤੈਰਾਕ ਵੀ ਹੈਰਾਨ ਸਨ ਕਿ ਇਹ ਹੋ ਕਿਵੇਂ ਗਿਆ।
ਪਰ ਅਸਲੀ ਕਮਾਲ ਕੀਤਾ ਅਮਰੀਕਾ ਦੀ ਸੀਮੋਨ ਮੈਨੂਅਲ ਅਤੇ ਕੈਨੇਡਾ ਦੀ ਪੈਨੀ ਓਲੈਕਸੀਆਕ ਨੇ। ਇਨ੍ਹਾਂ ਦੋਨੇ ਤੈਰਾਕਾਂ ਨੇ 100m ਈਵੈਂਟ 52.70 ਸੈਕਿੰਡਸ ਦੇ ਸਮੇਂ 'ਚ ਪੂਰਾ ਕਰ ਨਵਾਂ ਓਲੰਪਿਕ ਰਿਕਾਰਡ ਵੀ ਬਣਾਇਆ ਅਤੇ ਦੋਨਾ ਨੇ ਹੀ ਗੋਲਡ ਮੈਡਲ ਆਪਣੇ ਨਾਮ ਕਰ ਲਏ।
ਇਹ ਓਲੰਪਿਕ ਇਤਿਹਾਸ 'ਚ ਆਪਣੇ ਹੀ ਕਿਸਮ ਦਾ ਰਿਕਾਰਡ ਹੈ ਕਿ ਇੱਕੋ ਈਵੈਂਟ 'ਚ ਕਿਸੇ ਨੂੰ ਸਿਲਵਰ ਮੈਡਲ ਹੀ ਨਹੀਂ ਮਿਲਿਆ ਉਸੇ ਈਵੈਂਟ 'ਚ 2 ਗੋਲਡ ਮੈਡਲ ਜਿੱਤੇ ਗਏ।
ਮਹਿਲਾਵਾਂ ਦੀ 100m ਫ੍ਰੀਸਟਾਈਲ ਈਵੈਂਟ 'ਚ ਕੇਟ ਕੈਂਪਬੈਲ ਨੂੰ ਜਿੱਤ ਦੇ ਮੁੱਖ ਦਾਵੇਦਾਰ ਮੰਨਿਆ ਜਾ ਰਿਹਾ ਸੀ। ਪਰ ਕੇਟ ਕੈਂਪਬੈਲ ਇਸ ਈਵੈਂਟ 'ਚ 6ਵੇਂ ਸਥਾਨ 'ਤੇ ਰਹੀ।
ਮਹਿਲਾਵਾਂ ਦੀ 100m ਫ੍ਰੀ ਸਟਾਈਲ ਈਵੈਂਟ 'ਚ ਦੋ ਸਵਿਮਰਸ ਨੇ ਗੋਲਡ ਮੈਡਲ ਜਿੱਤੇ। ਇਸ ਈਵੈਂਟ 'ਚ ਜੋ ਕਾਰਨਾਮਾ ਹੋਇਆ ਉਸਨੂੰ 'ਡੈੱਡ ਹੀਟ' ਕਹਿੰਦੇ ਹਨ।
ਪੁਰਾਣਾ ਓਲੰਪਿਕ ਰਿਕਾਰਡ 52.71 ਸੈਕਿੰਡਸ ਦਾ ਸੀ ਜੋ ਇਨ੍ਹਾਂ ਤੈਰਾਕਾਂ ਨੇ ਤੋੜਿਆ। ਇਸੇ ਈਵੈਂਟ 'ਚ ਸਵੀਡਨ ਦੀ ਸਾਰਾਹ ਸਜੋਸਟਰੋਮ ਤੀਜੇ ਸਥਾਨ 'ਤੇ ਰਹੀ।
ਅਮਰੀਕਾ ਅਤੇ ਕੈਨੇਡਾ ਦੀ ਤੈਰਾਕ ਮੈਡਲ ਸੈਰੇਮਨੀ ਦੌਰਾਨ ਵੀ ਇੱਕ ਦੂਜੇ ਵਲ ਦੇਖ ਕੇ ਹੈਰਾਨ ਸੀ ਅਤੇ ਦੋਨੇ ਹੀ ਇੱਕ ਦੂਜੇ ਨੂੰ ਜਿੱਤ ਦੀ ਵਧਾਈ ਦੇ ਰਹੀਆਂ ਸਨ। ਦਰਸ਼ਕਾਂ ਨੇ ਵੀ ਇਸ ਕਾਰਨਾਮੇ ਨੂੰ ਵੇਖ ਖੂਬ ਮਜ਼ਾ ਲਿਆ ਅਤੇ ਮੈਡਲ ਸੈਰੇਮਨੀ ਦੌਰਾਨ ਵੀ ਦਰਸ਼ਕ ਹੈਰਾਨ ਸਨ ਕਿ ਕਾਂਸੀ ਦੇ ਤਗਮੇ ਤੋਂ ਬਾਅਦ ਸਿੱਧੇ 2 ਗੋਲਡ ਮੈਡਲ ਦਿੱਤੇ ਜਾ ਰਹੇ ਹਨ।
ਰੀਓ ਓਲੰਪਿਕਸ 'ਚ ਸਵੀਮਿੰਗ 'ਚ ਇੱਕ ਤੋਂ ਵਧ ਕੇ ਇੱਕ ਕਮਾਲ ਵੇਖਣ ਨੂੰ ਮਿਲੇ। ਪਰ 11 ਅਗਸਤ (ਵੀਰਵਾਰ) ਨੂੰ ਤੈਰਾਕੀ 'ਚ ਅਜਿਹਾ ਕਮਾਲ ਹੋਇਆ ਕਿ ਵੇਖਣ ਵਾਲੇ ਹੈਰਾਨ ਰਹਿ ਗਏ। ਇਥੋਂ ਤਕ ਕੇ ਤੈਰਾਕ ਵੀ ਹੈਰਾਨ ਸਨ ਕਿ ਇਹ ਹੋ ਕਿਵੇਂ ਗਿਆ।