ਮੰਗਲਵਾਰ ਨੂੰ ਰੈਸਲਿੰਗ ਤੇ ਬੈਡਮਿੰਟਨ ਦੇ ਮੈਚ
ਰੀਓ ਓਲੰਪਿਕਸ 'ਚ ਅੱਜ ਭਾਰਤ ਦੇ ਸਿਰਫ 2 ਮੁਕਾਬਲੇ ਹੋਣਗੇ। ਭਾਰਤੀ ਖਿਡਾਰੀਆਂ ਨੂੰ ਅੱਜ ਜਾਦਾ ਮੁਸ਼ੱਕਤ ਨਹੀਂ ਕਰਨੀ ਪਵੇਗੀ। ਭਾਰਤ ਦੇ ਜਾਦਾ ਖਿਡਾਰੀ ਹੁਣ ਤਕ ਹਾਰ ਝੱਲ ਕੇ ਵੈਸੇ ਹੀ ਓਲੰਪਿਕਸ ਤੋਂ ਬਾਹਰ ਹੋ ਚੁੱਕੇ ਹਨ। ਹੁਣ ਬਾਕੀ ਬਚੇ ਖਿਡਾਰੀ ਆਪਣਾ ਦਮ ਆਜ਼ਮਾ ਰਹੇ ਹਨ।
ਅੱਜ ਭਾਰਤ ਲਈ ਇੱਕ ਰੈਸਲਿੰਗ ਅਤੇ ਇੱਕ ਬੈਡਮਿੰਟਨ ਦਾ ਮੁਕਾਬਲਾ ਹੋਣਾ ਹੈ। ਭਾਰਤ ਲਈ ਅੱਜ ਇੱਕ ਪਾਸੇ ਪੀ.ਵੀ. ਸਿੰਧੂ ਮੈਦਾਨ 'ਚ ਉਤਰੇਗੀ ਅਤੇ ਦੂਜੇ ਪਾਸੇ ਹਰਦੀਪ ਸਿੰਘ ਦਮ ਅਜਮਾਉਣਗੇ।
ਰੈਸਲਿੰਗ 'ਚ ਕੱਲ ਭਾਰਤ ਨੇ ਓਲੰਪਿਕ ਅਭਿਆਨ ਦੀ ਸ਼ੁਰੂਆਤ ਨਿਰਾਸ਼ਾਜਨਕ ਅੰਦਾਜ਼ 'ਚ ਕੀਤੀ। ਰਵਿੰਦਰ ਖਤਰੀ ਆਪਣਾ ਮੁਕਾਬਲਾ ਹਾਰ ਗਏ। ਅੱਜ ਰੈਸਲਿੰਗ ਦੀ ਗਰੀਕੋ ਰੋਮਨ ਸਟਾਈਲ 'ਚ ਹਰਦੀਪ ਸਿੰਘ ਭਾਰਤ ਦੀ ਦਾਵੇਦਾਰੀ ਪੇਸ਼ ਕਰਨਗੇ।
ਬੈਡਮਿੰਟਨ : ਮਹਿਲਾ ਕੁਆਟਰਫਾਈਨਲ 3.25 am : ਪੀ.ਵੀ. ਸਿੰਧੂ ਬਨਾਮ ਵਾਂਗ ਯੀਹਾਨ (ਚੀਨ)
ਰੈਸਲਿੰਗ : ਪੁਰੁਸ਼ 98kg ਗਰੀਕੋ ਰੋਮਨ ਸਟਾਈਲ 7.10 pm : ਹਰਦੀਪ ਸਿੰਘ
ਬੈਡਮਿੰਟਨ 'ਚ ਮਹਿਲਾ ਵਰਗ ਦੇ ਕੁਆਟਰਫਾਈਨਲ ਮੁਕਾਬਲੇ 'ਚ ਅੱਜ ਪੀ.ਵੀ. ਸਿੰਧੂ ਦੀ ਚੀਨ ਦੀ ਦਿੱਗਜ ਖਿਡਾਰਨ ਯੀਹਾਨ ਵਾਂਗ ਖਿਲਾਫ ਟੱਕਰ ਹੋਣੀ ਹੈ। ਇਹ ਮੁਕਾਬਲਾ ਜਿੱਤ ਸਿੰਧੂ ਕੋਲ ਸੈਮੀਫਾਈਨਲ 'ਚ ਐਂਟਰੀ ਕਰਨ ਦਾ ਮੌਕਾ ਹੈ। ਪ੍ਰੀਕੁਆਟਰਫਾਈਨਲ ਮੈਚ 'ਚ ਕੱਲ ਪੀ.ਵੀ. ਸਿੰਧੂ ਨੇ ਜਿੱਤ ਦਰਜ ਕੀਤੀ ਸੀ। ਸਿੰਧੂ ਨੇ ਚੀਨੀ ਤੇਈਪਈ ਦੀ ਖਿਡਾਰਨ ਖਿਲਾਫ 21-13, 21-15 ਦੇ ਫਰਕ ਨਾਲ ਜਿੱਤ ਦਰਜ ਕਰ ਕੁਆਟਰਫਾਈਨਲ 'ਚ ਐਂਟਰੀ ਕਰ ਲਈ। ਪਰ ਹੁਣ ਸਿੰਧੂ ਸਾਹਮਣੇ ਵੱਡੀ ਚੁਨੌਤੀ ਹੈ ਅਤੇ ਇਸ ਮੈਚ 'ਚ ਜਿੱਤ ਦਰਜ ਕਰਨਾ ਆਸਾਨ ਨਹੀਂ ਹੋਵੇਗਾ।