ਰੋਨਾਲਡੋ ਨੇ ਰਚਿਆ ਇਤਿਹਾਸ
ਮੈਚ ਦੇ ਪਹਿਲੇ ਹਾਫ 'ਚ ਮੁਕਾਬਲਾ ਬਰਾਬਰੀ ਦਾ ਰਿਹਾ ਅਤੇ ਦੋਨੇ ਟੀਮਾਂ ਨੇ ਦਮਦਾਰ ਖੇਡ ਵਿਖਾਉਂਦਿਆਂ ਲਗਾਤਾਰ ਅਟੈਕ ਕੀਤੇ।
ਪੁਰਤਗਾਲ ਦੇ ਕਪਤਾਨ ਕ੍ਰਿਸਟੀਆਨੋ ਰੋਨਾਲਡੋ ਨੇ ਆਪਣੇ ਬੇਹਤਰੀਨ ਪ੍ਰਦਰਸ਼ਨ ਨਾਲ ਯੂਰੋ ਕੱਪ ਦੇ ਫਾਈਨਲ 'ਚ ਐਂਟਰੀ ਪੁਰਤਗਾਲ ਦੀ ਐਂਟਰੀ ਕਰਵਾ ਦਿੱਤੀ।
ਹੁਣ ਫਾਈਨਲ 'ਚ ਪੁਰਤਗਾਲ ਦੀ ਟੱਕਰ ਅੱਜ ਰਾਤ ਹੋਣ ਵਾਲੇ ਜਰਮਨੀ ਤੇ ਫਰਾਂਸ ਦੇ ਸੈਮੀਫਾਈਨਲ ਦੀ ਜੇਤੂ ਟੀਮ ਨਾਲ ਹੋਵੇਗੀ।
ਰੋਨਾਲਡੋ ਨੇ ਯੂਰੋ ਕੱਪ 'ਚ ਚਲੇ ਆ ਰਹੇ ਵੇਲਸ ਦੇ ਜੇਤੂ ਅਭਿਆਨ ਨੂੰ ਵੀ ਰੋਕ ਦਿੱਤਾ। ਪੁਰਤਗਾਲ ਨੇ ਸੈਮੀਫਾਈਨਲ ਮੈਚ 'ਚ ਵੇਲਸ ਨੂੰ 2-0 ਨਾਲ ਹਰਾ ਕੇ ਫਾਈਨਲ ਦਾ ਟਿਕਟ ਕਟਵਾਇਆ।
ਪਹਿਲੇ ਹਾਫ ਦੇ ਅੰਤ ਤਕ ਸਕੋਰ 0-0 ਦੀ ਬਰਾਬਰੀ 'ਤੇ ਸੀ। ਪਰ ਦੂਜੇ ਹਾਫ 'ਚ ਸਟਾਰ ਖਿਡਾਰੀ ਰੋਨਾਲਡੋ ਨੇ ਮੈਚ ਦਾ ਪਾਸਾ ਪਲਟ ਦਿੱਤਾ। ਰੋਨਾਲਡੋ ਨੇ 50ਵੇਂ ਮਿਨਟ 'ਚ ਗੋਲ ਕਰ ਪੁਰਤਗਾਲ ਨੂੰ 1-0 ਦੀ ਲੀਡ ਹਾਸਿਲ ਕਰਵਾ ਦਿੱਤੀ। ਰੋਨਾਲਡੋ ਨੇ ਹੈਡਰ ਦੇ ਆਸਰੇ ਇਹ ਗੋਲ ਕੀਤਾ।
ਇਸ ਗੋਲ ਦੇ ਨਾਲ ਹੀ ਰੋਨਾਲਡੋ ਨੇ ਯੂਰੋ ਕੱਪ 'ਚ ਸਭ ਤੋਂ ਵਧ ਗੋਲ ਕਰਨ ਦੀ ਮਾਈਕਲ ਪਲਾਤੀਨੀ ਦੇ ਰਿਕਾਰਡ ਦੀ ਬਰਾਬਰੀ ਵੀ ਕਰ ਲਈ।
ਰੋਨਾਲਡੋ ਨੇ ਯੂਰੋ ਕੱਪ 'ਚ 9 ਗੋਲ ਕੀਤੇ ਹਨ। ਅਜੇ ਵੇਲਸ ਦੀ ਟੀਮ ਸੰਭਲੀ ਵੀ ਨਹੀਂ ਸੀ ਕਿ ਰੋਨਾਲਡੋ ਦੇ ਸ਼ਾਨਦਾਰ ਅਸਿਸਟ 'ਤੇ ਨਾਨੀ ਨੇ ਗੋਲ ਕਰ ਪੁਰਤਗਾਲ ਨੂੰ 2-0 ਨਾਲ ਅੱਗੇ ਕਰ ਦਿੱਤਾ।
ਰੋਨਾਲਡੋ ਅਤੇ ਬੇਲ ਦੀ ਟੱਕਰ 'ਚ ਰੋਨਾਲਡੋ ਜੇਤੂ ਰਹੇ। ਹਾਲਾਂਕਿ ਮੈਚ ਖਤਮ ਹੋਣ ਤੋਂ ਬਾਅਦ ਦੋਨੇ ਖਿਡਾਰੀਆਂ ਨੇ ਇੱਕ ਦੂਜੇ ਨਾਲ ਕਾਫੀ ਦੇਰ ਗਲਬਾਤ ਕੀਤੀ ਅਤੇ ਰੋਨਾਲਡੋ ਨੇ ਬੇਲ ਨੂੰ ਹੌਂਸਲਾ ਦਿੱਤਾ।
ਦੂਜਾ ਗੋਲ 53ਵੇਂ ਮਿਨਟ 'ਚ ਹੋਇਆ।
ਇਸ ਤੋਂ ਬਾਅਦ ਵੇਲਸ ਦੀ ਟੀਮ ਲਗਾਤਾਰ ਸੰਘਰਸ਼ ਕਰਦੀ ਰਹੀ ਪਰ ਟੀਮ ਗੋਲ ਕਰਨ 'ਚ ਨਾਕਾਮ ਰਹੀ ਅਤੇ ਪੁਰਤਗਾਲ ਨੇ ਮੈਚ 2-0 ਨਾਲ ਆਪਣੇ ਨਾਮ ਕਰ ਲਿਆ। ਇਸ ਮੈਚ ਨੂੰ ਰੋਨਾਲਡੋ vs ਗੈਰੇਥ ਬੇਲ ਦਾ ਨਾਮ ਵੀ ਦਿੱਤਾ ਜਾ ਰਿਹਾ ਸੀ।