ਸਾਨੀਆ ਮਿਰਜ਼ਾ ਨੇ ਅਧਿਕਾਰੀਆਂ ਸਾਹਮਣੇ ਪੇਸ਼ ਹੋਣ 'ਚ ਜਤਾਈ ਅਸਮਰਥਤਾ !
ਸਾਨੀਆ ਟੈਨਿਸ 'ਚ ਰੁਝੇਵੇਂ ਕਰਕੇ ਅਤੇ ਦੌਰੇ 'ਤੇ ਰਹਿਣ ਕਾਰਨ ਨਿਜੀ ਤੌਰ 'ਤੇ ਅਧਿਕਾਰੀਆਂ ਸਾਹਮਣੇ ਹਾਜਿਰ ਨਹੀਂ ਰਹਿ ਸਕਦੀ।
ਅਧਿਕਾਰੀਆਂ ਨਾਲ ਬੈਠਕ ਤੋਂ ਬਾਅਦ ਹੀ ਇਹ ਤੈਅ ਹੋਵੇਗਾ ਕਿ ਟੈਕਸ ਦਾ ਭੁਗਤਾਨ ਬਾਕੀ ਹੈ ਜਾਂ ਟੈਕਸ ਡਿਪਾਰਟਮੈਂਟ ਦਾ ਦਾਅਵਾ ਗਲਤ ਨਿਕਲਦਾ ਹੈ।
ਸਰਵਿਸ ਟੈਕਸ ਡਿਪਾਰਟਮੈਂਟ ਨੇ 6 ਫਰਵਰੀ ਨੂੰ ਟੈਨਿਸ ਸਟਾਰ ਸਾਨੀਆ ਮਿਰਜ਼ਾ ਨੂੰ ਨੋਟਿਸ ਜਾਰੀ ਕੀਤਾ ਸੀ ਅਤੇ ਉਨ੍ਹਾਂ ਨੂੰ 16 ਫਰਵਰੀ ਨੂੰ ਪੇਸ਼ ਹੋਣ ਲਈ ਕਿਹਾ ਸੀ।
ਹੁਣ ਸੰਭਾਵਨਾ ਹੈ ਕਿ ਸਾਨੀਆ ਦੀ ਜਗ੍ਹਾ ਕੋਈ ਨੁਮਾਇੰਦਾ ਅਧਿਕਾਰੀਆਂ ਨਾਲ ਬੈਠਕ ਕਰੇਗਾ।
ਸਰਵਿਸ ਟੈਕਸ ਦੇ ਕਥਿਤ 'ਤੌਰ ਤੇ ਭੁਗਤਾਨ ਨਾ ਕੀਤੇ ਜਾਣ 'ਤੇ ਕਥਿਤ ਟੈਕਸ ਚੋਰੀ ਦੇ ਲਈ ਟੈਨਿਸ ਸਟਾਰ ਸਾਨੀਆ ਮਿਰਜ਼ਾ ਨੂੰ ਸਰਵਿਸ ਟੈਕਸ ਡਿਪਾਰਟਮੈਂਟ ਵੱਲੋਂ ਨੋਟਿਸ ਭੇਜਿਆ ਗਿਆ ਸੀ।
ਹਾਲਾਂਕਿ ਖਬਰਾਂ ਹਨ ਕਿ ਸਾਨੀਆ ਮਿਰਜ਼ਾ ਆਸਟ੍ਰੇਲੀਆ 'ਚ ਹੈ ਅਤੇ ਉਥੋਂ ਓਹ ਅਮਰੀਕਾ ਜਾਵੇਗੀ।
ਕੁਝ ਵੈਬਸਾਈਟਸ 'ਤੇ ਆਈਆਂ ਖਬਰਾਂ ਅਨੁਸਾਰ 16 ਫਰਵਰੀ ਨੂੰ ਸਾਨੀਆ ਦੀ ਗੈਰਮੌਜੂਦਗੀ 'ਚ ਉਨ੍ਹਾਂ ਵੱਲੋਂ ਇੱਕ ਨੁਮਾਇੰਦਾ ਅਧਿਕਾਰੀਆਂ ਸਾਹਮਣੇ ਪੇਸ਼ ਹੋਵੇਗਾ।