ਹੈਦਰਾਬਾਦ 'ਚ ਸਿੰਧੂ ਦਾ ਧਮਾਕੇਦਾਰ ਸਵਾਗਤ
ਪੂਰੇ ਸ਼ਹਿਰ 'ਚ ਸਿੰਧੂ ਦੇ ਪੋਸਟਰ ਲੱਗੇ ਹਨ ਅਤੇ ਹਰ ਪਾਸੇ ਬਸ ਸਿੰਧੂ ਦਾ ਹੀ ਚਰਚਾ ਹੋ ਰਿਹਾ ਸੀ।
ਹੈਦਰਾਬਾਦ 'ਚ ਸਿੰਧੂ ਦਾ ਅਜਿਹਾ ਸਵਾਗਤ ਹੋਇਆ ਜਿਵੇਂ ਸਿੰਧੂ ਹੁਣੇ-ਹੁਣੇ ਮੈਚ ਖੇਡ ਕੇ ਹਟੀ ਹੋਵੇ। ਸਿੰਧੂ ਵੀ ਅਜਿਹਾ ਸਵਾਗਤ ਵੇਖ ਹੈਰਾਨ ਸੀ।
ਇਹ ਤਾਂ ਜਸ਼ਨ ਦੀ ਸ਼ੁਰੂਆਤ ਹੈ, ਅਜੇ ਆਉਣ ਵਾਲੇ ਕੁਝ ਦਿਨ ਹੈਦਰਾਬਾਦ ਅਤੇ ਪੂਰਾ ਦੇਸ਼ ਸਿੰਧੂ ਦੇ ਕਾਰਨਾਮੇ ਬਾਰੇ ਹੀ ਚਰਚਾ ਕਰਨ ਵਾਲਾ ਹੈ।
ਏਅਰਪੋਰਟ 'ਤੇ ਸਿੰਧੂ ਦੇ ਸਵਾਗਤ ਲਈ ਕਈ ਮੰਤਰੀ ਅਤੇ ਸੰਤਰੀ ਪਹੁੰਚੇ। ਸਿੰਧੂ ਨੂੰ ਗੁਲਦਸਤੇ ਦਿੱਤੇ ਗਏ ਅਤੇ ਮੰਤਰੀ ਸਿੰਧੂ ਨਾਲ ਸੈਲਫੀ ਲੈਣ 'ਚ ਵੀ ਵਿਅਸਤ ਹੋ ਗਏ।
GMC ਸਟੇਡੀਅਮ ਅਤੇ ਹੈਦਰਾਬਾਦ ਏਅਰਪੋਰਟ ਵਿਚਾਲੇ ਟ੍ਰੈਫਿਕ ਵੀ ਰੋਕ ਦਿੱਤਾ ਗਿਆ।
ਹੈਦਰਾਬਾਦ ਦੇ ਗਾਚੀਬੋਵਲੀ ਸਟੇਡੀਅਮ 'ਚ ਸਿੰਧੂ ਲਈ ਖਾਸ ਪ੍ਰੋਗਰਾਮ ਰਖਿਆ ਗਿਆ। ਇੱਥੇ ਸਕੋਲਿ ਬੱਚਿਆਂ ਨੇ ਸਿੰਧੂ ਦਾ ਸਵਾਗਤ ਕੀਤਾ। ਇਸਤੋਂ ਅਲਾਵਾ ਢੋਲ ਨਗਾੜੇ ਵੱਜੇ ਅਤੇ ਪੂਰੀ ਧੂਮ ਨਾਲ ਸਿੰਧੂ ਦੀ ਸਟੇਡੀਅਮ 'ਚ ਐਂਟਰੀ ਹੋਈ।
ਸਿੰਧੂ ਦੀ ਫਲਾਈਟ ਹੈਦਰਾਬਾਦ ਹਵਾਈ ਅੱਡੇ 'ਤੇ ਸਵੇਰੇ 9.30 ਵਜੇ ਪਹੁੰਚੀ। ਉਨ੍ਹਾਂ ਦੇ ਮਾਤਾ-ਪਿਤਾ ਅਤੇ ਸ਼ਹਿਰ ਦੀਆਂ ਕਈ ਮਸ਼ਹੂਰ ਹਸਤੀਆਂ ਉਨ੍ਹਾਂ ਦਾ ਸਵਾਗਤ ਕਰਨ ਲਈ ਪਹਿਲਾਂ ਤੋਂ ਹੀ ਹਵਾਈ ਅੱਡੇ ਪਹੁੰਚ ਗਏ ਸਨ।
ਫਿਰ ਡਬਲ-ਡੈਕਰ ਬਸ 'ਚ ਕੋਚ ਪੁਲੇਲਾ ਗੋਪੀਚੰਦ ਨਾਲ ਸਿੰਧੂ ਸਵਾਰ ਹੋ ਗਈ ਅਤੇ ਰਸਤੇ 'ਚ ਖੜੇ ਸਿੰਧੂ-ਸਿੰਧੂ ਦਾ ਸ਼ੋਰ ਮਚਾਉਂਦੇ ਲੋਕਾਂ ਵਿਚਾਲਿਓਂ ਸਿੰਧੂ ਦਾ ਕਾਫਿਲਾ ਗਾਚੀਬੋਵਲੀ ਸਟੇਡੀਅਮ ਵੱਲ ਵਧਿਆ।
ਹੈਦਰਾਬਾਦ ਪਹੁੰਚਣ 'ਤੇ ਸਿੰਧੂ ਦਾ ਨਿੱਘਾ ਸਵਾਗਤ ਹੋਇਆ। ਮੰਨੋ ਪੂਰਾ ਹੈਦਰਾਬਾਦ ਆਪਣੇ ਬੇਟੀ ਦਾ ਸਵਾਗਤ ਕਰਨ ਦੀ ਉਡੀਕ ਕਰ ਰਿਹਾ ਹੋਵੇ।
ਰੀਓ ਓਲੰਪਿਕਸ 'ਚ ਭਾਰਤ ਦੀ ਪੀ.ਵੀ. ਸਿੰਧੂ ਨੇ ਇਤਿਹਾਸ ਰਚ ਦਿੱਤਾ। ਸਿੰਧੂ ਨੇ ਬੈਡਮਿੰਟਨ ਦੇ ਸਿੰਗਲਸ ਫਾਈਨਲ 'ਚ ਧਮਾਕੇਦਾਰ ਖੇਡ ਵਿਖਾਇਆ ਪਰ ਦੇਸ਼ ਲਈ ਸਿੰਧੂ ਦਾ ਗੋਲਡ ਜਿੱਤਣ ਦਾ ਸੁਪਨਾ ਪੂਰਾ ਨਹੀਂ ਹੋ ਸਕਿਆ।
ਗੋਲਡ ਚਾਹੇ ਨਾ ਜਿੱਤਿਆ ਹੋਵੇ ਪਰ ਸਿੰਧੂ ਨੇ ਪੂਰੇ ਦੇਸ਼ ਦਾ ਦਿਲ ਜਿੱਤ ਲਿਆ। ਅੱਜ ਹਰ ਕਿਸੇ ਦੀ ਜ਼ੁਬਾਨ 'ਤੇ ਇੱਕੋ ਨਾਮ ਹੈ, ਪੀ.ਵੀ. ਸਿੰਧੂ। ਦੇਸ਼ ਦਾ ਨਾਮ ਚਮਕਾਉਣ ਵਾਲੀ ਸਿੰਧੂ ਅੱਜ ਵਤਨ ਪਰਤੀ।