ਮੈਡਲ ਜਿੱਤਣ ਤੋਂ ਬਾਅਦ ਲਈ ਸੈਲਫੀ, ਮੌਤ ਦੀ ਸਜ਼ਾ ਲਈ ਹੋਵੇਗੀ ਵਤਨ ਵਾਪਸੀ ?
ਇਸ ਸੈਲਫੀ 'ਚ ਹੌਂਗ ਯੂ ਜੁੰਗ ਅਤੇ ਲੀ ਯੂ ਲੂ ਇਕੱਠੇ ਵਿਖਾਈ ਦੇ ਰਹੀਆਂ ਹਨ। ਪਰ ਹੁਣ ਇਹ ਸੈਲਫੀ ਹੌਂਗ ਯੂ ਜੁੰਗ ਦੇ ਲਈ ਮੁਸੀਬਤ ਬਣ ਗਈ ਹੈ।
ਦੀਪਾ ਕਰਮਾਕਰ ਨਾਲ ਵਾਲਟ ਈਵੈਂਟ ਦੇ ਫਾਈਨਲ 'ਚ ਹਿੱਸਾ ਲੈਣ ਵਾਲੀ ਮਹਿਲਾ ਜਿਮਨਾਸਟ ਲਈ ਓਲੰਪਿਕਸ 'ਚ ਈਵੈਂਟ ਤੋਂ ਬਾਅਦ ਸੈਲਫੀ ਲੈਣਾ ਹੁਣ ਜਾਨਲੇਵਾ ਸਾਬਿਤ ਹੋ ਸਕਦਾ ਹੈ।
ਦਰਅਸਲ ਨਾਰਥ ਕੋਰੀਆ ਦੀ ਅਥਲੀਟ ਹੌਂਗ ਯੂ ਜੁੰਗ ਅਤੇ ਸਾਊਥ ਕੋਰੀਆ ਦੀ ਲੀ ਯੂ ਲੂ ਦੀ ਸੈਲਫੀ ਇਨ੍ਹੀਂ ਦਿਨੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।
ਖਬਰਾਂ ਅਨੁਸਾਰ ਇਸ ਸੈਲਫੀ ਕਾਰਨ ਹੌਂਗ ਯੂ ਜੁੰਗ ਨੂੰ ਵਤਨ ਪਰਤਦੇ ਹੀ ਮੌਤ ਦੀ ਸਜ਼ਾ ਸੁਣਾਈ ਜਾ ਸਕਦੀ ਹੈ। ਇਸ ਖਬਰ ਦੇ ਸਾਹਮਣੇ ਆਉਣ ਤੋਂ ਬਾਅਦ ਤੋਂ ਹੀ ਨਾਰਥ ਕੋਰੀਆ ਟੀਮ 'ਚ ਖਲਬਲੀ ਮੱਚ ਗਈ ਹੈ। ਹੌਂਗ ਯੂ ਜੁੰਗ ਨਾਰਥ ਕੋਰੀਆ ਦੀ ਪਹਿਲੀ ਮਹਿਲਾ ਜਿਮਨਾਸਟ ਹੈ ਜਿਸਨੇ ਓਲੰਪਿਕਸ 'ਚ ਮੈਡਲ ਜਿੱਤਿਆ ਹੈ।
ਹੌਂਗ ਨੇ ਬੀਜਿੰਗ ਓਲੰਪਿਕਸ 'ਚ ਵਾਲਟ ਈਵੈਂਟ 'ਚ ਗੋਲਡ ਮੈਡਲ ਜਿੱਤਿਆ ਸੀ। ਹਾਲਾਂਕਿ ਇਸ ਵਾਰ ਓਲੰਪਿਕਸ 'ਚ ਹੌਂਗ ਯੂ ਜੁੰਗ ਆਪਣਾ ਕਮਾਲ ਨਹੀਂ ਦੋਹਰਾ ਸਕੀ।
ਹੌਂਗ ਨੇ ਉਸੇ ਈਵੈਂਟ ਦਾ ਫਾਈਨਲ ਖੇਡਿਆ ਜਿਸ 'ਚ ਦੀਪਾ ਕਰਮਾਕਰ ਭਾਰਤ ਦੀ ਦਾਵੇਦਾਰੀ ਪੇਸ਼ ਕਰ ਰਹੀ ਸੀ। ਇਸ ਈਵੈਂਟ 'ਚ ਹੌਂਗ 6ਵੇਂ ਸਥਾਨ 'ਤੇ ਰਹੀ।
ਸਾਊਥ ਕੋਰੀਆ ਅਤੇ ਨਾਰਥ ਕੋਰੀਆ ਵਿਚਾਲੇ ਸੰਬੰਧ ਬੇਹਦ ਖਰਾਬ ਹਨ ਅਤੇ ਦੋਨੇ ਦੇਸ਼ਾਂ ਵਿਚਾਲੇ ਜੰਗ ਜੇਹੇ ਹਾਲਾਤ ਬਣੇ ਰਹਿੰਦੇ ਹਨ। ਅਜਿਹੇ 'ਚ ਹੌਂਗ ਯੂ ਜੁੰਗ ਅਤੇ ਲੀ ਯੂ ਲੂ ਦੀ ਸੈਲਫੀ ਆਉਣਾ ਨਾਰਥ ਕੋਰੀਆ ਦੇ ਤਾਨਾਸ਼ਾਹ ਕਿਮ ਜੋਂਗ ਉਨ ਨੂੰ ਨਾਗਵਾਰ ਗੁਜਰ ਸਕਦੀ ਹੈ।
ਕਿਮ ਜੌਂਗ ਦੀ ਬੇਰਹਿਮੀ ਦੇ ਕਿੱਸੇ ਦੁਨੀਆ ਭਰ ਚ ਮਸ਼ਹੂਰ ਹਨ ਅਤੇ ਉਹ ਇੱਕ ਅਜਿਹਾ ਤਾਨਾਸ਼ਾਹ ਹੈ ਜਿਸਦੇ ਬਾਰੇ ਕਿਹਾ ਜਾਂਦਾ ਹੈ ਕਿ ਉਹ ਕਦੀ ਵੀ ਕਿਸੇ ਨੂੰ ਵੀ ਮੌਤ ਦੀ ਸਜਾ ਸੁਣਾ ਸਕਦਾ ਹੈ।
ਇਹ ਵੀ ਕਿਹਾ ਜਾਂਦਾ ਹੈ ਕਿ ਓਹ ਆਪਣੇ ਕਰੀਬੀਆਂ ਨੂੰ ਵੀ ਨਹੀਂ ਬਖਸ਼ਦਾ। ਅਜਿਹੇ 'ਚ ਹੁਣ ਹੌਂਗ ਯੂ ਜੁੰਗ ਬਾਰੇ ਇਹ ਤਾਨਾਸ਼ਾਹ ਕੀ ਫੈਸਲਾ ਲੈਂਦਾ ਹੈ, ਇਹ ਸੋਚ ਕੇ ਇਸ ਖਿਡਾਰਨ ਦੇ ਨਾਲ-ਨਾਲ ਸਾਰੇ ਖੇਡ ਪ੍ਰਸ਼ੰਸਕ ਵੀ ਪਰੇਸ਼ਾਨ ਹਨ।