ਵਿਲੇਨ ਨਹੀਂ ਹੈ ਕੈਰੋਲੀਨਾ ਮਰੀਨ, ਚੈਂਪੀਅਨ ਬਾਰੇ ਖਾਸ ਜਾਣਕਾਰੀ !

ਮਰੀਨ ਨੂੰ ਕਿਹਾ ਜਾਂਦਾ ਹੈ ਸਪੇਨ ਦੀ 'ਗਰਲ ਨਡਾਲ'

ਮਰੀਨ ਨੇ ਆਪਣੇ ਸ਼ੁਰੂਆਤੀ ਦਿਨਾ 'ਚ ਮੁੰਡਿਆਂ ਨਾਲ ਅਭਿਆਸ ਕੀਤਾ ਅਤੇ ਦੱਸਿਆ ਜਾਂਦਾ ਹੈ ਕਿ ਇਸੇ ਕਾਰਨ ਓਹ ਲੰਮੇ ਚਲਦੇ ਗੇਮਸ 'ਚ ਥਕਦੀ ਨਹੀਂ ਹੈ। ਮਰੀਨ ਨੇ ਆਪਣੇ ਕਰੀਅਰ 'ਚ ਹੁਣ ਤਕ ਕੁਲ 239 ਜਿੱਤਾਂ ਦਰਜ ਕੀਤੀਆਂ ਹਨ।

ਮਰੀਨ ਸਾਲ 2014 ਅਤੇ 2015 ਦੀ ਵਰਲਡ ਚੈਂਪੀਅਨ ਹੈ। ਬਚਪਨ 'ਚ ਮਰੀਨ ਫਲੀਮੈਨਜ਼ੋ ਡਾਂਸ ਦੀ ਟਰੇਨਿੰਗ ਲੈਂਦੀ ਸੀ। ਫਿਰ ਇਸ ਖਿਡਾਰਨ ਦੀ ਰੁਚੀ ਬੈਡਮਿੰਟਨ ਵਲ ਵਧਣ ਲੱਗੀ। ਪਰ ਸਪੇਨ 'ਚ ਬੈਡਮਿੰਟਨ ਜਾਦਾ ਮਸ਼ਹੂਰ ਨਹੀਂ ਹੈ ਅਤੇ ਇਸੇ ਕਾਰਨ ਮਰੀਨ ਨੂੰ ਪ੍ਰੈਕਟਿਸ ਕਰਨ ਲਈ ਮਹਿਲਾ ਜੋੜੀਦਾਰ ਹੀ ਨਹੀਂ ਮਿਲਦੀ ਸੀ।

ਸਪੇਨ ਦਾ ਨਾਮ ਜੇਕਰ ਦੁਨੀਆ 'ਚ ਸਭ ਤੋਂ ਵੱਧ ਦਿੱਗਜ ਟੈਨਿਸ ਖਿਡਾਰੀ ਰਫੈਲ ਨਡਾਲ ਨੇ ਚਮਕਾਇਆ ਹੈ ਤਾਂ ਮਰੀਨ ਵੀ ਪਿੱਛੇ ਨਹੀਂ ਹੈ। ਮਰੀਨ ਦੇ ਲਗਾਤਾਰ ਕੀਤੇ ਕਮਾਲ ਕਾਰਨ ਉਸਦੇ ਦੇਸ਼ 'ਚ ਉਸਨੂੰ 'ਗਰਲ ਨਡਾਲ' ਵੀ ਕਿਹਾ ਜਾਂਦਾ ਹੈ। ਆਪਣੀ ਸਖਤ ਟਰੇਨਿੰਗ ਕਾਰਨ ਮਰੀਨ ਪਿਛਲੇ ਲਗਭਗ ਡੇਢ ਸਾਲ ਤੋਂ ਨੰਬਰ 1 ਹੈ।

ਮਰੀਨ ਦੀ ਸਭ ਤੋਂ ਵੱਡੀ ਖੂਬੀ ਇਹ ਹੈ ਕਿ ਇਹ ਖਿਡਾਰਨ ਖੱਬੇ ਹੱਥ ਨਾਲ ਖੇਡਦੀ ਹੈ, ਜਿਸ ਨਾਲ ਇਸਨੂੰ ਵਿਰੋਧੀਆਂ ਖਿਲਾਫ ਐਡਵਾਂਟੇਜ ਮਿਲਦਾ ਹੈ। ਮਰੀਨ ਆਪਣੇ ਕਰੀਅਰ ਦੌਰਾਨ ਕੁਲ 19 ਖਿਤਾਬ ਆਪਣੇ ਨਾਮ ਕਰ ਚੁੱਕੀ ਹੈ। ਮਰੀਨ ਆਪਣੇ ਘਰਵਾਲਿਆਂ ਦੀ ਇਕਲੌਤੀ ਬੇਟੀ ਹੈ।

ਕੋਰਟ 'ਚ ਸਿੰਪਲ ਨਜਰ ਆਉਣ ਵਾਲੀ ਇਹ ਬੈਡਮਿੰਟਨ ਖਿਡਾਰਨ ਅਸਲ ਜਿੰਦਗੀ 'ਚ ਕਾਫੀ ਗਲੈਮਰਸ ਹੈ। 23 ਸਾਲ ਦੀ ਮਰੀਨ ਦਾ ਸੋਸ਼ਲ ਅਕਾਊਂਟ ਉਨ੍ਹਾਂ ਦੀਆਂ ਗਲੈਮਰਸ ਫੋਟੋਸ ਨਾਲ ਭਰਿਆ ਹੋਇਆ ਹੈ।

ਦੋਨਾ ਦੀਆਂ ਸੋਸ਼ਲ ਵੈਬਸਾਈਟਸ 'ਤੇ ਤਸਵੀਰਾਂ ਖੂਬ ਵਾਇਰਲ ਹੋਈਆਂ ਹਨ। ਇੱਕ ਤਸਵੀਰ 'ਚ ਦੋਨੇ ਕਿਸ ਕਰਦੇ ਵਿਖਾਈ ਦੇ ਰਹੇ ਹਨ ਅਤੇ ਇਹ ਤਸਵੀਰ ਕਾਫੀ ਵਾਇਰਲ ਹੋਈ ਸੀ।

ਮਰੀਨ ਨੂੰ ਭਾਰਤ ਦਾ ਵਿਲੇਨ ਵੀ ਕਿਹਾ ਜਾਣ ਲੱਗਾ ਹੈ। ਪਰ ਅਸਲ 'ਚ ਇਹ ਦਿੱਗਜ ਖਿਡਾਰਨ ਆਪਣੀ ਅਣਥੱਕ ਮਿਹਨਤ ਅਤੇ ਆਪਣੇ ਜਜਬੇ ਕਾਰਨ ਚੈਂਪੀਅਨ ਬਣਨ 'ਚ ਕਾਮਯਾਬ ਹੋਈ ਹੈ। ਪਰ ਬੈਡਮਿੰਟਨ ਕੋਰਟ 'ਚ ਬੇਹਦ ਗੰਭੀਰ ਨਜਰ ਆਉਣ ਵਾਲੀ ਮਰੀਨ ਅਸਲ ਜਿੰਦਗੀ 'ਚ ਕਾਫੀ ਕੂਲ ਰਹਿੰਦੀ ਹੈ।

ਕੈਰੋਲੀਨਾ ਮਰੀਨ ਨੇ ਜੋ ਕਮਾਲ ਕੀਤੇ ਹਨ, ਓਹ ਇੱਕ ਚੈਂਪੀਅਨ ਹੀ ਕਰ ਸਕਦਾ ਹੈ। ਇਹ ਖਿਡਾਰਨ ਬੇਹਦ ਭਾਵੁਕ ਹੋ ਜਾਂਦੀ ਹੈ ਅਤੇ ਮਰੀਨ ਜਜਬੇ ਨਾਲ ਖੇਡਣ ਲਈ ਮਸ਼ਹੂਰ ਹੈ।

ਮਰੀਨ ਨਹੀਂ ਹੈ ਵਿਲੇਨ

ਰੀਓ ਓਲੰਪਿਕਸ ਤੋਂ ਬਾਅਦ ਹਰ ਕਿਸੇ ਦੀ ਜ਼ੁਬਾਨ 'ਤੇ ਇੱਕੋ ਨਾਮ ਹੈ, ਪੀ.ਵੀ. ਸਿੰਧੂ। ਪਰ ਹੁਣ ਨਾਲ ਹੀ ਪੂਰਾ ਦੇਸ਼ ਕੈਰੋਲੀਨਾ ਮਰੀਨ ਦਾ ਨਾਮ ਵੀ ਜਾਣਦਾ ਹੈ। ਖਿਤਾਬੀ ਮੁਕਾਬਲੇ 'ਚ ਸਿੰਧੂ ਨੂੰ ਸਪੇਨ ਦੀ ਕੈਰੋਲੀਨਾ ਮਰੀਨ ਨੇ 19-21, 21-12, 21-15 ਨਾਲ ਮਾਤ ਦਿੱਤੀ।

ਰੀਓ ਓਲੰਪਿਕਸ 'ਚ ਭਾਰਤ ਦੀ ਪੀ.ਵੀ. ਸਿੰਧੂ ਨੇ ਇਤਿਹਾਸ ਰਚ ਦਿੱਤਾ। ਸਿੰਧੂ ਨੇ ਫਾਈਨਲ 'ਚ ਵੀ ਧਮਾਕੇਦਾਰ ਖੇਡ ਵਿਖਾਇਆ ਪਰ ਦੇਸ਼ ਲਈ ਸਿੰਧੂ ਦਾ ਗੋਲਡ ਜਿੱਤਣ ਦਾ ਸੁਪਨਾ ਪੂਰਾ ਨਹੀਂ ਹੋ ਸਕਿਆ। ਸਿੰਧੂ ਅਤੇ ਜਿੱਤ ਦੇ ਵਿਚਾਲੇ ਸਪੇਨ ਦੀ ਕੈਰੋਲੀਨਾ ਮਰੀਨ ਆ ਗਈ।

ਚਾਹੇ ਮਰੀਨ ਕਾਰਨ ਸਿੰਧੂ ਫਾਈਨਲ ਜਿੱਤਣ 'ਚ ਨਾਕਾਮ ਹੋ ਗਈ ਅਤੇ ਕੁਝ ਲੋਕ ਉਸਨੂੰ ਵਿਲੇਨ ਸਮਝਣ ਲੱਗੇ ਪਰ ਅਸਲ 'ਚ ਇਹ ਖਿਡਾਰਨ ਵੀ ਉਨ੍ਹੀਂ ਹੀ ਹੌਂਸਲਾ ਅਫਜ਼ਾਈ ਅਤੇ ਇੱਜਤ ਦੀ ਹਕਦਾਰ ਹੈ, ਜਿੰਨੀ ਕਿ ਪੀ.ਵੀ. ਸਿੰਧੂ। ਕੋਰਟ 'ਤੇ ਇਸ ਚੈਂਪੀਅਨ ਨੂੰ ਮਾਤ ਦੇਣਾ ਆਸਾਨ ਨਹੀਂ ਹੈ।

ਉਸਦੇ ਮਾਤਾ-ਪਿਤਾ ਨੂੰ ਉਸਤੇ ਗਰਵ ਹੈ। ਮਰੀਨ ਦੇ ਚਾਹੁਣ ਵਾਲਿਆਂ ਦੀ ਗਿਣਤੀ ਵੀ ਲੱਖਾਂ 'ਚ ਹੈ, ਪਰ ਇਥੇ ਵੀ ਮਰੀਨ ਕੋਲ ਪਹੁੰਚਣਾ ਮੁਸ਼ਕਿਲ ਹੈ ਕਿਉਂਕਿ ਉਸਦਾ ਬੁਆਏਫਰੈਂਡ ਹੈ।