ਓਲੰਪਿਕ ਬਰੌਂਜ਼ ਮੈਡਲਿਸਟ ਨਾਲ ਵੀਰੂ ਦੀ ਮੁਲਾਕਾਤ

Follow Sakshi MalikVerified account ‏@SakshiMalik @virendersehwag sir, thanku for meeting me, you are such a great personility..

Follow Virender SehwagVerified account ‏@virendersehwag Great meeting @SakshiMalik .She did not wrestle,and so I comfortably congratulated her for making the country proud.

ਵਿਰੇਂਦਰ ਸਹਿਵਾਗ ਦਾ ਟਵੀਟ

ਸਾਕਸ਼ੀ ਨੇ ਵੀ ਵਿਰੇਂਦਰ ਸਹਿਵਾਗ ਦੀ ਤਾਰੀਫ ਕੀਤੀ। ਸਾਕਸ਼ੀ ਨੇ ਟਵੀਟ ਕਰਕੇ ਵੀਰੂ ਨੂੰ ਮਿਲਣ ਲਈ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਉਨ੍ਹਾਂ ਦੀ ਸ਼ਖਸੀਅਤ ਸਭ ਤੋਂ ਅਲਗ ਹੈ।

ਹਰਿਆਣਾ ਸਰਕਾਰ ਪਹਿਲਾਂ ਹੀ ਸਾਕਸ਼ੀ ਮਲਿਕ ਨੂੰ ਬੇਟੀ ਬਚਾਓ ਬੇਟੀ ਪੜ੍ਹਾਓ ਪ੍ਰੋਗਰਰਾਮ ਦਾ ਬ੍ਰੈਂਡ ਅੰਬੈਸਡਰ ਬਣਾ ਚੁੱਕੀ ਹੈ। ਅਤੇ ਵੀਰੂ ਦੇ ਟਵੀਟ ਤੋਂ ਇਹੀ ਲਗਦਾ ਹੈ ਕਿ ਦੇਸ਼ ਦਾ ਨਾਮ ਚਮਕਾਉਣ ਵਾਲੀ ਸਾਕਸ਼ੀ ਨੂੰ ਮਿਲਕੇ ਵੀਰੂ ਵੀ ਬੇਹਦ ਖੁਸ਼ ਸਨ।

ਰੀਓ ਓਲੰਪਿਕਸ 'ਚ ਭਾਰਤ ਲਈ ਕਮਾਲ ਕਰਨ ਵਾਲੀ ਸਾਕਸ਼ੀ ਮਲਿਕ ਦਾ ਦੇਸ਼ 'ਚ ਨਿੱਘਾ ਸਵਾਗਤ ਹੋ ਰਿਹਾ ਹੈ। ਹਰਿਆਣਾ ਸਰਕਾਰ ਨੇ ਦੇਸ਼ ਲਈ ਰੈਸਲਿੰਗ 'ਚ ਕਾਂਸੀ ਦਾ ਤਗਮਾ ਜਿੱਤਣ ਵਾਲੀ ਸਾਕਸ਼ੀ ਮਲਿਕ ਨੂੰ 2.5 ਕਰੋੜ ਰੁਪਏ ਦੀ ਇਨਾਮੀ ਰਾਸ਼ੀ ਨਾਲ ਸਨਮਾਨਿਤ ਕਰ ਚੁੱਕੀ ਸੀ ਅਤੇ ਹੁਣ ਦੇਸ਼ ਦੀ ਬੇਟੀ ਨਾਲ ਵਿਰੇਂਦਰ ਸਹਿਵਾਗ ਨੇ ਵੀ ਮੁਲਾਕਾਤ ਕੀਤੀ ਹੈ।

ਸਾਕਸ਼ੀ ਨੇ ਆਪਣੇ ਫੇਵਰਿਟ ਕ੍ਰਿਕਟਰ ਵਿਰੇਂਦਰ ਸਹਿਵਾਗ ਨੂੰ ਟਵੀਟ ਕਰਕੇ ਮਿਲਣ ਦਾ ਸਮਾਂ ਮੰਗਿਆ ਸੀ। ਸਾਕਸ਼ੀ ਨੇ ਟਵੀਟ ਕਰਕੇ ਵੀਰੂ ਨੂੰ ਮਿਲਣ ਬਾਰੇ ਪੁੱਛਿਆ ਅਤੇ ਕਿਹਾ ਕਿ ਉਨ੍ਹਾਂ ਨੂੰ ਕੋਈ ਸਮਾਂ ਦੱਸਿਆ ਜਾਵੇ ਜਦ ਵੀਰੂ ਕੋਲ ਮਿਲਣ ਦਾ ਸਮਾਂ ਹੈ। ਵੀਰੂ ਨੇ ਵੀ ਸਾਕਸ਼ੀ ਨੂੰ ਮਿਲਣ 'ਚ ਦੇਰ ਨਹੀਂ ਕੀਤੀ ਅਤੇ ਸ਼ੁੱਕਰਵਾਰ ਨੂੰ ਵੀਰੂ ਸਾਕਸ਼ੀ ਨੂੰ ਮਿਲੇ। ਇਸ ਮੁਲਾਕਾਤ ਤੋਂ ਬਾਅਦ ਵੀਰੂ ਨੇ ਫਿਰ ਤੋਂ ਆਪਣੇ ਫੈਨਸ ਵੱਲ ਬਾਊਂਸਰ ਸੁੱਟਿਆ। ਵੀਰੂ ਨੇ ਕਿਹਾ ਕਿ 'ਸਾਕਸ਼ੀ ਨਾਲ ਮਿਲਕੇ ਬਹੁਤ ਚੰਗਾ ਲੱਗਾ ਅਤੇ ਸਾਕਸ਼ੀ ਨੇ ਮੇਰੇ ਨਾਲ ਭਲਵਾਨੀ ਨਹੀਂ ਕੀਤੀ, ਇਸਲਈ ਮੈਂ ਉਨ੍ਹਾਂ ਨੂੰ ਜਿੱਤ ਦੀ ਆਸਾਨੀ ਨਾਲ ਵਧਾਈ ਦੇ ਸਕਿਆ।'

ਇਸਤੋਂ ਪਹਿਲਾਂ ਸਾਕਸ਼ੀ ਮਲਿਕ ਨੇ ਟਵੀਟ ਕਰਕੇ ਵੀਰੂ ਤੋਂ ਮਿਲਣ ਦਾ ਸਮਾਂ ਮੰਗਿਆ ਸੀ। ਸਾਕਸ਼ੀ ਦੇ ਟਵੀਟ ਦੇ ਜਵਾਬ 'ਚ ਵੀਰੂ ਵੀ ਕਿਥੇ ਚੁੱਪ ਰਹਿਣ ਵਾਲੇ ਸੀ। ਵੀਰੇਂਦਰ ਸਹਿਵਾਗ ਨੇ ਸਾਕਸ਼ੀ ਨੂੰ ਕਿਹਾ ਕਿ ਜਰੂਰ ਉਹ ਸਮਾਂ ਕੱਡ ਕੇ ਉਨ੍ਹਾਂ ਨਾਲ ਮੁਲਾਕਾਤ ਕਰਨਗੇ। ਪਰ ਨਾਲ ਹੀ ਵੀਰੂ ਨੇ ਮਜ਼ਾਕੀਆ ਅੰਦਾਜ਼ 'ਚ ਕਿਹਾ ਕਿ ਓਹ ਉਮੀਦ ਕਰਦੇ ਹਨ ਕਿ ਸਾਕਸ਼ੀ ਉਨ੍ਹਾਂ ਨਾਲ ਕੁਸ਼ਤੀ ਕਰਨਾ ਸ਼ੁਰੂ ਨਹੀਂ ਕਰ ਦਵੇਗੀ।