ਵਾਰਨਰ ਆਸਰੇ ਆਸਟ੍ਰੇਲੀਆ ਦਾ ਮਜਬੂਤ ਜਵਾਬ

ਆਸਟ੍ਰੇਲੀਆ ਨੇ ਮੈਚ ਦਾ ਤੀਜਾ ਦਿਨ 2 ਵਿਕਟਾਂ 'ਤੇ 278 ਰਨ ਬਣਾ ਕੇ ਖਤਮ ਕੀਤਾ। ਉਸਮਾਨ ਖਵਾਜਾ 95 ਰਨ ਬਣਾ ਕੇ ਮੈਦਾਨ 'ਤੇ ਟਿਕੇ ਹੋਏ ਸਨ। ਪਰ ਆਸਟ੍ਰੇਲੀਆ ਲਈ ਤੀਜੇ ਦਿਨ ਦੇ ਹੀਰੋ ਵਾਰਨਰ ਰਹੇ। ਵਾਰਨਰ ਨੇ 143 ਗੇਂਦਾਂ 'ਤੇ 144 ਰਨ ਦੀ ਪਾਰੀ ਖੇਡੀ। ਵਾਰਨਰ ਦੀ ਪਾਰੀ 'ਚ 17 ਚੌਕੇ ਅਤੇ 1 ਛੱਕਾ ਸ਼ਾਮਿਲ ਸੀ। ਆਸਟ੍ਰੇਲੀਆ ਨੂੰ ਪਹਿਲਾ ਝਟਕਾ ਜਲਦੀ ਹੀ ਲੱਗਾ ਜਦ ਰੈਨਸ਼ਾ 10 ਰਨ ਬਣਾ ਕੇ ਆਊਟ ਹੋ ਗਏ।

ਆਸਟ੍ਰੇਲੀਆ - 278/2

ਪਾਕਿਸਤਾਨ ਨੇ ਆਪਣੀ ਪਾਰੀ 443 ਰਨ ਬਣਾ ਕੇ ਐਲਾਨੀ। ਜਵਾਬ 'ਚ ਆਸਟ੍ਰੇਲੀਆ ਲਈ ਵਾਰਨਰ ਨੇ ਸੈਂਕੜਾ ਜੜਿਆ ਅਤੇ ਟੀਮ ਨੂੰ ਮਜਬੂਤ ਸ਼ੁਰੂਆਤ ਦਿੱਤੀ।

ਪਾਕਿਸਤਾਨ - 443/9 decl.

ਪਾਕਿਸਤਾਨ ਦੀ ਟੀਮ ਲਈ ਸਲਾਮੀ ਬੱਲੇਬਾਜ ਅਜ਼ਹਰ ਅਲੀ ਦੋਹਰਾ ਸੈਂਕੜਾ ਬਣਾ ਕੇ ਨਾਬਾਦ ਰਹੇ ਸਨ। ਅਜ਼ਹਰ ਅਲੀ ਨੇ 305 ਗੇਂਦਾਂ 'ਤੇ 205 ਰਨ ਦੀ ਨਾਬਾਦ ਪਾਰੀ ਖੇਡੀ।

ਇਹ ਅਜ਼ਹਰ ਅਲੀ ਦਾ ਇਸੇ ਸਾਲ ਦਾ ਦੂਜਾ ਦੋਹਰਾ ਸੈਂਕੜਾ ਹੈ। ਅਜਿਹਾ ਕਰਨ ਵਾਲੇ ਓਹ ਪਾਕਿਸਤਾਨ ਦੇ ਪਹਿਲੇ ਬੱਲੇਬਾਜ ਬਣ ਗਏ ਹਨ।

ਵਾਰਨਰ ਨੇ ਦੂਜੇ ਵਿਕਟ ਲਈ ਖਵਾਜਾ ਨਾਲ ਮਿਲਕੇ 198 ਰਨ ਦੀ ਪਾਰਟਨਰਸ਼ਿਪ ਕੀਤੀ। ਵਾਰਨਰ ਜਦ ਆਊਟ ਹੋਏ ਤਾਂ ਆਸਟ੍ਰੇਲੀਆ ਦੀ ਟੀਮ 244 ਰਨ ਬਣਾ ਚੁੱਕੀ ਸੀ।

ਆਸਟ੍ਰੇਲੀਆ ਅਤੇ ਪਾਕਿਸਤਾਨ ਵਿਚਾਲੇ ਮੈਲਬਰਨ 'ਚ ਖੇਡੇ ਜਾ ਰਹੇ ਸੀਰੀਜ਼ ਦੇ ਦੂਜੇ ਟੈਸਟ 'ਚ ਮੈਚ ਦੇ ਤੀਜੇ ਦਿਨ ਦੋਨੇ ਟੀਮਾਂ ਵੱਲੋਂ ਧਮਾਕੇਦਾਰ ਖੇਡ ਵੇਖਣ ਨੂੰ ਮਿਲਿਆ। ਪਾਕਿਸਤਾਨ ਦੇ ਦਮਦਾਰ ਪ੍ਰਦਰਸ਼ਨ ਤੋਂ ਬਾਅਦ ਆਸਟ੍ਰੇਲੀਆ ਲਈ ਵਾਰਨਰ ਨੇ ਧਮਾਕਾ ਕਰ ਦਿੱਤਾ।