ਯੁਵੀ ਦੇ ਸਵਾਲ 'ਤੇ ਯੁਜ਼ੀ ਦਾ ਮਜ਼ੇਦਾਰ ਜਵਾਬ
ਦੋਨਾ ਵਿਚਾਲੇ ਖੂਬ ਮਸਤੀ ਹੋਈ, ਪਰ ਫਿਰ ਇੰਟਰਵਿਊ ਖਤਮ ਹੋਣ ਤੋਂ ਪਹਿਲਾਂ ਯੁਵਰਾਜ ਸਿੰਘ ਨੇ ਯੁਜ਼ਵੇਂਦਰ ਚਾਹਲ ਨੂੰ ਪੁੱਛਿਆ ਕਿ ਜਦ ਉਨ੍ਹਾਂ ਨੇ ਮੈਚ ਦੌਰਾਨ ਯੁਜ਼ੀ ਨੂੰ ਚੁੱਕਿਆ ਤਾਂ ਉਸ ਵੇਲੇ ਉਨ੍ਹਾਂ ਨੂੰ ਕਿਵੇਂ ਦਾ ਮਹਿਸੂਸ ਹੋਇਆ।
ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਖੇਡੇ ਗਏ ਤੀਜੇ ਟੀ-20 ਮੈਚ 'ਚ ਟੀਮ ਇੰਡੀਆ ਦੀ ਜਿੱਤ ਤੋਂ ਬਾਅਦ ਇਸ ਮੈਚ ਤੋਂ ਬਾਅਦ ਯੁਵਰਾਜ ਸਿੰਘ ਅਤੇ ਯੁਜ਼ਵੇਂਦਰ ਚਾਹਲ ਵਿਚਾਲੇ ਕੀਤਾ ਗਿਆ ਇੱਕ ਮਜ਼ੇਦਾਰ ਇੰਟਰਵਿਊ ਖੂਬ ਵਾਇਰਲ ਹੋ ਰਿਹਾ ਹੈ।
ਦਰਅਸਲ ਇਹ ਇੰਟਰਵਿਊ BCCI ਟੀ.ਵੀ. ਲਈ ਯੁਵਰਾਜ ਸਿੰਘ ਨੇ ਕੀਤਾ ਸੀ। ਇੰਟਰਵਿਊ 'ਚ ਯੁਵਰਾਜ ਸਿੰਘ ਨੇ ਇੱਕ ਮੰਝੇ ਹੋਏ ਐਂਕਰ ਵਾਂਗ ਸਵਾਲ ਕੀਤੇ।
ਜਵਾਬ 'ਚ ਯੁਜ਼ਵੇਂਦਰ ਨੇ ਵੀ ਮਜ਼ੇਦਾਰ ਜਵਾਬ ਦਿੱਤਾ। ਯੁਜ਼ਵੇਂਦਰ ਚਾਹਲ ਨੇ ਕਿਹਾ ਕਿ ਓਹ DDLJ (ਦਿਲਵਾਲੇ ਦੁਲਹਨੀਆ ਲੈ ਜਾਏਂਗੇ) ਵਰਗਾ ਮਹਿਸੂਸ ਕਰ ਰਹੇ ਸਨ।
ਤੀਜੇ ਟੀ-20 'ਚ ਭਾਰਤ ਦੀ ਜਿੱਤ ਦੇ ਹੀਰੋ ਰਹੇ ਯੁਜ਼ਵੇਂਦਰ ਚਾਹਲ ਨੇ ਆਪਣੇ 4 'ਓਵਰਾਂ ਚ 25 ਰਨ ਦੇਕੇ 6 ਵਿਕਟ ਝਟਕੇ। ਇਹ ਟੀ-20 ਕ੍ਰਿਕਟ 'ਚ ਟੀਮ ਇੰਡੀਆ ਦੇ ਕਿਸੇ ਵੀ ਗੇਂਦਬਾਜ਼ ਵੱਲੋਂ ਕੀਤਾ ਗਿਆ ਬੈਸਟ ਪ੍ਰਦਰਸ਼ਨ ਹੈ।
ਜਿਸ ਅੰਦਾਜ਼ 'ਚ ਯੁਵੀ ਅਤੇ ਯੁਜ਼ੀ ਨੇ ਇਹ ਗਲਬਾਤ ਕੀਤੀ ਉਸਨੂੰ ਵੇਖ ਦੋਨੇ ਖਿਡਾਰੀਆਂ ਨੂੰ ਚਾਹੁਣ ਵਾਲਿਆਂ ਦਾ ਖੁਸ਼ ਹੋਣਾ ਪੱਕਾ ਹੈ।